Filemón 1:7 - Bible in Tzotzil de Chenalhó with Deuterocanon

⁷ Quermano, toj xcuxet co'nton, xchi'uc lec ipat co'nton avu'un ti lec chac'anvane, yu'un vo'ot ta aventa ti itsatsub xa yo'ntonic ta stojol Dios li jch'unolajeletic ti voc'bilic xa yu'un Diose.

Tzotzil Zinacantan

⁷ Jaꞌ jpatoj o coꞌon, jaꞌ jun o coꞌon tajmec ti acꞌanoj li jchiꞌiltactique. Lavi jaꞌ yechot li voꞌote, más sjunul yoꞌon tspasic cꞌusi lec chil ti Cajvaltique.

Bible in Tzotzil de Chamula

⁷ Ximuyubaj no'ox, xpatet no'ox co'nton avu'un ti oy xc'uxul avo'ntone, yu'un vo'ot ta aventa ti laj sta spatobil yo'ntonic ti jch'unolajeletique.

Tzotzil San Andres

⁷ Ximuybaj noꞌox ta sventa ti lec chacꞌuxubinvane. Yuꞌun joꞌot ta aventa ti xmuybajic li buchꞌutic yichꞌojic xa ta mucꞌ li Dios li te coꞌol chatsob abaic ta anae.

Tzotzil de Huixtán

⁷ Quermano, nichim no'ox co'nton avu'un. Muc'uben co'nton avu'un yu'un ti hech chac'uxubinvane. Yu'un ho'ot aventa ti imuc'ub xa yo'ntonic ti much'utic oyic ti stojol ti Diose ti te chatsobilan abaic xchi'uque.

Filemón 1:7 Iomraidhean Croise

1 Corintios 16:18

Jech ipat co'nton ta sventaic, xchi'uc jech ipat avo'ntonic ec. Ja' yu'un tsc'an chavich'ic ta muc' li quermanotactic li'i.

2 Corintios 7:13

Le'e ja' mero spatubil co'ntoncutic ic'ot avu'unic. Pero ech'em to ital xcuxetel co'ntoncutic ta sventa ti toj xcuxet no'ox yo'nton ital ec li Titoe, yu'un toj jun yo'nton avu'unic acotolic.

2 Corintios 7:4

Solel lec jamal co'nton ta atojolic; toj jun co'nton avu'unic. Lec la jta spatubil co'nton avu'unic; bats'i toj xcuxet no'ox co'nton, ac'o me toj ep li jvocole.

1 Tesalonicenses 1:3

Scotol ora ta jna'cutic ta stojol Jtotic Dios li avabtelic ta sventa xch'unojel avo'ntonique, xchi'uc li c'usi chapasic ta sventa chac'anvanique, xchi'uc ti oy stsatsal avo'ntonic ta sventa ti chamalaic li Cajvaltic Jesucristoe.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.

1 Tesalonicenses 2:19

Yu'un vo'oxuc no'ox smuc'uloxuc co'nton; vo'oxuc xcuxeteloxuc co'nton, xchi'uc vo'oxuc no'ox ta aventaic ti mu'yuc c'usi jtaoj chca'ye. Vo'oxuc jcoronaoxuc chca'ay c'alal tsta yorail chtal li Cajvaltic Jesucristoe.

1 Tesalonicenses 3:9

Mu xa jna' c'u x'elan ta jtojbecutic ta vocol Dios ta aventaic ta sventa ti toj xcuxet no'ox co'ntoncutic avu'unic ta stojol li Dios cu'untique.

2 Timoteo 1:16

Ac'o c'uxubinatuc yu'un Dios ta sjunul sna' li Onesiforoe, yu'un ep xa ta velta ay spatbun co'nton. Mu'yuc xq'uexov ay sq'uelun ti li' tiq'uilun ta chuquele.

Filemón 1:20

Quermano Filemón, ta melel ta jc'an ti ac'o acoltaun ta sventa li Cajvaltique; ac'bun xcuxetel co'nton ta sventa li Cristoe.

2 Juan 1:4

Toj xcuxet co'nton c'alal laj quil jayibuc avalabtac ti ja' ta xch'unic c'usi melel jech chac c'u cha'al yalojbutic li Jtotic Diose.