Filemón 1:13 - Bible in Tzotzil de Chenalhó with Deuterocanon

¹³ Ta jc'an ox ti li' chcom jchi'in oe, yu'un jech ja' aq'uexol chc'ot sventa li' chtun cu'un ti c'alal li' tiq'uilun ta chuquel ta sventa li Lequil A'yeje.

Tzotzil Zinacantan

¹³ Ti manchuc amanoje, lec ti liꞌ chixchiꞌin o ti yechuque. Yuꞌun coꞌol xchiꞌuc voꞌot liꞌ chacoltaon yaꞌel ti liꞌ tiqꞌuilon o ta chuquel ti chcal aꞌyuc ti chacꞌ jcuxlejaltic ta sbatel osil ti Jesucristoe.

Bible in Tzotzil de Chamula

¹³ Ti vu'une jc'anuc ca'i ti comuc ta jtojol yo' jech li' ta xtun ta aq'uexol ti c'u sjalil tiq'uilun ta chuquel ta sventa ti lequil ach' c'ope.

Tzotzil San Andres

¹³ Ti manchuc la avajtunel ti amanoje, ta jcꞌan ti liꞌ ta jchiꞌin o ti jechuque. Jech coꞌol schiꞌuc joꞌot liꞌ chacoltaun yaꞌele li cꞌalal liꞌ tiqꞌuilun ta chuquel ta sventa ti chcal ti jaꞌ noꞌox chijcolutic ta sventa li Cajvaltique.

Tzotzil de Huixtán

¹³ Ti manchuc ja' amozoe ti jc'an ti jchi'in comel li'to yu'un chiscoltaun. Taca xu' chavac'bun jchi'in li'to, sjeluc chacoltaun yu'un li' chuculun ti sventa ti lequil ach' c'ope.

Filemón 1:13 Iomraidhean Croise

1 Corintios 16:17

Toj xcuxet co'nton ti laj ataquic tal li Estefanase, xchi'uc li Fortunatoe, xchi'uc li Acaicoe. Yu'un ja' la scoltaicun ta sventa ti mu xu' avu'unic li vo'oxuque yu'un nom oyoxuc.

Efesios 3:1

Ta sventa ti jech ic'ot ta pasele, jech li' tiq'uilun o ta chuquel ta sventa Cristo Jesús, vu'un li Pabloune. Yu'un ja' sventa alequilalic vo'oxuc li yanlum cristianooxuque.

Efesios 4:1

Ja' yu'un chacalboxuc, vu'un ti li' tiq'uilun ta chuquel ta sventa Cajvaltique, avocolicuc ja' me pasic batel li c'usi sc'oplal tsc'an chapasic ta sventa ti ic'biloxuc xae.

Filipenses 1:7

Ja' tsc'an jech ta jch'un ta aventaic, yu'un solel oyoxuc ta co'nton, yu'un chquil ti co'ol c'uxubinbilutic yu'un li Diose, ac'o me li' tiq'uilun ta chuquel, o me va'alun ta stojol ajvalil sventa chcac' lec ta na'el li Lequil A'yeje, co'ol ono'ox ta jcolta jbatic ta jcotoltic.

Filipenses 2:30

Yu'un li Epafroditoe jutuc mu icham ta sventa yabtel li Cristoe. Solel laj yac' sbec'tal o ta jcoltael, mu sventauc me te chcham o. Yu'un la sna' ti jech avo'nton chac'an chacoltaicune, ja' no'ox ti muc xatal atuquique.

Filemón 1:1

Filemón, vo'ot ti lec jc'anojotcutique, ti co'ol yajtunelutic Diose, ta jc'opanotcutic tal xchi'uc li quermanotic Timoteoe, vu'un li Pabloun ti li' chuculun ta sventa Jesucristoe.

Filemón 1:10

ta jc'anbot vocol ta sventa li jnich'on Onésimo ti xco'laj xchi'uc li' laj cac' voc'uc ta yut chuquinabe.

Filemón 1:12

Jech ta jtacbot sutel tal li jnich'on ti toj c'ux ta co'ntone.