Filemón 1:1 - Bible in Tzotzil de Chenalhó with Deuterocanon

¹ Filemón, vo'ot ti lec jc'anojotcutique, ti co'ol yajtunelutic Diose, ta jc'opanotcutic tal xchi'uc li quermanotic Timoteoe, vu'un li Pabloun ti li' chuculun ta sventa Jesucristoe.

Tzotzil Zinacantan

¹ Filemón, voꞌot ti jcꞌanojoticotique, ti coꞌol chitunotic yuꞌun ti Rioxe, chajcꞌoponticotic tal ta vun xchiꞌuc li Timoteoe, voꞌon Pabloon. Liꞌ tiqꞌuilon ta chuquele yuꞌun jaꞌ yech iscꞌan ti Jesucristoe.

Bible in Tzotzil de Chamula

¹ Vu'un Pabloun, tiq'uilun ta chuquel ta sventa ti Cristo Jesuse. Ti vu'une xchi'uc ti quermanotic Timoteoe ta jts'ibabot talel ti jcarta li'e, vo'ot Filemón, ti ja' jchi'il jbatic ta abtele,

Tzotzil San Andres

¹ Filemón, joