Gálatas 3:2 - Bible in Tzotzil de Chenalhó with Deuterocanon

² Avocolicuc, tac'bicun ca'tic li c'usi ta jac'boxuque: ¿Me ta sventa mantaletic laj avich'ic li Ch'ul Espiritue, o me ta sventa no'ox laj ach'unic li Cristoe?

Tzotzil Zinacantan

² Oy cꞌusi chajacꞌbeic. Ti tal xchiꞌinoxuc ti Chꞌul Espíritue, ¿mi jaꞌ ti achꞌunbeic smantaltac ti Rioxe, o mi jaꞌ ti achꞌunic ti jaꞌ istoj jmultic ti Cristoe?

Bible in Tzotzil de Chamula

² Ja' no'ox ta jc'an, tac'beicun talel ca'itic ti xi ta jac'boxuque: C'alal laj avich'ic ti Ch'ul Espíritu yu'un ti Diose, ¿mi ja' ta sventa ti laj apas ti oy c'usi tsots sc'oplal albil yu'un ti Moisése, mi ja' ta sventa laj ach'unic ti lequil ach' c'op laj ava'iique?

Tzotzil San Andres

² Jech chajacꞌboxuc: ¿Mi ta sventa ti achꞌunbeic smantaltac Dios ti jech avichꞌic li Chꞌul Espíritue, mi jaꞌ noꞌox ta sventa ti achꞌunic ti jaꞌ Avajcoltavanejic li Cristoe?

Tzotzil de Huixtán

² Ja' ti jc'an chajac'beic avi to. ¿Mi ti sventa laj ach'unic ti mantaletique ti hech laj avich'ic ti Ch'ul Espíritue, mi ja' ti sventa laj ach'unic ti ja' Jcoltavanej avu'unic ti Cristoe ti hech laj avich'ic ti Ch'ul Espíritue?

Gálatas 3:2 Iomraidhean Croise

Hechos 15:8

Li Dios ti xijyotquinbutic co'ntontic jcotoltique, laj yac'be yilic ti sc'anoj li yanlumetique, jech laj yac'be yich'ic Ch'ul Espíritu ec jech chac c'u cha'al laj yac'butic quich'tique.

Hechos 2:38

Li Pedroe jech laj yalbe: —Suteso avo'ntonic, ich'ic vo' ta jujunoxuc ta sbi Jesucristo, jech chaspasboxuc perdón yu'un amulic. Jech chavich'ic li amotonique, ja' li Ch'ul Espiritue.

Hechos 8:15

C'alal ic'otique, la sc'opanbeic Dios ta stojol li jch'unolajeletique, yu'un ac'o yich'ic ec li Ch'ul Espiritue.

Romanos 1:17

Yu'un ja' ta sventa Lequil A'yej chac' quiltic ti ja' no'ox ta sventa xch'unojel co'ntontic xu' tuc' co'ntontic chijyilutic Diose. Yu'un jech ts'ibabil ta sc'op Dios: “Li boch'o tuc' yo'nton chquil ta sventa xch'unojel yo'ntone ja' ta xcuxi”, xi ts'ibabil.

1 Corintios 9:21

C'alal ja' jchi'inojic li boch'otic mu'yuc ya'yojbeic smantal Diose, mu'yuc ca'yoj smantal Dios ta jpas jba ec, yu'un jech xu' ta jpasic ta canal li boch'otic mu'yuc ya'yojic smantal Diose. Pero ma'uc yu'un mu'yuc jch'unojbe smantal li Diose, yu'un ja' ta jch'unbe smantal li Cristoe.

2 Corintios 11:4

Yu'un c'alal oy boch'o yan chc'ot yalboxuc sc'oplal Jesús ti mu xco'laj xchi'uc jech chac c'u cha'al laj calboxuque, o me chayalboxuc sc'oplal Ch'ul Espíritu ti mu xco'laj xchi'uc jech chac c'u cha'al sc'oplal li Ch'ul Espíritu avich'ojique, o me chayalboxuc yan lequil a'yej ti mu xco'laj xchi'uc li Lequil A'yej ach'unojique, ja' lec chava'yic.

Gálatas 3:14

Ja' yu'un ta sventa Cristo Jesús xu' tstaic yanlum cristianoetic ec li bendición i'albat yu'un Dios li Abrahame. Jech jcotoltic ta sventa xch'unojel co'ntontic xu' chquich'tic li Ch'ul Espíritu ti yaloj ono'ox Dios chijyac'butique.

Gálatas 3:3

¿Me yu'un solel mu'yuc abijilic? Lec laj aliquesic xch'unel ta sventa li Ch'ul Espiritue, pero tana chac'an chavu'esic ta atsatsal atuquic.

Gálatas 3:5

Li Dios ti laj yac'boxuc Ch'ul Espiritue xchi'uc ti laj yac'boxuc avilic ep sq'uelubil stsatsale, ¿me ja' ta sventa mantaletic ti jech la spasboxuque, o me ja' no'ox ta sventa laj ach'unic ti c'alal laj avich'ic cholbele?

Hebreos 2:4

Li Diose laj yac' lec ta ilel ti ja' melel li c'usi la xcholique, jech la yac'be spasic ep ta jchop sq'uelubiltac stsatsal. Xchi'uc laj yac'be sbijil jujunic ta sventa Ch'ul Espíritu jech chac c'u cha'al la sc'an stuque.

Hebreos 4:2

Yu'un li vu'utique ca'yojtic xa ec li Lequil A'yej jech chac c'u cha'al laj ya'yique, pero li c'usi laj ya'yique muc xtun yu'unic; muc xac' ta yo'ntonic.

Hebreos 6:4

Yu'un li boch'otic i'ochic xa ta sac osile, ti laj xa yilic ti toj lec li matanal liquem tal ta vinajele, xchi'uc ti laj xa yich'ic li Ch'ul Espiritue,

1 Pedro 1:12

Li Diose laj yac'be sna'ic ti mu ja'uc ta sventa stuquic li c'usi laj yalique, ti ja' ta aventaic vo'oxuque. Ja' ti laj xa avich'ic albel yu'un li boch'otic ja' yabtel chcholic li Lequil A'yej ta sventa svu'el Ch'ul Espíritu tacbil tal ta vinajele. Li j'almantaletique toj chac ox sq'uel ya'yic ec ti jech chc'ot ta pasele.