Génesis 1:1 - Bible in Tzotzil de Chenalhó with Deuterocanon

¹ Ta sliqueb c'alal lic ayinuc scotole, Dios la spas li vinajel xchi'uc banamile.

Bible in Tzotzil de Chamula

¹ Ti c'usitic lic meltsajuc talel yu'un ti Dios ta sliquebale, vinajel xchi'uc ti banomile.

Génesis 1:1 Iomraidhean Croise

2 Reyes 19:15

Te lic sc'opan Dios: “Muc'ul Dios, Dios yu'un Israel, vo'ot ti te nacalot ta o'lol yu'un li chib sloc'obal querubinetique., Vo'ot no'ox atuc Diosot yu'un scotol li ajvaliletic li' ta banamile. Vo'ot laj apas li vinajel xchi'uc banamile.

1 Crónicas 16:26

Li diosetic yu'un yantic lumetique loc'tabilic no'ox; yan li Muc'ul Diose ja' la spas li vinajele.

2 Crónicas 2:11

Li Hiram ajvalil ta Tiroe la stacbe batel jun carta li Salomone, jech laj yalbe batel: “Li Muc'ul Diose toj c'ux ta yo'nton li jteclum yu'une, ja' yu'un la stic'ot ta ajvalilal yu'unic”, xut.

Nehemías 9:6

Jech lic yalic: “Muc'ul Dios, vo'ot no'ox atuc Diosot, mu'yuc boch'o yan. Vo'ot laj apas li vinajel xchi'uc li jayc'ol ta ven toyol oye, xchi'uc li c'usitic te oye. Vo'ot laj apas li banamile xchi'uc scotol li c'usitic te oye. Vo'ot laj apas li nabetique xchi'uc scotol c'usitic te oye. Vo'ot laj avac' ayinuc scotol li c'usitic oye. Scotol li c'usitic oy ta vinajele chayich'icot ta muc'.

Job 26:13

Ta yic'al ye la sq'uepes li osile; ta sc'ob la smil li quiletel chone.

Job 38:4

¿Li vo'ote bu oyot ti c'alal lic jnacan li banamile? Albun tal me ta melel bijote.

Job 9:8

Stuc la xlich'an li vinajele; ja' xu' yu'un tspas ta mantal li nab ti toyolic no'ox xvil ta yuc'lajetele.

Salmos 102:25

Ta sliquebal ono'ox vo'ot laj aliques li banamile; ja' yabtel ac'ob li vinajele.

Salmos 104:24

Solel mu stac' atel li c'usitic apasoje, Muc'ul Dios. Scotol le'e laj apas ta sventa abijil; li banamile noj ta sventa scotol li c'usitic apasoje.

Salmos 104:30

Pero me chavac'be li ic' avu'un sventa chcuxiique, cuxul chcomic, xchi'uc ch-ach'ub avu'un li sba banamile.

Salmos 115:15

Ac'o yac'boxuc bendición li Muc'ul Diose, ja' li boch'o la spas vinajel xchi'uc banamile.

Salmos 121:2

Li jcoltaele te ta xlic tal ta stojol li Muc'ul Diose, ja' ti la spas vinajel banamile.

Salmos 124:8

Li coltael la jtatique ja' ta sventa li Muc'ul Diose, ja' li boch'o la spas vinajel xchi'uc banamile.

Salmos 134:3

Li Muc'ul Dios ti la spas vinajel banamile, ac'o yac'boxuc tal bendición c'alal ta vits Sión.

Salmos 136:5

Ja' la spas ta sventa sbijil li vinajele, yu'un sbatel osil mu xlaj o li c'uxubinel yu'une.

Salmos 146:6

Ja' li boch'o la spas vinajel banamile, xchi'uc li nabetique xchi'uc scotol li c'usitic te oye; ja' li boch'o puru melelic c'usi chal sbatel osile.

