Gálatas 1:4 - Bible in Tzotzil de Chenalhó with Deuterocanon

⁴ ja' li Boch'o laj yac' sba ta milel ta scoj jmultic, yu'un jech la scoltautic loq'uel ta sventa li c'usitic chopol li' ta banamile. Yu'un jech la sc'an li Dios cu'untique, ja' li Jtotique.

Tzotzil Zinacantan

⁴ Ti Cajvaltic Jesucristoe iyacꞌ sba ta milel ta scoj jmultic yoꞌ xcom o cuꞌuntic li cꞌusitic chopol liꞌ ta sba balamile. Yuꞌun jaꞌ yech iscꞌan ti Jtotic Riox ta vinajele.

Bible in Tzotzil de Chamula

⁴ Ti Cajvaltic Jesucristoe laj yac' sba ta milel ta scoj ti jmultique, yo' jech tal spojotic loq'uel ta scoj ti toj chopol ti sba banomil avi tana li'e, ti jech ono'ox oy ta yo'nton ti Jtotic Diose.

Tzotzil San Andres

⁴ Li Cajvaltic Jesucristoe laj yacꞌ sba ta milel ta jcojtic jaꞌ yuꞌun lijlocꞌutic ta scꞌob li cꞌustic chopol liꞌ ta balumile. Ti jech la spase, yuꞌun jaꞌ jech iscꞌan li Jtotic Dios cuꞌuntique.

Tzotzil de Huixtán

⁴ Ti Cajvaltic Jesucristoe ja' laj yac' sba ti milel ti jventatic yu'un hech libre nijc'otucutic. Hech mu xa xismozoinucutic ti mulile ti li'oy ti balumile. Yu'un ti hech laj scoltaucutique, yu'un hech laj sc'an ti Jtotic Diose.

Gálatas 1:4 Iomraidhean Croise

Salmos 40:8

Dios cu'un, ja' lec chavil ti ta jpas c'usi chac'ane, ti oy ta co'nton ta jch'un li amantale”, xichi.

Isaías 65:17

“A'yo ava'yic, ta xcac' ayinuc ach' vinajel banamil. Li poco'e mu'yuc xa boch'o ta sna' o; mu'yuc xa boch'o ta snopilan o.

San Mateo 13:22

Li bec' trigo ic'ot ta ch'ixtique, ja' senyail li boch'otic cha'yic sc'op Dios ti ja' no'ox batem yo'ntonic yu'un li c'usitic oy li' ta banamile ti ja' lo'labilic yu'un li sc'ulejalique, jech te net'bil chc'ot o li sc'op Dios ya'yojique. Jech mu satin o.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Mateo 26:28

Li'i ja' jch'ich'al sventa chc'ot ta pasel li c'usi chapanbil ono'oxe. Yu'un ta xmal ta sventa ep cristianoetic, jech ep boch'o tsta perdón yu'un smulic.

San Mateo 26:42

Bat sc'opan Dios xchibal velta li Jesuse, jech laj yal: “Tati, me mu xu' chaloq'uesbun li tsatsal vocol li'i, ja' ac'o c'otuc ta pasel li c'usi tsc'an avo'ntone”, xut.

San Mateo 6:9

Li vo'oxuque ja' jech xac'opanic Dios chac li'i: ‘Jtotic Dios, te oyot ta vinajel, ich'biluc ta muc' abi.

Marcos 10:45

Jech chac c'u cha'al vu'un ti Xnich'on cristiano lic'ote, mu yu'unuc tal pasvancun ta mantal; ja' tal tuncun avu'unic, xchi'uc tal cac' jba ta milel, yu'un jech xu' chcolic ep cristianoetic —x'utatic yu'un li Jesuse.

San Lucas 22:19

La stsac noxtoc jun pan; la stojbe ta vocol Dios. La svoc' li pane; laj yac'be li yajchanc'optaque. Jech laj yalbe: —Li'i ja' jbec'tal, yu'un ta xcac' jba ta milel ta acojic. Jech me xapasilanic, yu'un jech chana'ilanicun o —xut.

San Lucas 22:42

Jech laj yal: “Tati, me jech chac'ane, loq'uesbun li jvocol li'i. Pero mu me xc'ot ta pasel c'usi tsc'an co'nton jtuc. Ja' ac'o c'otuc ta pasel li c'usi tsc'an avo'ntone”, xut.

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 12:31

Li' ta orae ta xa xich' chapanel li cristianoetic li' ta banamile. Li' ta orae ta xa xich' jipel loq'uel li banquilal jpasmantal li' ta banamile.

San Juan 5:30

“Li vu'une mu'yuc c'usi xu' cu'un ta jpas jtuc. Ti c'u x'elan tsc'an chichapanvan li Jtote, ja' jech ta jpas. Tuc' chapanel chcac', yu'un ma'uc ta jpas c'usi lec chca'ay jtuc; ja' ta jpas c'usi oy ta yo'nton li Jtot ti la stacun tale.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

Romanos 1:7

vo'oxuc ti te nacaloxuc ta Roma ti c'anbiloxuc yu'un Diose, ti laj yic'oxuc yu'un jech voc'bil chacomic yu'une. Ac'o xc'uxubinoxuc, ac'o yac'boxuc jun avo'ntonic li Jtotic Diose xchi'uc li Cajvaltic Jesucristoe.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

Romanos 4:25

Ja' ti i'ac'at ta milel ta scoj jmultique, xchi'uc ti icha'cuxesat loq'uel ta smuquinal ta sventa mu'yuc jmultic chijyilutic Diose.

