Gálatas 4:3 - Bible in Tzotzil de Chenalhó with Deuterocanon

³ Ja' to'ox jechutic ec li vu'utique; xco'laj to'ox xchi'uc ololutic. Ja' to'ox smozoinojutic li c'usitic xch'unojic cristianoetic li' ta banamile.

Tzotzil Zinacantan

³ Jaꞌ noꞌox yechotic yaꞌel uc. Coꞌolotic toꞌox xchiꞌuc mozoil yaꞌel yuꞌun naca toꞌox mantal ta jchꞌuntic. Calojtic ti jaꞌ chicuxiotic o ta sbatel osile. Pero yaloj onox ti Rioxe ti ta sta yora ti chiyacꞌbotic ti cꞌusuc yuꞌune.

Bible in Tzotzil de Chamula

³ Xi s'elan ma' ti c'otem ta jtojoltic eque: c'alal mu'yuc to ox vulem ti jch'uleltique, pech'el chucolotic yu'un ti stalel snopben jnaclejetic ta banomile.

Tzotzil San Andres

^3-5 Jaꞌ noꞌox jech eꞌuc li joꞌotique, coꞌol toꞌox schiꞌuc jtunelutic yaꞌel li cꞌalal jaꞌ toꞌox jchꞌunojtic li mantaletique, yuꞌun icaltic ti jaꞌ chijcol oe. Pero yaloj onoꞌox li Dios ti chcꞌot scꞌacꞌalil ti ta sventa li Snichꞌone chijyacꞌbutic li cꞌustic oy yuꞌune. Li cꞌalal icꞌot scꞌacꞌalil li cꞌu ora snopoj li Totile, istac talel li Snichꞌone. Cꞌalal itale, jaꞌ jech chac cꞌu chaꞌal joꞌotic yuꞌun ivocꞌ ta jun ants. Schiꞌuc jech chac cꞌu chaꞌal joꞌotic ti ta mantal oyutique yuꞌun jnopojtic ti jaꞌ chijcol o ta sventa li cꞌustic ta jpas jtuctique. Jaꞌ liscoltautic jech snichꞌnabutic xa Dios ta sventa li Cajvaltique.

Tzotzil de Huixtán

^3-5 Ja' no'ox hech uc ti Diose. Xchapanoj ono'ox ti chijyac'bucutic jventaintic scotol c'usi oy yu'un ti sventa ti Snich'one. Hech yu'un ch'acbil yu'un ti Diose c'usi ora chtal ti Snich'one. Hech yu'un laj sta yorail ti itale. Yu'un ti c'alal mu to chtal ti Snich'one, hechucutic hech chaj c'u che'el mozo yu'un pasbilucutic ti mantal yu'un ti c'utic laj jch'untic ti co'ntontic ti hech chijcolucutic laj jcuytique. Hech chaj c'u che'el ho'ucutic ic'ot ti Snich'one yu'un i'alintaat yu'un ants. Ja' hech chaj c'u che'el ho'ucutic ti jch'untic mantal ja' hech ic'ot. Tal scoltaucutic yu'un hech yol snich'on Dios chijc'otucutic ti sventa, ho'ucutic ti oyucutic ti mozoil yu'un ti c'utic laj jch'untic ti co'ntontique ti chijcolucutic laj jcuytique.

Gálatas 4:3 Iomraidhean Croise

San Mateo 11:28

La'ic ta jtojol acotolic, vo'oxuc ti lubenoxuc yu'un li tsatsal abtele xchi'uc li alal icatsile, vu'un ta xcac' acux avo'ntonic.

San Juan 8:31

Li Jesuse jech laj yalbe li boch'otic la xch'unique: —Me j'ech'el chach'unic o li c'usi laj calboxuque, ta melel vo'oxuc mero jch'unolajeloxuc cu'un chac'otic.

Hechos 15:10

Jech ¿c'u yu'un chasa'beic sc'ac'al yo'nton li Diose? Yu'un xco'laj xchi'uc chavac'beic xcuch alal icatsil li jch'unolajeletique. Chac'an chavac'beic xcuch ec li icatsil ti muc xlic yu'unic li jmoltot jyame'tic ta vo'onee, xchi'uc ti muc xlic cu'untic ec li vu'utique.

Romanos 7:14

Yu'un ta jna'tic ti ja' yu'un Dios li mantaletique; yan li vu'une beq'uet no'ox quich'oj. Ja' yu'un mozoinbilun o yu'un li mulile.