Salmos 33:6

Li vinajele ta sc'op no'ox Muc'ul Dios i'ayin; scotol li c'usitic oy ta vinajele ta yic'al ye no'ox la spas.

Salmos 33:9

Ja' no'ox ic'opoj, jech imeltsaj yu'un scotol; ja' no'ox laj yal mantal, jech i'ayin yu'un scotol.

Salmos 8:3

C'alal ta jq'uel li vinajel ti ja' yabtel avoc ac'obe, xchi'uc li u, li c'analetic apasoje,

Salmos 8:4

jech chcal ta co'nton: ¿C'usi stu li cristianoetic ti tsta ta na'ele? ¿C'usi xu' yu'un li cristiano ti tsots sc'oplal cha'ye?

Salmos 90:2

Ta vo'one c'alal mu'yuc to'ox ch-ayin li vitsetique, c'alal mu'yuc to'ox ch-ayin li banamil xchi'uc li c'usitic oye, vo'ot ono'ox Diosot o; sbatel osil te oyot o.

Salmos 96:5

Yu'un li diosetic yu'un jujun lume loc'ometic no'ox; yan li Muc'ul Diose ja' la spas li vinajele.

Éxodo 20:11

Yu'un ta vaquib no'ox c'ac'al la jpas li vinajel banamile, li nabe, xchi'uc scotol li c'usitic oye. Yan ta svucubal c'ac'ale la jcux co'nton. Ja' yu'un li jun c'ac'ale ts'u'iltasbil cu'un; ja' ch'ul c'ac'al comen ta aventaic.

Éxodo 31:18

C'alal ilaj yo'ntonic ta lo'il xchi'uc Muc'ul Dios li Moisés te ta vits Sinaie, te i'ac'bat yalel tal li cha'pech ton yo' bu ts'ibabil li mantaletic ti la sts'iba tal stuc li Diose.

Proverbios 16:4

Scotol li c'usitic spasoj Muc'ul Diose oy slajeb, jech ec li boch'otic chopolique ja' slajebic ti chbat stoj smulique.

Proverbios 3:19

Li Muc'ul Diose ta sventa sbijil la snacan li banamile; ta sventa sbijil la xlich'an li vinajele.

Eclesiastés 12:1

Ti c'alal ach'iumalic to tale, na'ic me ti oy Boch'o la spasoxuque, yu'un yo'to mu'yuc chataic li chopol orae, yu'un ta to me sta yorail jech chlic avalic: “Mu'yuc c'usi lec la jta ti jayib jabil cuxulune”, xachiic,

Isaías 37:16

“Muc'ul Dios, vo'ot ti ech'em avu'ele, vo'ot Diosot yu'un li Israele, vo'ot ti te nacalot ta o'lol yu'un li chib sloc'obal querubinetique, vo'ot no'ox atuc Diosot yu'un scotol li ajvaliletic ta banamile, vo'ot laj apas li vinajel banamile.

Isaías 40:21

¿Me yu'un mu xana'ic li vo'oxuque? ¿Me mu'yuc bu ava'yojic jutuc a'yej? ¿Me mu'yuc bu albiloxuc tal jutuc ta sliquebal? ¿Me mu'yuc ava'yojbeic tal smelol ta sliqueb banamil

Isaías 40:26

Toyo muyel asatic ta vinajel, q'uelo avilic: ¿Boch'o la spas scotol li c'usitic te chvinaje? Li boch'o tspuc batel ta jujun li c'usitic spasoje, ja' chic'an ta sbi jujun noxtoc. Me junuc mu'yuc ch'ojol chc'ot yu'un, yu'un toj ech'em stsatsal, toj ech'em svu'el, yu'un ja' sventainoj scotol.

Isaías 40:28

¿Me yu'un mu xana'ic, me mu'yuc ava'yojic? Li Dios ti te oy o sbatel osile, ja' li Muc'ul Diose, ja' la spas sbejel li banamile. Mu sna' x'ech' yo'nton, mu sna' slubtsaj. Mu'yuc boch'o xu' tstabe li sbijile.

