Génesis 1:9 - Bible in Tzotzil de Chenalhó with Deuterocanon

⁹ Jech laj yal noxtoc li Diose: “Li vo' ti icom ta yolon vinajele, ac'o stsoban sba ta jun no'ox yavil yu'un jech ac'o vinajuc taqui banamil”, xi. Jech ic'ot ta pasel.

Bible in Tzotzil de Chamula

⁹ Va'i un, xi laj yal ti Diose: “Ti vo' ti oy ta yolon vinajele, ac'o stsob sba ta jun no'ox yavilic yo' jech ta xvinaj taquin ta xcom ti jlome.” Ja' jech ic'ot ta pasel.

Génesis 1:9 Iomraidhean Croise

Génesis 1:8

Ti bu jamal icome, “vinajel” laj yac'be sbiin. Ja' jech la spas Dios ta xchibal c'ac'al. Jech i'ic'ub osil, isacub ta yoc'omal.

Nehemías 9:6

Jech lic yalic: “Muc'ul Dios, vo'ot no'ox atuc Diosot, mu'yuc boch'o yan. Vo'ot laj apas li vinajel xchi'uc li jayc'ol ta ven toyol oye, xchi'uc li c'usitic te oye. Vo'ot laj apas li banamile xchi'uc scotol li c'usitic te oye. Vo'ot laj apas li nabetique xchi'uc scotol c'usitic te oye. Vo'ot laj avac' ayinuc scotol li c'usitic oye. Scotol li c'usitic oy ta vinajele chayich'icot ta muc'.

Job 26:10

Ta jot to sti' muc'ta nab laj yac'be spajeb ta joyob yilel li banamile; laj yac'be sts'aquil yilel li sac osil xchi'uc ic' osile.

Job 26:7

Li Diose ja' la xlich'an batel vinajel ti bu xocole; ja' la st'uyan ta jech no'ox li banamile.

Salmos 104:3

Laj anacan ta sba yac'ol toc li anae. Ja' acareta c'otem ya'yel li toquetique; ja' axic' c'otem ya'yel li iq'ue sventa buyuc no'ox chabat.

Salmos 33:7

Ja' tstsob ta jmoj scotol li vo'etic ta nabe; ja' chac' ta yav te ta natil nabetic.

Salmos 95:5

Ja' yu'un noxtoc li muc'tic nabe yu'un ja' la spas; ja' spasben stuc noxtoc li bats'i banamile.

Eclesiastés 1:7

Li uc'umetique te chc'otic ta nab scotol, pero li nabe mu xnoj, yu'un chloc' batel noxtoc; chbat ti bu ono'ox sbe uc'umetique.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Jonás 1:9

Itac'ov li Jonase: —Vu'un hebreo vinicun; ja' quich'oj ta muc' li Muc'ul Diose, ja' li Dios ti la spas vinajele, ja' li boch'o la spas li nabe xchi'uc li banamile —xi.

2 Pedro 3:5

Le'e sc'anc'un xa'yic muc xac' ta yo'ntonic c'u x'elan imeltsaj ta vo'one li vinajel xchi'uc banamile. Sna'ic ti ta jbel no'ox sc'op Dios iloc' tal ta vo' li banamile xchi'uc ti cacal ta vo' icom li banamile.

Apocalipsis 10:6

Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.