Génesis 1:22 - Bible in Tzotzil de Chenalhó with Deuterocanon

²² Laj yac'be bendición li chonbolometic la spase, jech laj yalbe: “Bolanic, epajanic; nojesic li nabetique. Ac'o epajuc noxtoc mutetic ta banamil”, xi.

Bible in Tzotzil de Chamula

²² Ja' yu'un un, xi s'elan laj sts'uiltas ti c'usiticuc chanul laj smeltsane: “C'otuc ta pasel ti ta xaboles abaic liquel ta j'ech'ele. Nojesic ti nabetique. Epajuc ta j'ech'el ti mutetic ta banomil xtoque.”

Génesis 1:22 Iomraidhean Croise

Génesis 1:21

La spas muc'tiquil chanul nabetic noxtoc li Diose, xchi'uc scotol chonetic, choyetic ti chch'iic ta vo'e, xchi'uc scotol li mutetique. Li Diose lec laj yil scotol.

Génesis 1:23

Ja' jech la spas Dios ta yo'obal c'ac'al. Jech i'ic'ub osil, isacub ta yoc'omal.

Génesis 1:28

Laj yac'be bendición. Jech laj yalbe: “Bolanic; epajanic. Nojesic li banamile; ventainic o. Pasic ta mantal scotol li choyetique, li mutetique, xchi'uc scotol li chonetic ti xquilet ta banamil chanovique”, xut.

Génesis 30:27

Itac'ov li Labane: —Avocoluc li' chi'inun oe yu'un la jna' ti vo'ot ta aventa yac'ojbun bendición li Muc'ul Diose.

Génesis 30:30

C'alal livule, mu'yuc to'ox ep c'usi oy avu'un. C'alal li' xa'ox oyune, laj yac'bot ep bendición li Muc'ul Diose, jech toj ep ibol avu'un. Pero li vu'une ¿baq'uin to ta xlic abtejcun jtuc ta sventa ta jta c'usi oy cu'un jchi'uc li cajnil jnich'nabe? —xut.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 8:17

Loq'uesano tal noxtoc scotol li chonbolometic te achi'uque: ja' li mutetique, li chonbolometic ti stac' ts'unele, xchi'uc li chonetic ti xquilet ta banamil chanovique, yu'un ac'o spuc sbaic batel ta scotol banamil. Ac'o bolicuc, ac'o snojesic li banamile”, xut.

Génesis 9:1

Li Diose laj yac'be bendición li Noé xchi'uc xnich'nabe. Jech laj yalbe: “Bolanic, epajanic; nojesic li banamile.

Job 40:15

“Q'uelavil li muc'ta Behemot ti vu'un jpasoj jech chac c'u cha'alote; ts'i'laletic ta slo' jech chac c'u cha'al vacaxetic.

Job 42:12

Li Jobe xjelov to jech yepal i'ac'bat bendición yu'un Muc'ul Dios jech chac c'u cha'al ta sliquebe. Yu'un i'ayin chanlajunmil (14,000) xchij, vacmil (6,000) scamello, jmil (1,000) ta chop j'abtel vacaxetic, jmil (1,000) ta cot sme' sburo.

Salmos 107:31

Tojbeic ta vocol slequil yo'nton li Muc'ul Diose, xchi'uc li sq'uelubiltac stsatsal tspas ta stojol cristianoetique.

Salmos 107:38

Ta x'ac'batic lec bendición, ta sbolesatic lec, xchi'uc mu'yuc ta sbic'tajesbatic li sts'unub yovolique.

Salmos 128:3

Li yajnile ja' jech chc'ot te ta yut sna, jech chac c'u cha'al jpets ts'usub ti sts'uyet no'ox sate. Li xnich'nabe ja' jech chc'ot ta sti' xmexa jech chac c'u cha'al sc'obc'ob oliva te'.

Proverbios 10:22

Li bendición yu'un Muc'ul Diose ja' jc'ulejaltic chc'ot; mu jta jvocoltic yu'un.

Levítico 26:9

Lec chaquiloxuc o. Ta xcac' bolanic, ta xcac' epajanic, xchi'uc j'ech'el te ta xcac' comuc ta atojolic li c'usi chapanbil cu'une.