Gálatas 1:2 - Bible in Tzotzil de Chenalhó with Deuterocanon

² Ta jc'opanotcutic tal jchi'uc scotol li jch'unolajeletic li' jchi'uque, vo'oxuc li steclumaloxuc Cristo ti buyuc no'ox oyoxuc te ta Galacia banamile.

Tzotzil Zinacantan

² Chajcꞌoponticotic tal ta vun ti jayvoꞌoticotic liꞌi, voꞌoxuc ti achꞌunojic xa li scꞌop Rioxe ti butic jteclumal nacaloxuc ta estado Galaciae.

Bible in Tzotzil de Chamula

² Ti vu'une xchi'uc scotol ti jch'unolajeletic ti li' jchi'uque, ta jts'ibacutic talel jvuncutic ta atojolic ti vo'oxuc jch'unolajeloxuc ti buyuc no'ox oyoxuc ta jujun tsobobbail ta Galacia banomile.

Tzotzil San Andres

² Chajcꞌoponcutic batel ta carta jchiꞌuc li jayvoꞌ li liꞌ jchiꞌuque, joꞌoxuc li avichꞌojic xa ta mucꞌ eꞌuc li Cajvaltic li butic oyoxuc li te ta Galacia balumile.

Tzotzil de Huixtán

² Ho'on xchi'uc ti quermanotic ti li' jchi'inoje chajc'oponoxuc ti carta, ho'oxuc ti ach'unojbeic sc'op ti Diose te ti estado Galacia ti buc no'ox jteclumal nacaloxuque.

Gálatas 1:2 Iomraidhean Croise

Hechos 15:41

Te ijelovic batel ta Siria banamil xchi'uc ta Cilicia banamil. Ech' stsatsubtasbeic yo'nton li jujutsob jch'unolajeletique.

Hechos 18:23

Te ijoc'tsaj jayibuc c'ac'al. Ts'acal to iloc' batel, xquechet bat sq'uel scotol li jch'unolajeletic ta jujun lum ta Galacia banamil xchi'uc ta Frigia banamile. La stsatsubtasbe lec comel yo'ntonic ta stojol Dios.

Hechos 9:31

Jech ipaj svocolic li jujutsob jch'unolajeletic ta scotol Judea banamil, ta Galilea banamil, xchi'uc ta Samaria banamile. Jun xa yo'ntonic laj yich'ic ta muc' li Cajvaltique. I'ac'bat stsatsal yo'ntonic yu'un li Ch'ul Espiritue, jech i'epajic o.

1 Corintios 16:1

Ta sventa ti laj ajac'bicun sc'oplal li smoton Dios chatsobic sventa chacoltaic li jch'unolajeletic ta Jerusalene, ja' jech xapasic jech chac c'u cha'al la jchanubtasic li jujutsob jch'unolajeletic ta Galacia banamile.

Gálatas 3:1

Galaciaetic, ¡solel mu'yuc abijilic! ¿Boch'o la soquesboxuc avo'ntonic ti mu xa ja'uc chach'unic li c'usi melele? Yu'un lec jamal la jcholbotcutic ava'yic sc'oplal li Jesucristoe; xco'laj xchi'uc laj avil ta asatic joc'ol ta cruz icham ta jcojtic li Cristoe.

Filipenses 2:22

Pero li vo'oxuque xavotquinbeic xa lec c'u x'elan yo'nton li Timoteoe. Avilojic ti lec la scoltaun ta xcholel li Lequil A'yeje, jech chac c'u cha'al jun nich'onil ti lec tscolta stote.

Filipenses 4:21

Chabanuc xavalbe scotol li yu'untac Dios ta sventa Cristo Jesuse. Chabanuc la xayalboxuc tal li jch'unolajeletic li' jchi'inoje.