Génesis 12:2 - Bible in Tzotzil de Chenalhó with Deuterocanon

² Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Bible in Tzotzil de Chamula

² Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Génesis 12:2 Iomraidhean Croise

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 15:5

Li Muc'ul Diose laj yic' loq'uel ta amac' li Abrame jech laj yalbe: —Q'uelo lec avil li vinajele. Ato jaybej li c'analetique. Jq'ueltiquic me xu' avu'un yatel, yu'un jech to yepal chbat li amomnich'nabtaque —xut.

Génesis 17:20

Ta sventa li Ismaele laj xa ca'ay li c'usi chac'anbee, jech ta xcac'be bendición ec. Ta xcac'be xnich'nab, xchi'uc ta xcac' boluc ep smomnich'nab. Li Ismaele ja' totil chc'ot yu'un lajchab (12) muc'tic banquilaletic, xchi'uc ja' ta sventa ta xlic jun muc'ta lum.

Génesis 18:18

Yu'un li stuque ja' totil chc'ot yu'un jun muc'ta lum ti oy lec stsatsale. Yu'un calojbe ono'ox ti ja' ta sventa chich'ic bendición scotol li muc'tic lum li' ta banamile.

Génesis 18:19

Vu'un la jt'uj ta sventa ac'o yalbe ya'yic xnich'nab xchi'uc smomnich'nab ti ac'o yich'ic ta muc' li chanubtasel cu'une, xchi'uc ti ac'o spasic scotol c'usitic lec xchi'uc c'usitic tuq'ue, yu'un jech chcac' c'otuc ta pasel scotol li c'usitic calojbe ono'oxe”, xi.

Génesis 19:29

Ac'o me la slajes Dios li lumetic te ta stenlejaltic yo' bu to'ox nacal li Lote, pero muc xch'ay ta yo'nton c'usi yalojbe li Abrahame, jech c'alal ital li tsatsal tojol mulile la sloq'ues batel li Lote.

Génesis 24:1

Li Abrahame mol xa'ox, pero ep ac'bil bendición yu'un li Muc'ul Diose.

Génesis 24:35

Li Muc'ul Diose yac'ojbe ep bendición li cajvale, xchi'uc yac'ojbe ep sc'ulejal. Ac'bil ep xchij, xvacax, c'anal taq'uin, saquil taq'uin, smozotac, squiaratac, scamellotac, xchi'uc sburotac.

Génesis 25:11

C'alal chamen xa'ox li Abrahame, li Diose laj yac'be bendición li Isaac ti te icom ta naclej ta nopol joc' ti “Chiyilun li cuxul Diose” xi sbie.

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 26:4

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 27:29

Ac'o yac' sba ta mozoinel avu'un li cristianoetique. Ac'o squejan sbaic ta atojol li cristianoetic ta muc'tic lumetique. Vo'ot chlic aventain atuc li achi'iltaque. Ac'o squejan sbaic ta atojol. Li boch'o ta scontrainote ac'o ac'batuc stoj smul; yan li boch'o lec chayilote ac'o ac'batuc bendición”,, xut.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 46:3

Jech i'albat yu'un li Diose: —Vu'un Diosun, ja' li Dios yu'un atote. Mu me xaxi' ti chabat ta Egiptoe yu'un te chc'ot jboles ep amomnich'nab. Jun muc'ta lum ta xbat cu'un.

2 Samuel 7:9

La jchi'inot ti buyuc no'ox labate; la jtsalbot scotol li avajcontra c'alal la scontrainicote, xchi'uc laj cac' pucuc lec ac'oplal jech chac c'u cha'al li boch'otic ven tsots yabtelic li' ta banamile.

1 Reyes 1:47

Li xchi'iltac ta abtel ajvalile laj xa spatbeic yo'nton li ajvalil Davide, jech laj yalbeic: “Ac'o coltaatuc yu'un Dios li Salomón jech chac c'u cha'al coltabilot yu'un Diose. Toj tsots yabtel ac'o c'otuc jech chac c'u cha'al tsots avabtel li vo'ote”, xutic. Jech ec li ajvalil Davide la squejan sba ta svayab. Laj yich' ta muc' li Diose,

Job 35:8

Li cristiano jech chac c'u cha'al vo'ote ja' tsoc ti c'alal chopol c'usi chapase; ja' chlecubic noxtoc ti c'alal lec c'usi chapase.

