Génesis 12:6 - Bible in Tzotzil de Chenalhó with Deuterocanon

⁶ Ech' xtuch'ic jelovel scotol li Canaán banamile. Ibatic c'alal to ta Siquem, te yo' bu muc'ta tulan ta Moree. Li banamil bu ic'otique, ja' te nacalic li canaanetique.

Bible in Tzotzil de Chamula

⁶ Jech ti Abrame ech' xani jelavel c'u sjamlej ti banomile, ja' to ti c'uxi c'ot ta Siquem bu oy ti ch'ul tulan yu'un ti Moree. Yu'un ja' nacalic ti cananeoetic ta banomil taje.

Génesis 12:6 Iomraidhean Croise

Génesis 10:15

Li sba xnich'on Canaane ja' Sidón sbi. Oy yan noxtoc, Het sbi.

Génesis 13:7

Yu'un li jchabivacaxetic yu'un Abrame laj yut sbaic xchi'uc li jchabivacaxetic yu'un Lote. Jech noxtoc te to'ox nacalic li canaanetique xchi'uc li ferezetique.

Génesis 33:18

C'alal isut tal ta Padan-aram li Jacobe, lec tsots, lec jun yo'nton ic'ot ta Canaán. Te ic'ot spas scarpana ta yeloval lum Siquem.

Génesis 34:2

Pero li Siqueme, ja' li xnich'on Hamor heveo vinique, ja' li banquilal yu'unic te ta lume, laj yil li tsebe. Jech te la stsatsal-tsac; laj yuts'inta.

Génesis 34:30

Li Jacobe jech laj yalbe li Simeón xchi'uc Levie: —Vo'oxuc ta acojic me la jta jvocol, me lic scontrainicun li canaanetic li'i, xchi'uc li ferezetique. Yu'un xu' ta stsob sbaic; ta snutsicun loq'uel. Yu'un mu'yuc ep jvinictac li vu'une, jech xu' chismilicun o comel xchi'uc li boch'otic oy cu'une —xut.

Génesis 35:4

Te lic sloq'uesic scotol li sloc'obal diosetic yich'ojique, xchi'uc li staq'uinal xchiquinique. Ja' laj yac'beic ta sc'ob li Jacobe. Li Jacobe la smuc ta banamil ta yibel jpets tulan te ta nopol Siquem.

1 Reyes 12:1

Li Roboame ibat ta Siquem, yu'un te batemic scotol israeletic sventa tstiq'uic ta ajvalilal li Roboame.

1 Reyes 12:25

Li Jeroboame la xcha'va'an lec li lum Siquem te ta vitsetic ta yosilal Efraine; ja' te inaqui o. Ts'acal la xcha'va'an noxtoc li Penuele.

Salmos 60:6

Li Diose jech yaloj te ta xch'ulna: “Toj xcuxet no'ox co'nton ta jvoq'uilan li Siqueme; te ta xcaq'uic batel ta stenlejaltic Sucot.

Oseas 6:9

Li paleetique ja' jechic jech chac c'u cha'al jtsob j'eleq'uetic ti oy boch'o tsmalaic ta bee. Ja' jech chmilvanic te ta sbelal Siquem li paleetique, ja' yu'un la spasic o li c'usi toj chopol ta pasele.

San Juan 4:5

Jech te ic'ot ta jun lum Sicar ta Samaria banamil ta nopol yosil li José ta vo'one ti i'ac'bat comel yu'un stote, ja' li Jacobe.

Hechos 7:16

Ts'acal to la xcuchbeic loq'uel tal li sbaquile, te ivul yu'unic ta Siquem. Ja' te bat smuquic ta muquinaltic ti smanoj ono'ox li Abrahame. Ja' ti la smanbe xnich'nab Amor te ta lum Siqueme.

Deuteronomio 11:30

Li vitsetic le'e, ja' te ta jot uc'um Jordán ta stuq'uil li be xbat ta smaleb c'ac'ale. Ja' te ta yosilal li canaanetic te nacajtic ta stenlejaltic ta stuq'uil Gilgal ta nopol muc'tiquil tsatsal te'etic ta More.

Hebreos 11:9

Ta sventa xch'unojel yo'nton noxtoc li Abrahame, jech c'alal inaqui ta yosil bu i'ac'bate, carpana no'ox la snain jech chac c'u cha'al yanlum. Ja' jech inaqui xchi'uc li Isaac, li Jacob ti sc'oplal ja' co'ol chich'ic xchi'uc li c'usi albil ono'ox ch-ac'batique.

Josué 20:7

Jech li israeletique ja' la st'ujic ta snac'ubbailic li lum Cedes te ta Galilea ta toyolaltic yu'un Neftalí, xchi'uc lum Siquem te ta vitsetic yu'un Efraín, xchi'uc Quiriat-arba, ja' li Hebrón yan sbie; ja' te ta vitsetic yu'un Judá.

Josué 24:32

Li sbaquiltac José ti laj yich'ic loq'uel tal te ta Egipto li israeletique te la smuquic ta Siquem. Ja' li yosil Jacob ti la smanbe ta cien ta sep saquil taq'uin li xnich'nab Hamore, ja' li stot Siqueme. Ts'acal ja' laj yich' comel smomnich'nab ec li Josee.

Jueces 7:1

Li Gedeón, ja' li Jerobaal yan sbie, sob iliquic xchi'uc scotol li boch'otic te xchi'inoje; te bat spas scarpanaic ta nopol nio' Arod. Yan li madianetique te spasoj scarpanaic ta stuq'uil norte ta stenlejaltic ta yoc vits More.

Jueces 9:1

Li Abimeleque, ja' li xnich'on Jerobaale, ibat ta Siquem yu'un bat sc'opan yuts' yalal ta sventa sme'. Jech laj yalbe: