Gálatas 1:8 - Bible in Tzotzil de Chenalhó with Deuterocanon

⁸ Me oy boch'o chayalboxuc yan c'op ti mu xco'laj jech chac c'u cha'al la jcholboxuque, ac'o me vu'uncutic, o me j'almantal liquem tal ta vinajel, ac'o batuc ta ch'ayel.

Tzotzil Zinacantan

⁸ Pero mi oy muchꞌu chtal yalboxuc scꞌop Riox ti mu xcoꞌolaj chac cꞌu chaꞌal lacalbeique, acꞌu acꞌbatuc castico yuꞌun ti Rioxe, muc ta alel muchꞌuuc, acꞌu mi voꞌoticoticuc, acꞌu mi anjel ta vinajel.

Bible in Tzotzil de Chamula

⁸ Ja'uc le'e, mi oy buch'u ta xayalboxuc yan c'op ti mu xco'olaj xchi'uc jech c'u cha'al ta xcalcutique, lamluc c'otuc ta stojol ti bac vocol ti ta x'ac'bat talel yu'un ti Diose. Mu'yuc ta alel buch'uuc no'ox, mi vu'un, mi ja' jun ánjel ti liquem talel ta vinajele.

Tzotzil San Andres

⁸ Buchꞌuuc noꞌox chtal yalboxuc li scꞌop Dios ti mu coꞌoluc ti cꞌu sba laj calboxuque, acꞌo mi joꞌoncutic, mi yajꞌangel Dios, acꞌo acꞌbatuc yichꞌ vocol yuꞌun li Diose.

Tzotzil de Huixtán

⁸ Much'uuc no'ox chtal, manchuc mi ho'ontutic, manchuc mi ch'ul abat, ti chtal syanejesbe sjam ti sc'op Diose, ac'o ac'batuc castigo yu'un ti Diose.

Gálatas 1:8 Iomraidhean Croise

Génesis 9:25

Jech laj yal: “Chopol chbat li Canaane. J'ech'el chich' mozoinel o yu'un li chib xchi'iltac ta voq'uele”, xi.

1 Reyes 13:18

Pero li mol j'alc'ope lic epalc'opojuc, jech laj yal: —Li vu'une j'alc'opun ec jech chac c'u cha'al li vo'ote. Oy jun j'almantal tac'bil tal yu'un Muc'ul Dios laj yalbun ti persa chquic'ot batel ta jna, chbat ve'an chbat avuch' vo' tee —xut.

Nehemías 13:25

Laj calbe ti te tstoj stuquic li c'usi tspasique. Oy jayibuc la jmajic, la jnitbe ta sjolic. Te la jsujic ti ac'o yalic ta jamal ta stojol Dios ti mu xa me xic'be sba squerem stsebic xchi'uc li yanlumetique, xchi'uc mu me xiq'uic yanlum ants ec li stuquique. Jech to laj calbeic:

Jeremías 23:16

Jech chal noxtoc li Muc'ul Dios ti tspas ta mantal scotol te ta vinajele: “Israeletic, mu me xach'unic c'usi chal li j'alc'opetique, yu'un puru epalc'op li c'usitic chalique. Te no'ox tsnop tal ta yo'nton stuquic; muc vu'cun jech ta xcalbeic.

Jeremías 23:36

Mu me xtal ta ajolic ta anil no'ox ti jech chavalique: ‘Ja' icatsil cha'ay Muc'ul Dios’, ti xie, yu'un me jech chavalique, ta me xjoybij ta avac'olic li ac'opique, yu'un chavixtanbicun c'usi laj cal vu'un li cuxul Diosun ti ta jpas ta mantal scotol te ta vinajele, vu'un li Diosun avu'unique.

San Mateo 25:41

“Jech chcalbeic noxtoc li boch'otic te oyic ta jts'ete: ‘Voc'o abaic ta jtojol, yu'un toj chopoloxuc. Batanic ta c'oc' sbatel osil. Ja' li c'oc' ti chapanbil cu'un sventa li banquilal pucuje xchi'uc li its'inal pucujetique.

Marcos 14:71

Lic chopolc'opojuc li Pedroe, xchi'uc la st'abbe sbi Dios: —Yiloj Dios, mu xcotquin li vinic chavale —xut.

