Gálatas 2:1 - Bible in Tzotzil de Chenalhó with Deuterocanon

¹ C'alal iloc' chanlajuneb jabile, ja' to libat yan velta ta Jerusalén jchi'uc li Bernabee. Laj quic' batel jchi'incutic li Titoe.

Tzotzil Zinacantan

¹ Ti cꞌalal ilocꞌ chanlajuneb jabile, libat ta Jerusalén noxtoc xchiꞌuc li Bernabee. Iquicꞌ echꞌel li Tito uque.

Bible in Tzotzil de Chamula

¹ C'alal chanlajuneb xa jabil yech'ele, libat yan velta ta Jerusalén xchi'uc ti Bernabee, laj quic' batel jchi'in ti Titoe.

Tzotzil San Andres

¹ Cꞌalal ilocꞌ chanlajuneb jabile, lichaꞌbat ta Jerusalén jchiꞌuc li Bernabée. Iquicꞌ batel eꞌuc li Titoe.

Tzotzil de Huixtán

¹ I'ech' chanlajuneb habil, patil nibat yan vuelta ti Jerusalén. Ja' laj xchi'inun batel ti Bernabee. Laj quic' yu'un chixchi'inun uc ti Titoe.

Gálatas 2:1 Iomraidhean Croise

Hechos 11:25

Ts'acal to ibat ta lum Tarso li Bernabee, yu'un bat sa' li Sauloe. C'alal la stae, laj yic' tal ta Antioquía.

Hechos 11:30

Jech lic stsobic. C'alal itsob yu'unique, ja' laj yac'beic batel ta sc'ob li Bernabé xchi'uc Sauloe, yu'un ja' ac'o c'ot yac'beic li banquilal yu'un jch'unolajeletic ta Jerusalene.

Hechos 12:25

C'alal la spas yabtelic li Saulo xchi'uc Bernabee, iloq'uic batel ta Jerusalén. Laj yic' batel xchi'inic li Juane, ja' li Marcos xchibal sbie.

Hechos 13:2

C'alal ja'o chich'ic ta muc' Cajvaltic, xchi'uc c'alal yictaojic ixime, jech i'albatic yu'un li Ch'ul Espiritue: “Voc'bicun li Bernabé xchi'uc Sauloe, yu'un ta xcac'be spas li yabtelic ti jnopoj ono'ox chcac'beique”, x'utatic.

Hechos 13:50

Li judioetic ti mu'yuc xch'unojic Jesuse bat socbeic sjol li banquilal te ta slumalique, xchi'uc li antsetic ti scotol yo'nton xch'unojbeic smantaltac Diose, xchi'uc ti lec ich'bilic ta muq'ue. Jech te lic scontrainic li Pablo xchi'uc Bernabee; la snutsic loq'uel ta yosilalic.

Hechos 14:12

Li Bernabee Júpiter laj yac'beic sbi. Yan li Pabloe Mercurio laj yac'beic sbi, yu'un ja' ilo'ilaj.

Hechos 15:25

Ja' yu'un li' la jnopcutic ti ta jtacutic tal ta atojolic chib jchi'iltactique. Ja' ta xchi'inic tal li Bernabé xchi'uc Pablo ti lec jc'anojcutique,

1 Corintios 9:6

¿Me yu'un ja' no'ox vu'uncutic jchi'uc Bernabé ti mu xu' ta jcomtsan cabtelcutique?

2 Corintios 2:13

Pero solel muc xpaj ta lo'il co'nton laj ca'ay, yu'un mu'yuc to te oy c'ot jta li Titoe. Jech la jc'opan comel li jch'unolajeletic te oyique; lital ta ora li' ta Macedonia banamil.

2 Corintios 8:16

Coliyal Dios ti laj yac'be ta yo'nton Tito jech chac c'u cha'al co'nton ta atojolique.

2 Corintios 8:23

Yan li Titoe xana'ic ti ja' jchi'ile xchi'uc ti co'ol li'abtejcutic te ta atojolique. Jech noxtoc li chib quermanotic ta xchi'in tale, xana'ic xa ti ja' t'ujbilic yu'un steclumal Cristoe, lec ich'bil ta muc' Cristo ta sventaic.

Gálatas 1:18

C'alal iloc' oxib jabile, ja'o libat ta Jerusalén, yu'un bat cotquin li Pedroe. Te la jchi'in vo'lajuneb (15) c'ac'al.

Gálatas 2:13

Li yantic israeletique te la xch'ambeic xchuvaj ec li Pedroe. C'alal ta Bernabé la spas jech ec. Scotolic la xch'ambe sba sbolilic.

Gálatas 2:3

Li Tito jchi'inoj batele ja' grecia vinic, pero muc xalic ti persa ac'o yich' circuncisione.

Gálatas 2:9

C'alal laj yilic c'u x'elan cabtel ac'bilun yu'un Dios li Santiago xchi'uc Pedro xchi'uc Juan ti ja' jech ilbilic jech chac c'u cha'al mero yoyale, la stsacbun jbats'ic'obcutic jchi'uc li Bernabee. Ja' svinajeb ti jchi'il jbacutic ta abtel jcotolcutique. Vu'un chituncutic o ta stojol li yanlum cristianoetique. Jech ec li stuquique ja' te chtunic o ta stojol li boch'otic yich'ojic circuncisione.

Colosenses 4:10

Chabanuc xayalboxuc tal li Aristarco ti li' xchi'inojun ta yut chuquinabe. Chabanuc xayalboxuc tal ec li Marcose, ja' li yuts' yalal Bernabee. Ja' ti albiloxuc ono'ox sc'oplal tsc'an chavich'ic ta muc' c'alal me chc'ot sq'ueloxuque.

SUN TITO 1:4

Jech ta jc'opanot tal ta carta, Tito, vo'ot li mero jnich'onot ta sventa ti co'ol jch'unojtique. Ac'o xc'uxubinot, ac'o spasbot ta jun avo'nton li Jtotic Diose xchi'uc li Jesucristoe ja' li Jcoltavanej cu'untique.