Isaías 42:5

Li Muc'ul Diose, ja' li Boch'o ta jech no'ox i'ayin yu'un li vinajele, ti la xlich'an batel jech chac c'u cha'al poq'ue, ti la sq'ui batel li banamile xchi'uc li c'usitic te ch'iemique, ti ja' chac'be yich'ic ic' li boch'otic te nacajtique, ti ja' chac'be xcuxlejal li boch'otic te chanovique, jech chalbe li yajtunele:

Isaías 44:24

Li Muc'ul Dios, ja' li Jpojvanej avu'un ti la xchapanot tal ta yut ch'utile, jech chal: “Vu'un Muc'ul Diosun, jtuc la jpas scotol li c'usitic oye; jtuc la jlich'an batel li vinajele; jtuc la jnacan lec li banamile.

Isaías 45:18

Jech chal li Muc'ul Dios ti la spas vinajele, ja' ta melel, ja' li boch'o la spas banamile, ti la xchapan leque, ti lec nacal icom yu'un sventa ac'o oyuc boch'otic te chnaquie: “Vu'un muc'ul Diosun jtuc, mu'yuc yan dios.

Isaías 51:13

¿Me chch'ay ta avo'nton li Muc'ul Dios, ja' li boch'o la spasote, ti ja' la xlich'an batel li vinajele, ti ja' la snacan lec li banamile? ¿C'u yu'un ja' chanic ta xi'el yu'un scotol c'ac'al li j'uts'intavanejetic ti toj tsots xu' yu'unique, ti chapalic xa sventa chasmilicote? ¿C'usi xu' yu'unic li j'uts'intavanejetique?

Isaías 51:16

Vu'un la jlich'an batel li vinajele; vu'un la jnacan lec li banamile. Vu'un laj cac'bot ta ave noxtoc li jc'ope; vu'un la jchabiot, la jventainot lec. Vu'un noxtoc ti jech laj calbe li Sione: ‘Vo'ot jlumalot’, xcut”, xi li Muc'ul Diose.

Isaías 65:17

“A'yo ava'yic, ta xcac' ayinuc ach' vinajel banamil. Li poco'e mu'yuc xa boch'o ta sna' o; mu'yuc xa boch'o ta snopilan o.

Jeremías 10:12

Li Muc'ul Diose ta svu'el la spas li banamile; ta sbijil la xchapan, la snacan lec li osil banamile, xchi'uc ta sventa sbijil la xlich'an batel li vinajele.

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Jeremías 51:15

Li Muc'ul Diose ta svu'el imeltsaj yu'un li banamile; ta sventa sbijil la xchapan lec, la snacan lec, xchi'uc ta sventa sbijil la xlich'an batel li vinajele.

Zacarías 12:1

Li Muc'ul Diose laj yal c'usi chc'ot ta pasel ta stojol li Israele. Li Muc'ul Dios ti ja' la xlich'an li vinajele, ti ja' la snacan li banamile, ti ja' laj yac'be xch'ulel li cristianoe, jech chal:

San Mateo 11:25

Lic sc'opan Dios li Jesuse, jech laj yal: “Tati, vo'ot yajvalot li vinajel banamile. Colaval ti muc xavac'be ya'yic smelol c'usi laj cal xchi'uc c'usi la jpas li boch'otic bijique xchi'uc li boch'otic lec sna' yalojique. Ja' no'ox laj avac'be ya'yic smelol li boch'otic ja' jechic jech chac c'u cha'al ololetique.

Marcos 13:19

yu'un toj tsots li vocol ta xtale. Mu'yuc ono'ox baq'uin jech xc'ot ta pasel c'alal lic spas c'usitic oy li Diose xchi'uc c'alal to tana. Mu'yuc ta xc'ot ta pasel jech yan velta noxtoc.