Hechos 23:14

Jech bat yalbeic li banquilal paleetique xchi'uc li moletic yu'unique: —Li vu'uncutique laj xa calcutic ta jamal ti ta jip jbec'talcutic oe. Me jutuc mu'yuc c'usi ta jtuncutic o, ja' to me icham cu'uncutic li Pabloe.

Romanos 16:17

Quermanotac, avocolicuc bijanic me yu'un li boch'otic te achi'uquic ti ja' no'ox tsliquesic voc'baile, xchi'uc ti tsoques avo'ntonic ta sventa li c'usi ach'unojic xae. Voc'o me abaic ta stojolic le'e.

Romanos 9:3

Oy ta co'nton ti oyuc c'uxi vu'un xiloc' ta stojol li Cristoe, ti ja'uc ochicuc li jchi'iltac ta israelale, yu'un toj ep c'uxic ta co'nton, yu'un ja' mero jvinquilal,

1 Corintios 12:3

Ja' yu'un chcac' ana'ic, li boch'o ventainbil yu'un Ch'ul Espiritue mu xu' chchopolc'opojic ta sventa li Jesuse. Jech noxtoc mu'yuc boch'o xu' chal: “Ja' Cajval li Jesuse”, xi, ti me muc ta sventauc Ch'ul Espíritu chc'opoje.

1 Corintios 16:22

Scotol li boch'o mu sc'anic Cajvaltic Jesucristoe ac'o ac'batuc stoj smulic. La' me ta ora, Cajval.

Gálatas 1:9

Jech chac c'u cha'al calojboxuc xa ono'oxe, chacalboxuc yan velta. Me oy boch'o yan chayalboxuc Lequil A'yej ti mu xco'laj jech chac c'u cha'al ach'unojique, ac'o batuc ta ch'ayel.

Gálatas 3:10

Yan li boch'otic batem yo'ntonic ta sventa li mantaletique, oyic o ta sventa ch'ayel. Yu'un jech ts'ibabil ta sc'op Dios: “Ac'o ac'batuc stoj smul li boch'o mu xch'un, mu xich' ta muc' li chanubtasel li' ts'ibabil ta svunal mantaletique”, xi ts'ibabil.

Gálatas 3:13

Ja' yu'un i'ay li Cristoe, ay scoltautic ta sventa li stojol mulil ti sc'oplal chquich'tic ta sventa li mantaletique. Ja' la xcuch scotol li stojol mulil ti sc'oplal chquich'tique. Yu'un jech ts'ibabil ta sc'op Dios: “Li boch'o joc'ol ta te' chchame, ja' ac'bil stoj smul yu'un Dios”, xi ts'ibabil.

SUN TITO 3:10

Li boch'o ta sliquesilan c'ope, taq'uio chib oxibuc velta. Me mu xch'une, comtsano.

Josué 9:23

Ta sventa ti jech laj apasique, chavich' avocolic scotol c'ac'al, mozooxuc chacomic o. Vo'oxuc chbat atuch'ic tal si', chbat alupic tal vo' ti c'alal chtun cu'uncutic te ta sna li Dios cu'uncutique —xut.

2 Pedro 2:14

Li satique nojem ta sc'upinel mulivajel; mu x'ech' yo'ntonic ta sa'el li mulile. Ja' ta xac'beic xchanic ec li boch'otic mu'yuc to stsatsal yo'ntonique. Li yo'ntonique nopen xa xa'ay sc'upinel li c'usi tsc'anique. Oyic xa o ta sventa ch'ayel.

1 Samuel 26:19

Avocoluc a'ibun jc'op vu'un ti chitun avu'une: Me ja' Muc'ul Dios jech tsc'an ti chacontrainune, ac'o stsacboxuc li smoton chavac'beique. Pero me ja' no'ox jech tsc'an yo'nton cristianoe, ac'o ac'batuc stoj yu'un Muc'ul Dios. Yu'un laj xa anutsicun loq'uel, yu'un jech mu me xquich' li osil yac'oj Muc'ul Diose. Laj anet'icun loq'uel, yu'un chac'anic ti ac'o bat quich' ta muc' li c'usi mu ja'uc Diose.