Génesis 12:5 - Bible in Tzotzil de Chenalhó with Deuterocanon

⁵ Li Abrame laj yic' batel li yajnile, ja' li Saraie, xchi'uc sjunich'on, ja' li Lote, xchi'uc scotol li c'usitic oy yu'une, xchi'uc li viniquetic laj yic' ta smozo te ta Harane. Te ic'otic ta Canaán.

Bible in Tzotzil de Chamula

⁵ Va'i un, laj yic' batel ti Sarai ti ja' yajnile, xchi'uc ti Lot ti ja' sjun-nich'one, xchi'uc scotol ti c'usi x'ayan yu'une, xchi'uc ti svinictac ti laj sta ta Harane yo' ta xc'otic ta Canaán banomil.

Génesis 12:5 Iomraidhean Croise

Génesis 10:19

Li yosil canaanetique imuq'uib batel. Xlic ta Sidón c'alal to ta stuq'uil yosilal Gerar xchi'uc c'alal to ta lum Gasa ta stuq'uil lum Sodoma, Gomorra, Adma, xchi'uc Zeboim, xc'ot to c'alal to ta lum Lasa.

Génesis 11:27

Li'i ja' smomnich'nabtac li Taree, ja' li stotic Abram, Nacor, xchi'uc Harane. Li Harane inich'naj, Lot sbi.

Génesis 11:31

Li Taree iloc' batel ta Ur te ta yosilal Caldea yu'un chbat nacluc ta Canaán banamil. Laj yic' batel li xnich'one, ja' li Abrame, xchi'uc li yalibe, ja' li Saraie, xchi'uc smomnich'on, ja' li Lote. Pero c'alal ic'otic ta lum Harane, te no'ox inaquiic o.

Génesis 13:5

Li Lote ep sc'ulejal ec. Co'ol sc'ulejalic xchi'uc li sjuntot Abrame. Oy ep xchijtac, xvacaxtac, xchi'uc svinictac co'ol inaquiic xchi'uc.

Génesis 13:6

Ti bu oyique, mu xve' o scotol li sts'unub yovolique yu'un toj ep. Jech mu xu' te co'ol nacalic.

Génesis 14:14

C'alal laj ya'ay Abram ti ichucat xa batel li sjunich'one, la stsob li smozotac te voq'uemic ta snae. La xchapan lec batel. Ti c'u yepal la sta sbaique, ja' oxib ciento xchi'uc vaxaclajuneb (318). Jech iloq'uic batel; bat snutsic li ajvaliletique ic'otic c'alal to ta lum Dan.

Génesis 14:21

Li ajvalil ta lum Sodomae jech laj yalbe li Abrame: —Ja' no'ox ac'bun batel li jvinictaque. Yan li c'usitic yan laj apoj sutel tale, te ich'o comel —xut.

Génesis 28:10

Li Jacobe iloc' batel ta Beerseba, la stam batel sbelal Harán.

Génesis 36:6

Li Esaue laj yic' batel li yajniltaque, xchi'uc li squeremetic, stsebetique, xchi'uc scotol li boch'otic te xchi'uque. Ibat sa' yan yosil, yu'un tsvoc' sba batel ta stojol li yits'in Jacobe. Laj yic' batel scotol sts'unub yovol, xchi'uc scotol li c'usitic iloc' yu'un te ta Canaane.

Levítico 22:11

“Me oy smozo ti manbil yu'un li palee, xu' tsti' li c'usi ts'u'iltasbil cu'une. Jech noxtoc li boch'otic te voq'uemic ta sna li palee, xu' te tsti'ic ec li sve'el palee.

Hechos 7:4

Jech iloc' batel ta yosilal caldeaetic; te c'ot nacluc ta Harán. C'alal icham li stote, ja'o i'ic'at tal yu'un Dios li' ta banamil; ja' ti bu nacalutic ta orae.