Gálatas 1:9 - Bible in Tzotzil de Chenalhó with Deuterocanon

⁹ Jech chac c'u cha'al calojboxuc xa ono'oxe, chacalboxuc yan velta. Me oy boch'o yan chayalboxuc Lequil A'yej ti mu xco'laj jech chac c'u cha'al ach'unojique, ac'o batuc ta ch'ayel.

Tzotzil Zinacantan

⁹ Li cꞌusi lacalbeique, chacalbeic to otro jꞌechꞌel. Mi oy muchꞌu chayalbeic scꞌop Riox ti mu xcoꞌolaj chac cꞌu chaꞌal achꞌunojique, acꞌu acꞌbatuc castico yuꞌun ti Rioxe.

Bible in Tzotzil de Chamula

⁹ Xi ono'ox laj calboxuc ava'iic ta ba'yele, ti ta jcha'alboxuc ava'iic xtoque: Mi oy buch'u ta xal yan lequil ach' c'op ti mu xco'olaj xchi'uc jech c'u cha'al laj xa ava'iique, lamluc c'otuc ta stojol ti bac vocol ti ta x'ac'bat talel yu'un ti Diose.

Tzotzil San Andres

⁹ Calojboxuc xa onoꞌox pero chajchaꞌalbeic. Mi oy buchꞌu chtal yalboxuc scꞌop Dios ti mu coꞌoluc ti cꞌu sba achꞌunojique, acꞌo acꞌbatuc yichꞌ vocol yuꞌun li Diose.

Tzotzil de Huixtán

⁹ Calojboxuc xa ono'ox pero chacalbeic yan vuelta. Much'uuc no'ox chtal syanejesbe sjam ti sc'op Diose ti ach'unojique, ja' ac'o ac'batuc castigo yu'un ti Diose.

Gálatas 1:9 Iomraidhean Croise

Proverbios 30:6

Mu me xavepajes li c'usitic yaloje, yu'un jech mu xata utel, jech mu xacom ta j'epalc'op.

Jeremías 23:16

Jech chal noxtoc li Muc'ul Dios ti tspas ta mantal scotol te ta vinajele: “Israeletic, mu me xach'unic c'usi chal li j'alc'opetique, yu'un puru epalc'op li c'usitic chalique. Te no'ox tsnop tal ta yo'nton stuquic; muc vu'cun jech ta xcalbeic.

Hechos 18:23

Te ijoc'tsaj jayibuc c'ac'al. Ts'acal to iloc' batel, xquechet bat sq'uel scotol li jch'unolajeletic ta jujun lum ta Galacia banamil xchi'uc ta Frigia banamile. La stsatsubtasbe lec comel yo'ntonic ta stojol Dios.

Romanos 16:17

Quermanotac, avocolicuc bijanic me yu'un li boch'otic te achi'uquic ti ja' no'ox tsliquesic voc'baile, xchi'uc ti tsoques avo'ntonic ta sventa li c'usi ach'unojic xae. Voc'o me abaic ta stojolic le'e.

Romanos 9:3

Oy ta co'nton ti oyuc c'uxi vu'un xiloc' ta stojol li Cristoe, ti ja'uc ochicuc li jchi'iltac ta israelale, yu'un toj ep c'uxic ta co'nton, yu'un ja' mero jvinquilal,

2 Corintios 1:17

C'alal jech jnopoj ox ta jpase, ¿me chanopic ti toj anil la jnope? ¿Me chanopic ti ta sventa no'ox jbec'tal jech ta jpas jech chac c'u cha'al tspas li cristianoetic ti chalic “xu'” xiic; ts'acal “mu xu'” xiique?

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.

Deuteronomio 4:2

Mu me xavepajesic, xchi'uc mu me xach'ayic li mantaletic chacalboxuc ava'yique. Ja' me ch'unic c'usi chal li mantaletic yu'un Muc'ul Dios li' chacalboxuc ava'yique.

Filipenses 3:1

Quermanotac, oy to c'usi chacalboxuc tal: Cuxetuc me avo'ntonic o ta stojol li Cajvaltique. Mu'yuc vocol chca'ay ta jts'ibaboxuc tal yan velta li c'usi calojboxuc xa ono'oxe, yu'un jech chabijubic.

Filipenses 4:4

J'ech'el me cuxetuc o avo'nton acotolic ta stojol li Cajvaltique. Chacalboxuc yan velta, cuxetuc o me avo'ntonic.