Gálatas 2:2 - Bible in Tzotzil de Chenalhó with Deuterocanon

² Yu'un jech laj yac'bun jna' Dios ti libate. Ja' bat jc'opan stuquic li banquilal jcholc'opetique. Ja' bat calbe ya'yic c'u x'elan ta jcholboxuc Lequil A'yej, vo'oxuc li yanlumoxuque. Yu'un mu jc'an ti altic ch-ech' li cabtel laj xa jpase, xchi'uc li cabtel ta to jpas batele.

Tzotzil Zinacantan

² Ti libat ta Jerusalene, yuꞌun jaꞌ yech isyules ta jol ti Rioxe. Jaꞌ ay jcꞌopon ti muchꞌutic ti stuquic noꞌox snaꞌbeic smelol avalojic cꞌusi yaloj ti Cajvaltique. Jaꞌ ay calbe yaꞌiic ti cꞌu xꞌelan chacalbeic voꞌoxuc ti maꞌuc juriooxuque, ti jaꞌ chacꞌ jcuxlejaltic ta sbatel osil ti Cajvaltic Jesucristoe. Ti ay calbeique, yuꞌun jaꞌ mu jcꞌan mi mu coꞌoluc li cꞌusi chcalticotique. Yuꞌun mi mu coꞌoluque, yicꞌal mu cꞌusi bal o li cꞌusi ta jpase.

Bible in Tzotzil de Chamula

² Ti jech libat teye, yu'un ja' laj yac'bun jna' ti Dios ti tsots sc'oplal ta xibate. C'alal ja' o stsoboj sbaic ta Jerusalén ti buch'utic yich'ojic ta sventa ti jch'unolajeletique, laj calbe ya'iic smelol ti lequil ach' c'op ti c'u s'elan ta jchol ta stojol ti jyanlumetique. Ti jech laj jpase, yu'un mu jc'an mi mu'yuc stu ta xc'ot ti c'usi ta xcale.

Tzotzil San Andres

² Libat ta Jerusalén yuꞌun jech liyalbe Dios ti acꞌo xibate. Jaꞌ a jcꞌopon li banquilaletic li buchꞌutic ta xalbeic scꞌop li Cajvaltic li más ichꞌbilic ta mucꞌ avuꞌunique. Jaꞌ a calbe yaꞌiic ti cꞌu sba chacalbeic, li joꞌoxuc li maꞌuc jꞌisraeloxuque, ti jaꞌ noꞌox chijcol o ta sventa li Cajvaltique. Yuꞌun mi mu jmojuc li cꞌu sba chcalcutique, oy yicꞌal mu cꞌusi xtun o li cabtel li joꞌone.

Tzotzil de Huixtán

² Yu'un ti nibate, yu'un hech albilun ti co'nton yu'un ti Diose. Hech yu'un ti nibate. Ja' ay calbe ya'yic ti quermanotic ti te oyic ti Jerusalene ti c'u che'el chajchanubtasoxuc ti sc'op ti Diose, ho'oxuc ti yanlum crixchanooxuque. Ja' no'ox ay jcholbe ya'yic ti much'utic oy yabtelique. Ja' no'ox ay jac'be mi hech chchanubtasvan hech chaj c'u che'el chajchanubtasoxuc xchi'uc achi'iltac, ho'oxuc ti yanlum crixchanooxuque. Yu'un mi mu co'oluc chcaltutic ti smantal ti Diose, repenta chc'ot ti altic chi'abtej ho'oni.

Gálatas 2:2 Iomraidhean Croise

Eclesiastés 10:1

Li jcot biq'uit chamen us ti tu xae, xu' ta soquesbe yic' smuil xpoxil li jpas muil poxile. Ja' jech li biq'uit bol talelale ta soques jc'oplaltic xchi'uc jbijiltic.

San Mateo 10:16

“A'yo ava'yic, vu'un ta jtacoxuc batel jech chac c'u cha'al chijetic ta stojol oq'uiletic, ja' yu'un bijanic me jech chac c'u cha'al orachon ti lec bije. Jech noxtoc muc'uc me avo'ntonic jech chac c'u cha'al stsumut.

Hechos 15:12

Jech ich'abiic scotolic. Laj ya'yic ti laj yal Pablo xchi'uc Bernabé ti ep sq'uelubil stsatsal Dios i'ac'bat spasic ta stojol li yanlum cristianoetic ti mu xotquinic Diose.

Hechos 15:2

Li Pablo xchi'uc Bernabee ep ilo'ilajic; ep lic spasic c'op xchi'uc li viniquetic le'e. Jech la snopic ti ja' lec tstaquic batel ta Jerusalén li Pablo xchi'uc Bernabee xchi'uc jayibuc jch'unolajeletic, yu'un ac'o bat sc'opanic li yajtacbolaltac Jesús xchi'uc jcholc'opetique, yu'un jech xu' chchapaj li a'yeje.

Hechos 15:4

C'alal ic'otic ta Jerusalene, lec ch'ambil ta be ic'otic yu'un li jch'unolajeletique xchi'uc li jcholc'opetique xchi'uc li yajtacbolaltac Jesuse. Li Pablo xchi'uc Bernabee lic yalic scotol li c'usitic la spas Dios ta sventaique.

Hechos 18:9

Ja' yu'un li Cajvaltique ta ac'ubaltic laj yac' sba ta ilel ta stojol li Pabloe, jech laj yalbe: “Mu me xaxi'. Cholo ono'ox li jc'ope; mu me xacomtsan xcholel.

Hechos 23:11

Ta yac'ubalil laj yac' sba ta ilel Cajvaltic ta stojol li Pabloe, jech laj yalbe: “Pablo, oyuc me lec stsatsal avo'nton. Ti c'u x'elan lac'opoj ta jventa li' ta Jerusalene, ja' no'ox me jech xac'opoj ta jventa te ta Roma noxtoc”, xut.