Hechos 14:15

—Viniquetic, ¿c'u yu'un jech chapasic? yu'un co'ol cristianoutic. Ti litalcutic li'i, ja' tal calcutic ava'yic ti tsc'an chacomtsanic yich'el ta muc' li c'usi mu'yuc stue. Tsc'an ja' chatalic ta stojol li cuxul Dios ti la spas vinajel banamile, xchi'uc li nabe, xchi'uc scotol li c'usitic oye.

Hechos 17:24

“Li Dios ti la spas banamil xchi'uc scotol c'usitic oye ja' yajval li vinajel banamile. Jech mu xnaqui ta ch'ulnaetic pasbil ta sc'ob cristianoetic.

Hechos 4:24

C'alal laj ya'yique, jmoj yo'ntonic la sc'opanic Dios, jech laj yalic: “Cajval, toj ech'em Amuc'ul, vo'ot Diosot ti laj apas vinajel banamile, xchi'uc li nabe, xchi'uc scotol li c'usitic oye.

Romanos 11:36

Yu'un ja' yu'un, ja' la spas; ja' yajval scotol li c'usitic oye. Stuc ac'o ich'atuc o ta muc' sbatel osil. Jechuc.

1 Corintios 8:6

pero li vu'utique jna'tic lec ti jun no'ox Dios oye, ja' li Dios Totile, ti ja' la spas scotol c'usitic oye, xchi'uc ti ja' la spasutique. Jun no'ox li Cajvaltique, ja' li Jesucristoe, ja' ta sventa imeltsaj scotol li c'usitic oye, xchi'uc ja' ta sventa ti laj quich'tic pasel ec li vu'utique.

Efesios 3:9

Xchi'uc ja' cabtel chcac' lec ta na'el ta jamal c'u x'elan yutsil li c'usi nopbil ta vo'one, ti epal jabil muc xac' ta na'el li Dios ti la spas scotol c'usitic oye.

Hebreos 1:10

Jech ts'ibabil noxtoc: “Li vo'ote Cajval, ta sliquebal ono'ox vo'ot laj aliques li banamile, vo'ot yabtel ac'ob li vinajele.

Hebreos 1:2

Yan li' ta ora ti slajebtic xa batel c'ac'ale, ta sventa xa Xnich'on la sc'opanutic li Diose, ja' li xnich'on ti laj yac'be sventain scotol c'usitic oye, xchi'uc ti ja' ta sventa la spas scotole.

Hebreos 11:3

Ta sventa xch'unojel co'ntontic ta jna'tic ti ta jujubel no'ox sc'op i'ayin yu'un Dios scotol li c'usitic oye, ja' yu'un li c'usitic chquiltic ta jsatic li' ta orae i'ayin ta sventa li c'usi mu xquiltique.

Hebreos 3:4

Yu'un li jujubej nae persa oy boch'o tspas. Pero li boch'o la spas sbejel li banamile ja' stuc li Diose.

2 Pedro 3:5

Le'e sc'anc'un xa'yic muc xac' ta yo'ntonic c'u x'elan imeltsaj ta vo'one li vinajel xchi'uc banamile. Sna'ic ti ta jbel no'ox sc'op Dios iloc' tal ta vo' li banamile xchi'uc ti cacal ta vo' icom li banamile.

1 Juan 1:1

Ta jts'ibaboxuc tal ava'yic sc'oplal li Boch'o te ono'ox oy ta sliquebal banamile, yu'un laj ca'ibecutic sc'op, laj quil ta jsat jtuccutic, la jq'uelcutic lec, xchi'uc la jpic ta jc'obcutic. Ja' li Boch'o sventainoj cuxlejale.

Apocalipsis 10:6

Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:13

Vu'un sliquebun, vu'un slajebun., Vu'un la jliques, vu'un ta jvu'es. Te oyun ta sliqueb; te oyun o c'alal ta slajeb”, xi.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye:

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.