Gálatas 1:10 - Bible in Tzotzil de Chenalhó with Deuterocanon

¹⁰ Yu'un ma'uc ta jsa' c'u x'elan lec ac'o yilun cristianoetic. Ja' ta jsa' c'u x'elan lec ac'o yilun li Diose. Ti ja'uc ta jc'an lec ac'o yilun li cristianoetique, muc yajtunelucun Cristo ti jechuque.

Tzotzil Zinacantan

¹⁰ Ti jaꞌuc ta jcꞌan ti lec chiyil li crixchanoetique, maꞌuc yech lacalbeic ti yechuque. Ti jaꞌuc ta jcꞌane cheꞌe, yuꞌun mu jchꞌun cꞌusi chiyalbe ti Jesucristoe. Lavie jaꞌ ta jcꞌan ti lec chiyil ti Rioxe, yechꞌo ti jaꞌ yech lacalbeique.

Bible in Tzotzil de Chamula

¹⁰ Mu yu'unuc ja'uc ta jc'an ti lec jc'oplal yu'un ti jnaclejetique, yu'un ta jc'an ti lec jc'oplal yu'un ti Diose. Bu xata ti ja' ta jc'an ti lec jc'oplal yu'un ti jnaclejetique. Ti jechuc oy ta co'nton ta jc'ane, ma'uc xa lequil yaj'abtelun ti Cristoe.

Tzotzil San Andres

¹⁰ Ti jaꞌuc tsots scꞌoplal chcaꞌi ti jaꞌ lec chiyilic li crixchanoetique, muc bu jech chcal ti jechuque. Yuꞌun jaꞌ tsots scꞌoplal chcaꞌi ti jaꞌ acꞌo lec chiyil li Diose, jaꞌ yuꞌun chcal ti acꞌo acꞌbatuc yichꞌ vocol li buchꞌutic ti yan o li cꞌusi chayalbeique. Ti jechuc to coꞌon ti jaꞌ ta jcꞌan ti lec chiyilic li crixchanoetique, yuꞌun maꞌuc yajtunelun yaꞌel li Cristoe.

Tzotzil de Huixtán

¹⁰ Ti ja'uc tsots sc'opilal chca'i ti lec chiyilun ti crixchanoetique, mu hechuc chcal ti ac'o ac'batuc castigo ti much'utic tsyanejesbe sjam ti sc'op ti Diose. Yu'un ja' no'ox tsots sc'opilal chca'i ti lec chiyilun ti Diose, hech yu'un hech chcal ti ac'o ac'batuc castigo. Ti ja'uc tsots sc'opilal chca'i to ti lec chiyilun ti crixchanoetique, mu yabatucun ti Cristo ti hechuque.

Gálatas 1:10 Iomraidhean Croise

San Mateo 22:16

Jech la stac tal yajchanc'optaquic xchi'uc svinictac Herodes. Jech vul sjac'beic li Jesuse: —Jchanubtasvanej, ta jna'cutic ti ja' melel scotol c'usi chavale, xchi'uc ti ja' chachanubtasvan ta sbe Diose, xchi'uc ti co'ol lec chavil scotole, ti muc ta sbauc no'ox chaq'uel c'u x'elan li cristianoetique.

San Mateo 28:14

Me laj ya'ay li ajvalile, vu'uncutic xa ta xbat jlecubtasbecutic yo'nton ti c'u cha'al mu c'usi xaspasboxuque —xutic.

San Mateo 6:24

“Mu'yuc boch'o xu' yu'un me tsa' chib yajval. Yu'un xu' tsbaj li june, xu' ja' lec tsc'an li yane; xu' ja' lec chil li june, xu' tslaban li yane. Ja' no'ox jech mu xu' chatunic yu'un Dios me ja' batem avo'ntonic yu'un ac'ulejalique.

Hechos 12:20

Li Herodese solel ilinem ta stojol li tiroetic xchi'uc sidonetique. Ja' yu'un li chib lume jmoj la xchap sc'opic ti chtal sc'opanic li Herodese. Jech la sc'anbeic vocol li Blastoe, ja' li jun vinic ti yich'oj tsots yabtel ta stojol Herodese. Ja' la sc'anbeic ti ac'o slecubtasbe yo'nton li Herodese, yu'un jech xu' ta xbat sman sve'elic ta yosilal ti bu ta spas mantale.