Hechos 5:34

Jech te lic sva'an sba jun xchi'ilic ta chapanvanej ta ch'ulna; ja' fariseo, Gamaliel sbi. Ja' lec xchanoj scotol li smantaltac Diose. Lec ich'bil ta muc' yu'un scotol israeletic. Laj yal ti ac'o sloq'uesic jliqueluc li yajtacbolal Jesuse.

Romanos 9:16

Jech ma'uc ta sventa me tsc'an li boch'o chc'uxubinate, ma'uc ta sventa me chac' persa; ja' li boch'o tsc'an chc'uxubin stuc li Diose.

1 Corintios 1:23

Li vu'uncutique ja' chcalbecutic sc'oplal li Cristo ti ijoc'anat ta cruze, pero li judioetique solel jmacbe cha'yic o. Jech ec li yanlum cristianoetique bol lo'il no'ox cha'yic.

1 Corintios 2:2

C'alal te jchi'inojoxuque, mu'yuc c'usi yan oy ta co'nton ta jpas; ja' no'ox oy ta co'nton chacalboxuc sc'oplal li Cristo ti icham ta cruze.

1 Corintios 9:24

Xana'ic c'u x'elan li boch'otic tstsal sbaic ta anile; co'ol chaq'uic persa scotolic, pero jun no'ox li boch'o chich' smotone. Tsc'an ja' jech chavaq'uic persa anil ec li vo'oxuque, yu'un jech xu' chata amotonic.

1 Corintios 9:26

Ja' yu'un li vu'une ja' jech chcac' persa chi'anilaj ec, pero muc vovil aniluc no'ox ta jpas batel. Tsots ta xcac' majel, pero muc ic'uc no'ox ta jmaj.

2 Corintios 12:1

¿C'usi ta jtatic o me ta jtoy jbatique? Ta melel mu'yuc c'usi ta jtatic. Pero ta jc'an chacalboxuc ava'yic c'usi toj lec laj yac' ta ilel, c'usi laj yac' ta otquinel li Cajvaltique.

Gálatas 1:12

Li vu'une muc ta cristianouc la jch'am tal, muc cristianouc la jchanbe. Ja' laj yac'bun jna', ja' laj yac'bun quil ta jch'ulel stuc li Jesucristoe.

Gálatas 1:16

Laj yac' ta ilel ta jtojol li Xnich'one, yu'un jech xu' ta jcholbe batel sc'oplal ta stojol li yanlum cristianoetique. Muc ba'yucuc xbat jac' ta stojol li boch'o oy sbec'tal, oy xch'ich'ale.

Gálatas 1:6

Chch'ay co'nton avu'unic chca'ay ti ta anil no'ox laj acomtsanic li Boch'o laj yic'oxuc ta stojole, ti ta sventa Cristo laj yac' avilic yutsil yo'ntone, yu'un laj xa ach'unic yan c'op ti mu xco'laj xchi'uc li Lequil A'yeje.

Gálatas 2:6

Li jcholc'opetic ti lec otquinbil avu'unique, mu'yuc c'usi yan laj yalbuncutic. Li vu'une ma'uc tsots sc'oplal chca'ay me ep c'usi spasojic, yu'un li Diose co'ol sba chil scotol.

Gálatas 2:9

C'alal laj yilic c'u x'elan cabtel ac'bilun yu'un Dios li Santiago xchi'uc Pedro xchi'uc Juan ti ja' jech ilbilic jech chac c'u cha'al mero yoyale, la stsacbun jbats'ic'obcutic jchi'uc li Bernabee. Ja' svinajeb ti jchi'il jbacutic ta abtel jcotolcutique. Vu'un chituncutic o ta stojol li yanlum cristianoetique. Jech ec li stuquique ja' te chtunic o ta stojol li boch'otic yich'ojic circuncisione.

Gálatas 5:7

Ta sliquebe lec to'ox atamoj batel abeic. ¿Boch'o la smacoxuc ta be ti mu xa ja'uc chach'unic li c'usi melele?

Filipenses 2:16

Jech chavaq'uic o ta ilel li Lequil A'yej sventa cuxlejale. Jech toj jun no'ox co'nton chca'ay c'alal chtal li Cristoe, yu'un mu alticuc laj cac' persa xanubal, xchi'uc mu alticuc li'abtej.

Filipenses 2:29

Cuxetuc me avo'nton xaviq'uic ta sventa Cajvaltic ti c'alal chc'ot ta atojolique. Li boch'otic ja' jech yo'ntonic jech chac c'u cha'al li Epafroditoe, ich'ic me ta muc'.

1 Tesalonicenses 3:5

Ja' yu'un li vu'une mu xa xcuch cu'un laj ca'ay, jech la jtac tal ta ora li Timoteoe, yu'un jech chca'ay c'u xa'elanic. Yu'un ta jc'an chca'ay me yoquel lec ach'unojic, yu'un naca me la xchibajesboxuc avo'ntonic li banquilal jlo'lavaneje, jech altic ch-ech' li cabtelcutic te ta atojolique.

2 Timoteo 4:7

Ivu' xa cu'un stsalel li cajcontrae. Icuch xa cu'un li tsots anil jbats'il to'oxe. Staoj yav oy xch'unojel co'nton o.

Hebreos 12:1

Ja' yu'un li vu'utique joyibtabilutic ta q'uelel yu'un epal testigoetic. Jech tsc'an ac'o jiptic loq'uel scotol li c'usi chismacutique xchi'uc li mulil chispajesutique. Junuc co'ntontic ac'o cac'tic persa batel li canilajebtic ti jtamojtic xae.