Génesis 1:6 - Bible in Tzotzil de Chenalhó with Deuterocanon

⁶ Ts'acal jech laj yal li Diose: “Ac'o svoc' sba li vo'e. J'o'lol ac'o toyuc batel ta toyol; j'o'lol ac'o comuc ti bu ono'ox oye, yu'un jech jamal chcom ta o'lol”, xi.

Bible in Tzotzil de Chamula

⁶ Ts'acal to un, xi laj yal ti Diose: “Ac'o oyuc c'usi cotcot yo' ta xch'acanan sba batel ti vo'e yo' jech bevel ta xcom.” Ja' jech ic'ot ta pasel.

Génesis 1:6 Iomraidhean Croise

Génesis 1:14

Jech laj yal noxtoc li Diose: “Ac'o oyuc c'usitic chac' xojobal ta vinajel, yu'un ja' ta sacubtasic li banamile, jech ta svoc' sba li c'ac'altic xchi'uc ac'ubaltique. Xchi'uc jech chich' na'el bu chlic jujun c'ac'al, jujun jabil, xchi'uc yorail c'usitic tsots sc'oplal”, xi. Ja' jech ic'ot ta pasel.

Génesis 1:20

Li Diose jech laj yal noxtoc: “Ac'o ayinuc c'usiuc no'ox chanul ta vo'etic, xchi'uc ac'o oyuc mutetic ti xvilet ta toyol chanovique”, xi. Jech ic'ot ta pasel.

Job 26:13

Ta yic'al ye la sq'uepes li osile; ta sc'ob la smil li quiletel chone.

Job 37:11

Ts'acal chlic yac'be xcuch batel li toquetique; ja' xa chlic scocan yalel tal, capal ta sacsevuletic chac' tal.

Job 37:18

¿Me vo'ot laj acolta ta xlich'anel vinajel li Dios ti jech lec tsots icom jech chac c'u cha'al lechlech taq'uine?

Salmos 104:2

Pixilot o ta sac osil jech chac c'u cha'al c'usi pixil ta saquil poc'; vo'ot laj alich'an jech chac c'u cha'al poc' li vinajele.

Salmos 148:4

Vinajel, vo'ot ti toyol oyote, xchi'uc vo'oxuc vo'etic, ti oyoxuc ta toyole, albeic slequilal li Muc'ul Diose.

Salmos 150:1

Ich'ic ta muc' li Diose. Ich'ic ta muc' te ta xch'ulna li Diose; ich'ic ta muc' te ta vinajel.

Salmos 19:1

Li vinajele chac' ta na'el smuc'ul tsatsal li Diose; ti c'u smuc'ul yox ta toyole chac' ta ilel c'usitic spasoj li Diose.

Salmos 19:2

Li c'ac'aletique ja' chalilanbe sbaic o; li ac'ubaletique ja' tspuquic batel.

Salmos 33:6

Li vinajele ta sc'op no'ox Muc'ul Dios i'ayin; scotol li c'usitic oy ta vinajele ta yic'al ye no'ox la spas.

Salmos 33:9

Ja' no'ox ic'opoj, jech imeltsaj yu'un scotol; ja' no'ox laj yal mantal, jech i'ayin yu'un scotol.

Eclesiastés 11:3

Me xcuchoj ya'lel li toque, ta xac' vo' li' ta banamil. Me ta stuq'uil norte, o me stuq'uil sur ta xlom batel li te'e, te chcom o ti bu ic'ote.

Isaías 40:22

ti te chotol ta toyol ta yac'ol banamil ta ven toyol li Diose, ti xco'laj xchi'uc jcot ta xc'ajben chil li cristianoetique? Li stuque ja' chlich' batel jech chac c'u cha'al poc' li vinajele; ja' chjilch'un batel jech chac c'u cha'al spoc'al carpana.

Jeremías 10:10

Yan li Muc'ul Diose ja' bats'i Dios o ta melel. Li stuque ja' bats'i cuxul Dios o; ja' Ajvalil ta sbatel osil. C'alal ta x'iline, ta xnic banamil yu'un; li jujun banamile mu xcuch yu'unic li sc'ac'al yo'ntone.

Jeremías 51:15

Li Muc'ul Diose ta svu'el imeltsaj yu'un li banamile; ta sventa sbijil la xchapan lec, la snacan lec, xchi'uc ta sventa sbijil la xlich'an batel li vinajele.

Zacarías 12:1

Li Muc'ul Diose laj yal c'usi chc'ot ta pasel ta stojol li Israele. Li Muc'ul Dios ti ja' la xlich'an li vinajele, ti ja' la snacan li banamile, ti ja' laj yac'be xch'ulel li cristianoe, jech chal:

2 Pedro 3:5

Le'e sc'anc'un xa'yic muc xac' ta yo'ntonic c'u x'elan imeltsaj ta vo'one li vinajel xchi'uc banamile. Sna'ic ti ta jbel no'ox sc'op Dios iloc' tal ta vo' li banamile xchi'uc ti cacal ta vo' icom li banamile.