Salmos 107:38

Ta x'ac'batic lec bendición, ta sbolesatic lec, xchi'uc mu'yuc ta sbic'tajesbatic li sts'unub yovolique.

Éxodo 1:7

Pero ta sventa ti bats'i ep ibol yalab xnich'nabique, jech ibolic ta jyalel, laj yich' lec stsatsalic. Solel inoj yu'unic li banamil bu ic'otique.

Éxodo 32:10

¡Ja' yu'un li' ta orae tsots chi'ilin ta stojolic! ¡Mu me c'usi xal avo'nton, yu'un ta xcules scotolic! Vo'ot xa no'ox ta aventa xu' ta jliques jun muc'ta lum —x'utat.

Isaías 51:2

ja' li Abrahame yu'un ja' atotic; li Sarae ja' ame'ic, yu'un ja' la sbolesoxuc. C'alal laj quiq'ue, stuc no'ox, pero laj cac'be ep bendición, laj jbolesbe ep smomnich'nab.

Ezequiel 34:26

Ta xcac'beic lec bendición li jchijtaque xchi'uc li spat xocon vits cu'une. Ta xcac'beic lec vo' ti c'alal yoraile; ja' jun bendición chc'ot yu'unic.

Miqueas 7:20

Ac'o jechuc o avo'nton ta sventa c'usi avalojbe li Jacobe, xchi'uc ac'o avac' li c'uxubinel ti avalojbe ono'ox li Abrahame, ja' li jmoltotcutic ta vo'onee, yu'un jech ono'ox avalojbe ta jamal.

Zacarías 8:13

Smomnich'nab Judá, smomnich'nab Israel, vo'oxuc ti chopol ac'oplalic te ta stojol yanlum cristianoetique, ta xlic jcoltaoxuc; ta xlic cac' lecubuc ac'oplalic. Mu me xaxi'ic; tsatsubtaso avo'ntonic”, xi li Diose.

Números 14:12

Ta jtac tal jun tsatsal chamel ta stojolic yu'un ac'o chamicuc o, yu'un jech mu me xich'ic o li osile. Pero li vo'ote ta xcac' licuc jun muc'ta lum ta aventa, lec tsots ta xbatic. Li achi'iltaque mu'yuc c'usi xu' yu'unic o —xi li Muc'ul Diose.

Números 22:12

Pero li Diose jech laj yalbe li Balaame: —Mu me xbat achi'in li viniquetique; mu me xbat avuts'inta li jun lum cristianoetic le'e. Yu'un li cristianoetic le'e cac'ojbeic ep bendición li vu'une —xut.

Números 23:20

Li vu'une quich'oj cabtel sventa ta jc'anbe bendición ta stojolic. Me jech yo'nton stuc Dios chac'be bendicione, li vu'une mu xu' ta jmac ta be.

Romanos 4:11

C'alal laj yich' circuncisione, ja' senyail, ja' svinajeb laj yich' ta sbec'tal ti ta melel tuc' yo'nton ilbil yu'un Dios ti c'alal mu'yuc to'ox chich' circuncisione, yu'un jech ja' stotic chc'ot ec li jch'unolajeletic ti mu'yuc yich'ojic circuncisione. Jech tuc' yo'nton ch-ilatic yu'un Dios ec ta sventa li xch'unojel yo'ntonique.

Gálatas 3:14

Ja' yu'un ta sventa Cristo Jesús xu' tstaic yanlum cristianoetic ec li bendición i'albat yu'un Dios li Abrahame. Jech jcotoltic ta sventa xch'unojel co'ntontic xu' chquich'tic li Ch'ul Espíritu ti yaloj ono'ox Dios chijyac'butique.

Gálatas 3:7

Ja' yu'un, li boch'otic jech ta xch'unic eq'ue, ja' mero smomnich'nab Abraham chc'otic.

Deuteronomio 26:5

Ts'acal jech xavalic ta stojol li Muc'ul Dios cu'untique: ‘Li jmoltot jyame' ta vo'onee, unin juteb to'ox tsobolic, mu'yuc to'ox epic. Ja' arametic ti puru xanubal tspasique. Ibatic ta Egipto, te c'ot naquiicuc. Pero ts'acal ipasic ta jun muc'ta lum. I'epajic, itsatsubic ta jyalel.