Romanos 8:15

Yu'un ti laj avich'ic Ch'ul Espiritue ma'uc sventa chtic'van ta mozoil yu'un ac'o oyuc xi'el chava'yic yan velta jech chac c'u cha'al ta vo'onee. Laj avich'ic Espíritu sventa chac' c'otanic ta Xnich'on Dios, ja' yu'un ja' ta sventa ti “Tati” xcutic xa li Diose.

2 Corintios 11:20

Toj lec sts'ic avu'unic li boch'o chasmozoinoxuque, li boch'o chaslajesboxuc c'usitic oy avu'unique, li boch'o chayelc'anoxuque, li boch'o tstoy sbaic ta atojolique, xchi'uc li boch'o chasmajboxuc asatique.

Gálatas 2:4

Ja' no'ox oy jayibuc jch'unolajeletic ta alel la snaban sbaic ochel ta mucul ec. Yu'un tsc'an tsoquesic li coltael jtaojtic ta sventa Cristoe, yu'un ja' tsc'anic ti ac'o ochcutic ta mozoil yan velta yu'un li mantaletique.

Gálatas 3:19

Pero ¿c'usi stu li smantaltac Dios cha'e? me xachiique, ja' sventa ac'o quiltic ti jbajmantalutique. Ja' itun o c'alal to ital li jun smomnich'on Abraham ti albil ono'ox yu'un Dios chtale. Li mantaletique ta sventa j'almantaletic laj yich' jelubtasbel tal li Moisese, jech ja' xa la sjelubtas tal ta jtojoltic ec.

Gálatas 4:2

Mu to xu' chich', yu'un ventainbil to, chabibil yu'un li boch'o tsts'itesvanique, ja' to me ista ti jayib jabil yaloj li totile.

Gálatas 4:24

Le'e oy lec smelol. Li chib antsetique ja' senyail ti chib c'usi la xchapan Diose. Li june ja' te la xchapan ta vits Sinaí. Ja' yu'un li boch'otic ja' oyic ta sventa li c'usi la xchapan Dios ta vits Sinaie, mozoinbilic yu'un li mantaletique; ja' yalabtac Agar c'otemic.

Gálatas 4:25

Yu'un li Agare ja' senyail li vits Sinaí te ta Arábia banamile. Ja' senyail noxtoc li lum Jerusalén li' ta orae. Yu'un li Jerusalene ochemic ta mozoil xchi'uc jnaclumetic yu'un.

Gálatas 4:31

Ja' yu'un quermanotac, ma'uc yolutic li boch'o ochem ta quiaraile; ja' yolutic li boch'o muc ochemuc ta quiaraile.

Gálatas 4:8

Ta vo'one c'alal mu to'ox xavotquinic Diose, ja' to'ox latunic yu'un li c'usitic mu ja'uc diose.

Gálatas 4:9

Pero li' ta orae laj xa avotquinic li Diose, o ja' lec chcal ti xayotquinoxuc xa li Diose. ¿C'u yu'un ti chac'an chbat atamic ta be yan velta li c'usi mu xcoltavane, ti altic no'oxe? ¿Me yu'un chac'an chasmozoinoxuc yan velta noxtoc?

Colosenses 2:20

Yu'un me co'ol lachamic xchi'uc li Cristoe, mu xa xapasic jech chac c'u cha'al tspas li cristianoetic ti ja' sventa no'ox banamile. ¿C'u yu'un ta to xapasic li c'usitic chalique? Xco'laj xchi'uc oyoxuc to ta sventa li banamile.

Colosenses 2:8

Q'uelo me abaic, mu me xaslo'laoxuc li boch'otic bij scuyoj sbaique, ti mu meleluc c'usi chalique, ti stalel no'ox cristianoetique, ti sventa no'ox banamile, yu'un mu ja'uc ta sventa li Cristoe.

Hebreos 5:12

Vo'one xa laj ach'unic, jchanubtasvanejoxuc xa ti jechuque. Pero tana tsc'an chavich'ic chanubtasel ta sliqueb yan velta c'usi lec chal li sc'op Diose. Yu'un lac'otic jech chac c'u cha'al olol ti chu'il to tsc'ane, yu'un mu to xu' avu'unic li tsatsal ve'lile.

Hebreos 7:16

Muc xa ja'uc jech laj yich' va'anel jech chac c'u cha'al chal li mantaletic ta sventa boch'otic sc'oplal ja' ch-ochilanic ta paleale. Ja' jech yabtel laj yich' jech chac c'u cha'al xu' yu'un ta sventa svu'ele, xchi'uc ta sventa ti mu'yuc slajeb xcuxlejale.