Hechos 5:29

Itac'ov li Pedro xchi'uc xchi'iltaque: —Ja' tsots sc'oplal ba'yuc ta jch'unbecutic smantal Dios; mu ja'uc tsc'an ba'yuc ta jch'unbecutic smantal cristiano.

Romanos 1:1

Vu'un Pabloun, vu'un yajtunelun li Jesucristoe. Ic'bilun sventa li'och ta yajtacbolal. Voc'bilun o ta xcholel li Lequil A'yej ta sventa Diose.

Romanos 2:29

Ja' mero Judío chijc'ot ta sventa c'u x'elan li yut co'ntontique. Li mero circuncisión quich'ojtic chc'ote ja' ta yut co'ntontic, ja' ta sventa svu'el Dios; ma'uc ta sventa ti ts'ibabil xa lec ta vun quich'ojtic li smantaltac Diose. Li boch'o jech chac le'e ja' lec ch-ilat yu'un Dios; ma'uc lec ch-ilat yu'un cristianoetic.

Romanos 2:8

Yan li boch'o ja' no'ox batem ta yo'ntonic spasel c'usi tsc'an yo'nton stuquique, ti mu xch'unic li c'usi melele, ti ja' no'ox tspasic o li c'usitic mu'yuc tuq'ue, le'e ja' ilintabilic; ja' ch-ac'bat stoj smulic yu'un Dios.

1 Corintios 10:33

Li vu'une ja' ta jc'an ti scotolic lec ac'o yilic scotol li c'usitic ta jpase, yu'un ma'uc no'ox oy ta co'nton ta jsa' li c'usi ja' sventa jlequilal jtuque. Oy ta co'nton noxtoc li c'usi ja' sventa slequilal yepal cristianoe, yu'un jech xu' chcolic ec.

2 Corintios 12:19

¿Me chanopic noxtoc ti yu'un ta jpoj jbacutic ti jech chcale? Li vu'uncutique ta stojol Dios xchi'uc ta stojol Cristo chic'opojcutic. Scotol li c'usi laj calboxuc, vo'oxuc ti lec jc'anojoxuque, ja' sventa ac'o tsatsubanic ta stojol Dios.

Efesios 6:6

Mu me ja'uc no'ox lec xa chapasic yilel ti c'alal te sq'uelojoxuc avajvalic jech chac c'u cha'al li boch'otic ja' no'ox tsc'an lec ch-ilatic yu'un cristianoe. Ac'o jechucoxuc jech chac c'u cha'al yajtunel Cristo chava'yic. Scotoluc avo'nton pasic c'usi tsc'an li Diose.

Filipenses 1:1

Vu'un Pabloun jchi'uc Timoteo, vu'un yajtuneluncutic li Jesucristoe, ta jc'opanoxuc tal vo'oxuc li yu'untacoxuc Cristo Jesús te ta lum Filipose, xchi'uc li jq'uelvanej yu'un jcholc'opetic avu'unique, xchi'uc li yajcoltaubbail jcholc'opetique.

Colosenses 3:22

Mozoetic, ch'unbeic smantal li avajvalic li' ta banamile. Mu me ja'uc no'ox lec chatunic yu'un ti c'alal te sq'uelojoxuc jech chac c'u cha'al li boch'o ja' no'ox tsc'an lec sc'oplal yu'un cristianoetique. Scotoluc avo'ntonic lec xa'abtejic; ja' me xi'anic yu'un li Diose.

1 Tesalonicenses 2:4

Yu'un xu' cu'uncutic laj yil li Diose, jech laj yac'bun cabtelcutic xcholel li Lequil A'yeje, ja' yu'un ja' ta xcalcutic batel. Mu ja'uc ta jsa'cutic c'u x'elan lec ac'o yiluncutic li cristianoetique. Ja' ta jc'an ti lec ac'o yiluncutic li Diose, yu'un ja' chil c'usi oy ta co'ntontic.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

1 Juan 3:9

Li boch'o ja' xnich'on Diose mu xa sa'ilan smul. Yu'un te xa oy stalel Dios ta yo'nton, jech ja' xa xnich'on Dios c'otem; mu'yuc xa ta yo'nton tsa'ilan smul.

1 Samuel 21:7

C'alal jech ic'ot ta pasele, ja'o te oy ta ch'ulna jun yaj'abtel li Saule, Doeg sbi; ja' edom vinic. Ja' banquilal yu'un li jchabichijetic yu'un Saule.