Génesis 1:12 - Bible in Tzotzil de Chenalhó with Deuterocanon

¹² Jech lic ch'iuc scotol li vomol a'male, xchi'uc li ts'i'lal ti chac' sbeq'ue, xchi'uc li te'etic ti chac' sate. Li Diose toj lec laj yil scotol.

Bible in Tzotzil de Chamula

¹² Jech ti banomile lic xch'ies talel scotol ti c'usitic ta xch'ie, ti momoletic ta xac' sbeq'ue, xchi'uc te'etic ta xac' sat. Jech ti Diose laj yil ti lec scotole.

Génesis 1:12 Iomraidhean Croise

Génesis 1:11

Jech laj yal noxtoc: “Ac'o ch'iuc ta banamil scotol vomol a'mal, xchi'uc ts'i'lal ti chac' sbeq'ue, xchi'uc te'etic ti chac' sate”, xi. Ja' jech ic'ot ta pasel.

Génesis 1:13

Ja' jech la spas Dios ta yoxibal c'ac'al. Jech i'ic'ub osil, isacub ta yoc'omal.

Salmos 104:14

Vo'ot chavac' ch'iuc ts'i'laletic sventa tslo'ic li chonbolometique, xchi'uc vo'ot chavac' ch'iuc c'usitic tsts'unic li cristianoetique, yu'un jech tsta o sve'elic li' ta banamil.

Isaías 61:11

Li Muc'ul Diose laj xa yac' ch'iuc, laj xa yac' javuc li' ta banamil li tuq'uil chapanel yu'une, jech chac c'u cha'al chjav ts'i'laletic ta banamil, jech chac c'u cha'al chjulij loq'uel tal sq'uelum c'usitic ts'unubil. Jech ch-albat slequilal ta scotol li jujun banamile.

Marcos 4:28

Yu'un te ta xch'i tal stuc ta banamil. Ba'yuc ta xloc' yanal, ja'o ta xac' xnich, ja'o ta xcom sat.

San Lucas 6:44

Li jujupets te'e ta sat ta xcotquintic. Jech noxtoc mu jtatic sat higo ta ch'ix; xchi'uc mu jtatic sat ts'usub ta ch'ixte'.

2 Corintios 9:10

Li Dios ti chac'be sts'unubal c'usi chich' ts'unele, xchi'uc ti ja' chac' c'usitic chich' ve'ele, ja' chayac'boxuc, chayepajesboxuc noxtoc li c'usi chats'unic ta stojole, xchi'uc chayepajesboxuc sat li c'usitic chapasic ta slequil yutsil avo'ntonique.

Gálatas 6:7

Mu me xalo'la abaic. Yu'un li Diose mu xu' chlabanat. Li c'usi tsts'un jujun cristianoe ja' chc'ot sc'aj.

Hebreos 6:7

Nopo ava'yic c'u x'elan li banamile. Ti c'alal chaq'uilan vo'e, chuch'ilan. Jech lec chch'i li c'usitic chtun cu'untique, yu'un chich' li bendición chac' Diose.