Gálatas 4:4 - Bible in Tzotzil de Chenalhó with Deuterocanon

⁴ Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Tzotzil Zinacantan

⁴ Ti cꞌalal ista yorae, istac tal ti Xchꞌamale. Ti cꞌalal itale, jaꞌ yech iꞌayan chac cꞌu chaꞌal voꞌotic yuꞌun iꞌayan ta jun ants. Ixchꞌun mantal uc chac cꞌu chaꞌal li voꞌotique ti naca toꞌox mantal ta jchꞌuntique.

Bible in Tzotzil de Chamula

⁴ Ja'uc ti c'alal laj sta ti yoraile, ti Diose laj stac talel ti Xnich'one, voc' talel ta stojol jun ants, bats'i israel vul, ventainbil c'ot ta xch'unel ti oy c'usi tsots sc'oplal albil yu'un ti Moisese,

Gálatas 4:4 Iomraidhean Croise

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Romanos 1:3

Ja' sc'oplal li Xnich'one, ja' li Cajvaltic Jesucristo ti i'ay yich' sbec'tale, jech smomnich'on David ic'ot.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Marcos 1:15

Jech laj yal: “Ista xa sc'ac'alil, yorail xa chlic sventainoxuc li Diose. Suteso avo'ntonic ta stojol Dios; ja' ch'unic li Lequil A'yeje”, xi.

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.

Efesios 1:10

Ja' ti nopbil ono'ox chac'be sventain scotol c'usitic oy li Xnich'on c'alal tsta yorail yu'une. Ja' banquilal chc'ot yu'un scotol c'usitic oy ta vinajel xchi'uc c'usitic oy li' ta banamil.

San Lucas 2:7

Ivoc' li sba yole, ja' unin querem. La xpix ta poc'; te la xpuch'an ta yavil sve'um vacax, yu'un mu'yuc xa xocol la staic li snail vaybale.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Hebreos 2:14

Jech chac c'u cha'al oy xch'ich'al, oy sbec'tal li xnich'nabtaque, ja' no'ox jech ic'ot ec li stuque. Ja' yu'un c'alal ichame, la slajesbe o stsatsal li boch'o sventainoj lajele, ja' li pucuje.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

Zacarías 6:12

Jech xavalbe: ‘Jech chal li Muc'ul Dios ti tspas ta mantal scotol te ta vinajele: Q'uelavilic, li' oy li vinic ti Ach' Sq'uelum xi sbie; ta xlic q'uelumajuc, ja' ta xcha'pas li ch'ulna cu'une.

Isaías 48:16

Nopajanic tal ta jtojol, a'yo ava'yic: Ta sliquebal ono'ox muc ta muculuc c'usi laj cal; c'alal ic'ot ta pasele, te oyun noxtoc. Ja' yu'un vu'un ta jtac ta jvu'el stsatsal, vu'un li Muc'ul Diosun ti Yajvalun scotole”, xi li Diose.

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

1 Timoteo 3:16

Yu'un jbel sc'oplal toj yan to sba smuc'ul li c'usi melel la jch'untique: Ja' li sc'oplal li Boch'o laj yac' sba ta ilel ta jtojoltic xchi'uc sbec'tale, ivinaj ta sventa Ch'ul Espíritu ti tuc' yo'ntone; i'ilat yu'un j'almantaletic. Ipucbat batel sc'oplal ta yantic banamil; laj yich' ch'unel li' ta banamil, xchi'uc laj yich' iq'uel muyel ta lequilal.

Romanos 15:8

Chacalboxuc ava'yic, li Cristo Jesuse i'ay yac' sba ta yajtunel li boch'otic yich'ojic circuncisione, yu'un jech chac' c'otuc ta pasel li c'usi yalojbe ono'ox jmoltotactic ta vo'onee, jech ivinaj ti melel c'usi chal li Diose.

Hechos 1:7

Itac'ov li Jesuse: —Li vo'oxuque mu'yuc ta aventaic chana'beic sc'ac'alil xchi'uc yorail. Ja' no'ox Jtotic Dios xu' yu'un tspas scotol ta sventa svu'el.

San Lucas 1:31

A'yo ava'ay, ta xlic achi'in avol. Chavoq'ues jun querem. Jesús chavac'be sbi.

San Mateo 3:15

Itac'ov li Jesuse: —Ja' lec ac'bun quich' vo', yu'un tsc'an ac'o jpastic scotol c'usi tsc'an li Diose —xi. Jech te laj yac'be yich' vo' li Jesuse.

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

1 Juan 4:2

Ja' jech xu' chavotquinic me ja' ventainbilic yu'un li Espíritu yu'un Diose: Me jamal chalic ti i'ay yich' sbec'tal li' ta banamil li Jesucristoe, ja' ventainbilic yu'un li Espíritu yu'un Diose.

Hebreos 9:10

Yu'un ja' no'ox mantaletic sventa sba sbec'talic, sventa ve'liletic, sventa c'usitic chuch'ic, xchi'uc c'usitic yan tspasic sventa tslecubtas sbaic. Ja' jech la spasic o c'alal to la spas ta ach' li Diose.

Colosenses 2:14

La slajesbe sc'oplal noxtoc li mantaletic ti ja' ta sventa ep la jta o jmultic ta stojol Diose. La slajesbe yip, laj yac' ta joc'anel ta cruz.

Romanos 9:5

Ja' jun jmoltotcutic ta vo'one, ja' te iloc' ta stojolic li Cristoe; ja' mero sts'unubalic ic'ot. Ja' li Dios ti sventainoj scotol c'usitic oye, ich'biluc ta muc' ta sbatel osil. Jechuc.

San Juan 8:42

Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.

San Mateo 5:17

“Mu me xanopic ti yu'un tal jlajesbe sc'oplal li smantaltac Diose xchi'uc li c'usitic laj yal j'alc'opetique. Mu yu'unuc tal jlajesbe sc'oplal; ja' tal cac' c'otuc ta pasel.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

Números 28:22

Tsc'an chavaq'uic noxtoc jcot tentsun sventa jmoton, yu'un jech ta jch'ayboxuc ta co'nton li amulique.

Romanos 5:6

Ta sventa ti mu xu' cu'un ta jcolta jba jtuctique, ja' yu'un c'alal la sta yorail c'usi ora snopoj Diose, icham ta scoj jmultic li Cristoe vu'utic ti chopol cristianoutique.

1 Timoteo 2:6

Yu'un ja' laj yac' sba ta milel cu'untic, ja' la smanutic jcotoltic. Yu'un ic'ot sc'ac'alil laj yac' ta ilel ti c'uxutic ta yo'ntone.

San Lucas 20:44

Li Davide ‘Cajval’ xi. ¿C'u yu'un ‘Cajval’ xi, me ja' smomnich'one? —xi li Jesuse.