Génesis 10:10 - Bible in Tzotzil de Chenalhó with Deuterocanon

¹⁰ Li lumetic bu la spas mantal ta sliquebe ja' Babel, Erec, Acad, xchi'uc Calne; ja' te oy ta yosilal Sinar.

Bible in Tzotzil de Chamula

¹⁰ Ti jteclumetic bu laj spas mantal ti Nimrode, ja' ti Babele, ti Ereque, ti Acade, ti Calnee, oy ta yosilal ti Sinare.

Génesis 10:10 Iomraidhean Croise

Génesis 10:9

Li Nimrode ja' yabtel ta smil ti'bol yu'un jech ac'bil yu'un li Muc'ul Diose. Ja' te ilic tal li lo'il ti jech chalique: “Ja' co'ol jech chac c'u cha'al Nimrod ti jech la sc'an Muc'ul Dios ti ja' banquilal jmilchonbolometic ic'ote”, xi.

Génesis 11:2

C'alal ibatic ta stuq'uil sloq'ueb c'ac'ale, te la staic jun stenlejaltic ta yosilal Sinar, jech te inaquiic o.

Génesis 11:9

Li slumalic bu la sliquesic spasele ja' Babel ic'ot sbi. Yu'un li Muc'ul Diose ja' te la sc'atajesbe sc'op scotol li cristianoetic ta banamile, xchi'uc ja' te lic spuc batel ta sbejel banamil.

Génesis 14:1

Ta sc'ac'alil le'e, oy chanib ajvaliletic la spasic pleito xchi'uc yan vo'ob ajvaliletic. Li Quedorlaomer, ja' li banquilal ta chanib ajvalile, ja'o ochem ta ajvalilal te ta Elam. Ja'o ochem ta ajvalilal te ta Sinar li Amrafel sbie. Li Arioque ja'o ochem ta ajvalil te ta Elasar. Li Tidale ja'o ochem ta ajvalil te ta Goim.

Isaías 10:9

Li vu'une co'ol no'ox sba chca'ay scotol lumetic jech chac c'u cha'al li lum Calno xchi'uc Carquemise. Li Hamate co'ol sba chca'ay xchi'uc li Arfade; li Samariae co'ol sba chca'ay jech chac c'u cha'al li Damascoe.

Isaías 11:11

C'alal me la sta sc'ac'alile, li Muc'ul Diose chlic stsob tal yan velta li steclumal ti c'u to yepal te comenic ta Asiria, ta Egipto, ta Patros, ta Etiopía, ta Elam, ta Sinar, ta Hamat, xchi'uc ta lumetic ta ti'ti' nabe.

Isaías 39:1

C'alal ja'o jech ic'ot ta pasele, li ajvalil ta Babiloniae, ja' li Merodac-baladán xnich'on Baladane, la stac batel j'almantaletic yu'un ta stojol li ajvalil Ezequiase, yu'un laj ya'ay ti tsots itsacat ta chamele xchi'uc ti icol xae. Jech la stacbe tal carta, xchi'uc smoton.

Jeremías 50:1

Li Muc'ul Diose ta sventa j'alc'op Jeremías laj yal c'usi chc'ot ta pasel ta stojol li Babiloniae, ja' li yosilal caldeaetique. Jech laj yal:

Jeremías 50:21

“¡Bat tsaquic ta pleito li yosilal Merataime xchi'uc li jnaclumetic ta Pecode! ¡Nutsic batel, bat milic, ulesic o ta j'ech'el! Ja' jech xapasbeic jech chac c'u cha'al laj calboxuque”, xi li Muc'ul Diose.

Ezequiel 27:23

Jech noxtoc laj apasic trato achi'uc li Harán, Cane, Edén, xchi'uc li jmanulajeletic, jchonolajeletic ta Sabá, ta Asiria, xchi'uc ta Quilmade.

Daniel 1:2

Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.

Amós 6:2

Batanic ta Calne, q'uelo lec avilic. Ts'acal xabatic ta Hamat, ja' li muc'ta lume; ts'acal xayalic batel ta Gat, ja' li yosilal filistaetique. Q'uelavilic me vo'oxuc toj ech'em xu' avu'unic jech chac c'u cha'al li yantic banamile, xchi'uc me ja' xjelov smuc'ul avosilalic jech chac c'u cha'al li yosilalique.

Miqueas 4:10

Lum Sión, ayetan, viquetan ta oq'uel jech chac c'u cha'al jun ants ti liquem xa xc'uxul xch'ute, yu'un ta xa xloc' batel li' ta atojol li jnaclumetic avu'une. Ta jamalaltic xa no'ox chnaquiic c'alal to chc'otic ta Babilonia. Pero ta to xich'ic coltael yu'un li Muc'ul Diose; ta to xich'ic pojel loq'uel ta sc'ob li yajcontraique.

Miqueas 5:6

Ta espada chbat tsalvanicuc ta yosilal li Asiriae; ta espada chbat sventainic li yosilal Nimrode. Ja' chiscoltautic loq'uel ta sc'ob li asiriaetic ti c'alal chtal scontrain li jlumaltique, ti c'alal chtal xpech'ic ta teq'uel li sts'aquiltac cosilaltique.

Zacarías 5:11

Itac'ov: “Yu'un ta spasbeic sna te ta yosilal Sinar. C'alal me imeltsaj yu'unique, ja' te ta xlic snacanic lec ta snacleb li moche”, xiyutun.