Génesis 1:21 - Bible in Tzotzil de Chenalhó with Deuterocanon

²¹ La spas muc'tiquil chanul nabetic noxtoc li Diose, xchi'uc scotol chonetic, choyetic ti chch'iic ta vo'e, xchi'uc scotol li mutetique. Li Diose lec laj yil scotol.

Bible in Tzotzil de Chamula

²¹ Ti Diose laj smeltsan muc'tiquil ayinetic ta nab, xchi'uc scotol chonetic ta vo' chlaj ch'iuc xchi'uc ti ta xcuxiique, xchi'uc scotol ti mutetique. Ti c'alal jech laj yil ti Diose, xloc' venta laj yil.

Génesis 1:21 Iomraidhean Croise

Génesis 1:18

ta c'ac'altic xchi'uc ta ac'ubaltique, yu'un jech tsvoc' sba li sac osil xchi'uc ic' osile. Li Diose lec laj yil scotol.

Génesis 1:20

Li Diose jech laj yal noxtoc: “Ac'o ayinuc c'usiuc no'ox chanul ta vo'etic, xchi'uc ac'o oyuc mutetic ti xvilet ta toyol chanovique”, xi. Jech ic'ot ta pasel.

Génesis 1:22

Laj yac'be bendición li chonbolometic la spase, jech laj yalbe: “Bolanic, epajanic; nojesic li nabetique. Ac'o epajuc noxtoc mutetic ta banamil”, xi.

Génesis 1:25

Ja' Dios la spas scotol li chonbolometic le'e. Lec laj yil scotol.

Génesis 1:31

Scotol li c'usitic pasbil yu'un Diose toj lec laj yil. Ja' jech la spas ta svaquibal c'ac'al. Jech i'ic'ub osil, isacub ta yoc'omal.

Génesis 2:19

Li Muc'ul Diose ta ts'u'ilum la spas scotol li chonbolometique xchi'uc li mutetique. Ts'acal to la stsob tal scotol ta stojol li vinique yu'un ac'o yac'anbe sbi. Li vinique lic yac'be sbi li chonbolometic ti stac' ts'unele, xchi'uc ti mu stac' ts'unele, xchi'uc scotol li mutetique. Ti c'u x'elan laj yac'be sbi jujuchope ja' jech icom o. Pero li Adane mu xloc' yajcoltaubbail o te ta chonbolometic.

Génesis 6:20

Te co'ol cha'ochic ta barco achi'uc li cha'cha'cot chonbolometic ta jujuchop sts'unubalique xchi'uc li chonetic ti xquilet ta banamil chanovique, yu'un jech cuxul chcomic.

Génesis 7:14

Te co'ol i'ochic xchi'uc scotol li chonbolometic ti mu stac' ts'unele, xchi'uc ti stac' ts'unele, xchi'uc li mutetique, xchi'uc li chonetic ti xquilet ta banamil chanovique.

Génesis 8:17

Loq'uesano tal noxtoc scotol li chonbolometic te achi'uque: ja' li mutetique, li chonbolometic ti stac' ts'unele, xchi'uc li chonetic ti xquilet ta banamil chanovique, yu'un ac'o spuc sbaic batel ta scotol banamil. Ac'o bolicuc, ac'o snojesic li banamile”, xut.

Génesis 8:19

Jech iloq'uic noxtoc scotol li chonbolometic ti stac' ts'unele, xchi'uc li c'usi mu stac' ts'unele, xchi'uc li chonetic ti xquilet chanovique, xchi'uc li c'usitic xvilet chanovique.

Génesis 9:2

Scotol li chonbolometic ta banamile chlic xi'icuc avu'unic. Scotol li c'usitic xviletique, xchi'uc li c'usitic oy ta banamile, xchi'uc li c'usitic oy ta nabe, cac'oj xa ta ac'obic scotol.

Génesis 9:7

Pero li vo'oxuque bolanic, epajanic. Nojesic banamil achi'uquic li anich'nabique”, x'utat yu'un Dios li Noee.

Job 12:7

“Jac'bo ava'yic li chonbolometic xchi'uc li mutetique; xu' ja' chayalboxuc, xu' ja' chaxchanubtasoxuc.

Job 26:5

“Li animaetique chniquic ta xi'el te ta yolon nabetic ta yutil nabetic.

Job 7:12

¿Me yu'un xico'laj jchi'uc muc'ta chanul nab chavil ti chuculun avu'une?

Salmos 148:7

Albeic slequilal Muc'ul Dios li' ta banamil, vo'oxuc muc'tiquil chanul nabetic, vo'oxuc natil nabetic,

Éxodo 1:7

Pero ta sventa ti bats'i ep ibol yalab xnich'nabique, jech ibolic ta jyalel, laj yich' lec stsatsalic. Solel inoj yu'unic li banamil bu ic'otique.

Éxodo 8:3

Ta xvoc' epal xch'uch'etic ta uc'um. Jech ta xloq'uic tal; ta x'ochic ta apasubmantal, ti bu chavaye; ta xmuyic ta avayab, xchi'uc ta x'och ta snaic li achi'iltac ta abtele, xchi'uc ta snaic scotol li ateclumale, xchi'uc ta x'ochic ti bu chata'ajesic pane xchi'uc ti bu chavots'ique.

Ezequiel 32:2

“Vo'ot xnich'on cristiano, q'uejintao ta sventa ajvalil faraón ta Egipto li q'ueoj sventa at-o'nton li'i, jech xaval: ‘Faraón, co'olot jech chac c'u cha'al león ta stojol li yantic banamile; pero co'olot noxtoc jech chac c'u cha'al ayin ta muc'ta nab, ti yipal cht'axu loq'uel li vo'etique, ti tstatubtas ta yacan li vo'e, ti tsyuq'uilanbe yoc li uc'umetique.

Jonás 1:17

Li Muc'ul Diose spasoj xa'ox tal ta mantal jcot muc'ta choy ta sventa tsbic' batel li Jonase. Jech oxib c'ac'al xchi'uc oxib ac'ubal te oy ta yut xch'ut choy li Jonase.

Jonás 2:10

Ja' yu'un li Muc'ul Diose la spas ta mantal li muc'ta choye, jech te bat xeta loq'uel ta banamil li Jonase.

San Mateo 12:40

Jech chac c'u cha'al te tiq'uil ta xch'ut muc'ta choy oxib c'ac'al xchi'uc oxib ac'ubal li Jonase, ja' no'ox jech ec vu'un ti Xnich'on Cristiano lic'ote, oxib c'ac'al xchi'uc oxib ac'ubal ta ximucat.