Génesis 11:7 - Bible in Tzotzil de Chenalhó with Deuterocanon

⁷ Ja' lec yalcutic; bat jc'atajesbetic li sc'opique yu'un jech mu xa xa'ibe sba sc'opic”, xut sbaic.

Bible in Tzotzil de Chamula

⁷ Ja' lec, yalcutic batel ta syanijesbel ti sbats'i c'opique yo' jech mu xa'ianbe sbaic.”

Génesis 11:7 Iomraidhean Croise

Génesis 1:26

Ts'acal to jech laj yal: “Jpastic, cristiano jech chac c'u cha'al vu'utic; ja' jloc'ol jq'uexoltic chc'ot. Yu'un ac'o sventainic li choyetique, li mutetique, li chonbolometic ti stac' ts'unele, xchi'uc ti mu stac' ts'unele, xchi'uc li chonetic ti xquilet ta banamil chanovique”, xi.

Génesis 10:20

Le'e ja' smomnich'nabtac li Came, jech yantic xa slumalic ibatic. Ta jujuchop xa inaqui ta yosilal stuquic, xchi'uc ta sc'op stuc ic'opojic.

Génesis 10:32

Scotol le'e ja' smomnich'nabtac Noé ti la spas slumal stuquic ta jujuchop sbiic, xchi'uc ta yosilal stuquic inaquiique. Yu'un c'alal ech'em xa'ox li pulel ta vo'e, la spuc sbaic batel ta buyuc no'ox, jech te la sliquesic muc'tic lum.

Génesis 10:5

Le'e ja' smomnich'nabtac Jafet ti inaquiic ta ti'ti' nabe. Ta jujun slumal stuquic inaquiic, xchi'uc jmoj la stsob sbaic ta jujuchop sbiic. Ta sc'op stuquic ic'opojic.

Génesis 11:5

Li Muc'ul Diose iyal tal, yu'un tal sq'uel li lume xchi'uc li q'uelub osil tspasic li cristianoetique.

Génesis 3:22

Jech laj yal: “Li' ta orae ja' xa jech ic'ot jech c'u cha'al vu'utic li vinique, yu'un laj xa sna' c'usi lec xchi'uc c'usi chopol. Mu xa xu' chbat stul yan velta li sat te' sventa cuxlejale yu'un me la slo'e, jech xu' chcuxi o sbatel osil”, xi li Muc'ul Diose.

Génesis 42:23

C'alal te chlo'ilajique, mu sna'ic me cha'ay José li c'usi chalique. Yu'un c'alal la sc'opanic li Josee, oy j'et'esejc'op te icoltaatic.

Job 12:20

Xu' tspajes ta lo'il li boch'o chalic ti lec xu' yu'unique; xu' tspojbe sbijil li moletique.

Salmos 2:4

Pero li Cajval te nacal ta vinajele stse'in no'ox yu'un li c'usi chalique.

Salmos 33:10

Li Muc'ul Diose ta slajesbe sc'oplal c'usi chchapan li jujun banamile; ta xtuch'be ta be c'usi tsc'an tspas li jujun lume.

Salmos 55:9

Cajval, uleso ta j'ech'el li cajcontrae; soquesbo li ya'yejique, yu'un quiloj ti ja' no'ox puru sa' c'op, ti puru liquesej c'op tspasic te ta lume.

Éxodo 4:11

Itac'ov li Muc'ul Diose: —¿Boch'o la spasbe ye li cristianoetique? ¿Me muc vu'cun jech ta jpas ti oy uma', ti oy coc, ti oy ma'sat, xchi'uc ti oy boch'o lec xil osile?

Isaías 33:19

Yu'un muc xa teuc nacaloxuc ta slumal li jtoybaetic, ti toj vocol ta a'ibel sc'opique, ti toj chucul ta alel li sc'opique, ti mu a'ibaj smelole.

Isaías 6:8

Ja'o te laj ca'ay ic'opoj li Cajvaltique, jech laj yal: “¿Boch'o ta jtac batel? ¿Boch'o xu' chbat c'opojuc ta jventatic?”, xi. Jech la jtac' li vu'une: “Li' oyun vu'une, tacun batel”, xcut.

Jeremías 5:15

Jech chal noxtoc li Muc'ul Diose: “Israel, a'yo ava'ay, ta xcac' taluc ta atojol namal cristianoetic. Ja' jun tsatsal lum, vo'one ono'ox te oyic; ja' jun lum ti mu xava'ibeic o sc'opique.

1 Corintios 14:23

Ja' yu'un c'alal jmoj chatsob abaic acotolic, vo'oxuc li jch'unolajeloxuque, me ta puru yantic c'op chac'opoj acotolique, me te ch-ochic tal ec li boch'otic mu'yuc to lec xchanojic, o me ja' li boch'otic mu'yuc to chch'unic lec sc'op Diose, “Yich'ojic chuvaj li c'usi tspasique”, ¿me mu xiuc ac'oplalic?

Deuteronomio 28:49

Li Muc'ul Diose ta stacboxuc tal ta atojolic cristianoetic ta yan banamil ti bats'i nom nacalique, ti mu xava'ibeic sc'opique. Ja' jech ta ora no'ox ta xtal ta atojolic jech chac c'u cha'al chvil jcot xic.