Gálatas 1:5 - Bible in Tzotzil de Chenalhó with Deuterocanon

⁵ Ja' li Boch'o stuc no'ox ch-ich'at ta muc' sbatel osile. Jechuc.

Tzotzil Zinacantan

⁵ Yechꞌo ti jaꞌ chquichꞌtic ta mucꞌ ta sbatel osile. Toj lec ti jaꞌ yech chcꞌote.

Bible in Tzotzil de Chamula

⁵ Sbateluc osil junuc yutsil slequil ti Diose. Jechuc.

Tzotzil San Andres

⁵ Jaꞌ yuꞌun ta xꞌichꞌe o ta mucꞌ sbatel osil li Diose. Toj lec ti jech ta xcꞌot ta pasele.

Tzotzil de Huixtán

⁵ Hech yu'un tspasat ti muc' sbatel osil ti Jtotic Diose. Jun yutsil ti hech chc'ot ti pasel.

Gálatas 1:5 Iomraidhean Croise

1 Crónicas 29:13

Ja' yu'un Dios cu'un, li' chaquich'otcutic ta muc'; li' chcalcutic slequilal yutsilal ach'ulbi.

Salmos 41:13

Ac'o ich'atuc ta muc' li Muc'ul Diose, ja' li Dios yu'un Israele; ich'biluc ta muc' li' ta ora xchi'uc ta sbatel osil, ¡Jechuc! ¡Jechuc!

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Isaías 24:15

Jech noxtoc chlic yalbeic slequilal Muc'ul Dios ta sloq'ueb c'ac'al xchi'uc ta bic'tal banamil cacajtic ta nab; buyuc no'ox oyic chlic yich'ic ta muc' li Muc'ul Dios yu'un Israele.

Isaías 42:12

Albeic slequilal li Muc'ul Diose; pucbeic batel sc'oplal ta q'ueojetic ta lumetic ta ti'ti' nab.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

San Lucas 2:14

“¡Ich'biluc ta muc' te ta vinajel li Diose! Ac'o sta jun yo'nton cristianoetic li' ta banamil ta sventa slequil yo'nton li Diose”, xiic.

Romanos 11:36

Yu'un ja' yu'un, ja' la spas; ja' yajval scotol li c'usitic oye. Stuc ac'o ich'atuc o ta muc' sbatel osil. Jechuc.

Romanos 16:27

Ja' yu'un stuc no'ox ac'o ich'atuc ta muc' sbatel osil ta sventa Jesucristo li Dios ti jun no'oxe, ti ech'em sbijile. Jechuc.

1 Corintios 8:13

Ja' yu'un me ta scoj no'ox ti'bol chchibaj yo'nton li jch'unolajele, ja' lec mu jti'tic o ti'bol, yu'un jech mu xchibaj yo'nton ta jventatic.

Efesios 1:12

Yu'un jech ich'bil ta muc' chc'ot ta jventacutic vu'uncutic ti jmalaojcutic chtal li Cristoe.

Filipenses 4:20

Jech ich'bil ta muc' ac'o c'otuc sbatel osil li Diose ja' li Jtotique. Jechuc.

1 Timoteo 1:17

Ja' yu'un ja' ac'o quich'tic ta muc', ja' ac'o calbetic slequilal stuc li Muc'ta Ajvalil cu'untic ta sbatel osile. Ja' li Dios ti mu sna' xcham oe, ti mu xquiltique, ti ja' no'ox stuc Dios cu'untique. Jechuc.

2 Timoteo 4:18

Ja' chiscoltaun o ta sventa scotol c'usi chopol. Ja' chiyic'un batel noxtoc ti bu tspas mantal ta vinajele. Ich'biluc ta muc' stuc li' ta ora, xchi'uc c'alal ta sbatel osil. Jechuc.

Hebreos 13:21

ac'o yac'boxuc scotol c'usitic lec, yu'un jech xu' avu'un chapasic li c'usitic tsc'ane. Chac' vu'uc avu'unic ta sventa Jesucristo li c'usitic lec chile. Jech ac'o ich'atuc ta muc' sbatel osil. Jechuc.

1 Pedro 5:11

Ja' ac'o spas mantal stuc sbatel osil li Diose. Jechuc.

2 Pedro 3:18

Ja' tsc'an chach'iic batel ta yotquinel, xchi'uc ta sventa slequil yo'nton li Cajvaltic Jesucristoe, ja' li Jcoltavanej cu'untique. Stuc no'ox ac'o ich'atuc ta muc' li' ta orae xchi'uc c'alal ta sbatel osil. Jechuc.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 5:12

Tsots i'avan scotolic: “Li Ch'ium Chij imilate ja' no'ox stuc oy ta sventa chich' lec svu'el, sc'ulejal, sbijil, stsatsal, ich'el ta muc', yutsilal, xchi'uc albel slequilal”, xiic.

Apocalipsis 7:12

Jech laj yalic: “Toj lec ti jech ic'ot ta pasele. Toj ech'em slequilal, yutsilal. Toj ech'em sbijil. Stuc no'ox chtojbat ta vocol scotol. Ich'biluc ta muc' stuc. Toj ech'em svu'el, toj ech'em stsatsal sbatel osil li Dios cu'untique. Jechuc”, xiic.