Romanos 8:27

Pero li Dios ti chil c'usi oy ta co'ntontique sna'be c'usi oy ta yo'nton li Ch'ul Espiritue. Sna' ti ja' tsc'anbe yu'untac Dios jech chac c'u cha'al tsc'an stuc li Diose.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

1 Corintios 15:3

Ja' tsots sc'oplal laj ca'ay ba'yuc laj calboxuc li c'usi ac'bilun jna'e, ja' ti vu'utic ta scoj jmultic icham li Cristoe jech chac c'u cha'al ts'ibabil ono'ox ta sc'op Diose,

2 Corintios 4:4

Ti jech mu xch'unique, yu'un ja' macbil yo'ntonic yu'un li yajval banamile. Yu'un jech mu x'och xojobal ta stojolic li Lequil A'yej ta sventa li Jesucristo ti jun oyic xchi'uc Diose.

Gálatas 2:20

Ja' yu'un co'ol lijoc'anat ta cruz jchi'uc Cristo ic'ot. Jech muc xa vu'ucun ti li' cuxulune. Ja' xa Cristo li' cuxul ta jtojol. Li jcuxlejal li' quich'oj ta jbec'tal ta orae, cuxul ta sventa xch'unojel co'nton ta stojol li Xnich'on Diose, ja' li Boch'o ep la sc'anune, ti laj yac' sba ta milel ta jcoje.

Gálatas 6:14

Pero li vu'une mu ja'uc tsots sc'oplal chca'ay ti ac'o ich'atcun ta muq'ue. Ja' tsots sc'oplal chca'ay ti ac'o ich'atuc ta muc' li Cajvaltic Jesucristo ti icham ta cruze. Yu'un ja' ta sventa ti chamen xa ic'ot ta jventa li c'usitic oy li' ta banamile, jech chamenun xa lic'ot ta sventa ec.

Efesios 1:11

Jech noxtoc ja' ta sventa Cristo ti laj xa yu'uninuncutic ec li Diose, yu'un t'ujbiluncutic ono'ox yu'un ta vo'one, yu'un jech la sc'an yo'nton stuc. Yu'un li stuque tspas scotol c'usitic oy ta yo'nton.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Efesios 5:16

Tunesic lec li c'ac'al chjelov avu'unique, yu'un yantic tsoc batel li banamile.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Efesios 6:12

Yu'un ma'uc ta jpastic c'op jchi'uctic li boch'o oy sbec'tal, oy xch'ich'alique. Ja' ta jtsal jba jchi'uctic li pucujetic ti tsots tspasic mantale, ti tsots svu'elique, ti ch-ilbajinvanic li' ta banamil ti oy ta ic' osile, ti ta ic' chanovique ti mu'yuc sbec'talique.

Filipenses 4:20

Jech ich'bil ta muc' ac'o c'otuc sbatel osil li Diose ja' li Jtotique. Jechuc.

1 Tesalonicenses 1:3

Scotol ora ta jna'cutic ta stojol Jtotic Dios li avabtelic ta sventa xch'unojel avo'ntonique, xchi'uc li c'usi chapasic ta sventa chac'anvanique, xchi'uc ti oy stsatsal avo'ntonic ta sventa ti chamalaic li Cajvaltic Jesucristoe.

1 Tesalonicenses 3:11

Ja' ac'o stacuncutic tal ta atojolic stuc li Diose, ja' li Jtotique, xchi'uc li Cajvaltic Jesucristoe.

1 Tesalonicenses 3:13

Jech tstsatsub lec avo'ntonic ta stojol Cajvaltic, jech mu'yuc amulic chac'otic ta stojol Jtotic Dios c'alal chtal xchi'uc scotol yu'untac li Cajvaltic Jesucristoe.

2 Tesalonicenses 2:16

Ac'o stsatsubtasboxuc avo'ntonic, ac'o scoltaoxuc stuc li Cajvaltic Jesucristoe xchi'uc li Dios cu'untique. Ja' li Jtotic ti ep la sc'anutique, ti laj yac'butic spatubil co'ntontic sventa sbatel osile, xchi'uc ti ta sventa slequil yo'nton laj yac' ti jech jun co'ntontic ta jmalatic li c'usi yalojbutique, yu'un jech j'ech'el jun avo'nton ja' chapasic o, ja' chavalic o li c'usitic leque.

1 Timoteo 2:6

Yu'un ja' laj yac' sba ta milel cu'untic, ja' la smanutic jcotoltic. Yu'un ic'ot sc'ac'alil laj yac' ta ilel ti c'uxutic ta yo'ntone.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Hebreos 2:5

Li Diose mu ja'uc j'almantaletic chac'be sventain li banamil ta to xtale, ti li' chcalbetic sc'oplale.

Hebreos 6:5

ti laj xa ya'ibeic c'u x'elan smuil li sc'op Diose, xchi'uc ti laj xa yilbeic stsatsal svu'el li ventainel yu'un Dios ta to xtale,

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

1 Juan 3:16

Li Jesucristoe laj yac' quiltic c'u x'elan li c'anvaneje, yu'un laj yac' sba ta milel ta jventatic. Ja'uc me jechutic ta sc'anel ec li jchi'iltique, ac'o me chijlajutic ta milel ta scojic.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Apocalipsis 7:9

C'alal jech laj quile, ts'acal laj quil te oy epal cristianoetic liquemic tal ta jujun banamil, ta jujuchop sts'unubalic, ta jujun lum, xchi'uc ta jujuchop c'op. Bats'i ep ta jyalel, mu xlaj ta atel. Te va'ajtic yo' bu chotol li Diose xchi'uc ta stojol li Ch'ium Chije. Puru sac sc'u' slapoj scotolic, xchi'uc stsacanojic yanal xan.