Génesis 11:1 - Bible in Tzotzil de Chenalhó with Deuterocanon

¹ Li cristianoetic ta vo'one jun to'ox sc'opic scotolic.

Bible in Tzotzil de Chamula

¹ Ti jech yorail ta vo'ne taje, jtos no'ox ti sbats'i c'opique.

Génesis 11:1 Iomraidhean Croise

Génesis 10:32

Scotol le'e ja' smomnich'nabtac Noé ti la spas slumal stuquic ta jujuchop sbiic, xchi'uc ta yosilal stuquic inaquiique. Yu'un c'alal ech'em xa'ox li pulel ta vo'e, la spuc sbaic batel ta buyuc no'ox, jech te la sliquesic muc'tic lum.

Génesis 11:2

C'alal ibatic ta stuq'uil sloq'ueb c'ac'ale, te la staic jun stenlejaltic ta yosilal Sinar, jech te inaquiic o.

Génesis 11:6

Li Muc'ul Diose jech la snop: “Ta scoj ti jun no'ox slumalic scotol li cristianoetique xchi'uc ti jun no'ox sc'opique, ja' yu'un la sliquesic li abtel yu'unique. Jech mu c'uxi xpaj o li c'usiuc no'ox snop tspasique.

Isaías 19:18

C'alal ja'o jech chc'ot ta pasele, oy vo'ob lum te ta yosilal Egipto ti hebreo sc'opique, ta sjunul yo'ntonic chalic ta jamal ti chich'ic ta muc' li Muc'ul Dios ti ech'em svu'ele. Li vo'ob lum le'e oy jun ti ja' muc'ta lum Herez sbie.

Sofonías 3:9

“C'alal me la sta li sc'ac'alil le'e, ta xcac' puru lequil c'op chloc' ta yeic ep cristianoetic ta jujun lum, yu'un jech xu' chlic sc'anbicun vocol, vu'un li Muc'ul Diosune; yu'un jech co'ol chlic tunicuc cu'un scotolic.

Hechos 2:6

C'alal laj ya'yic c'usi ibaq'ue, la stsob sba scotol li epal cristianoetic te oyique. Toj labal laj ya'yic, yu'un laj ya'yic ti laj yich'ic c'opanel ta sc'op stuquic ta jujuchopique.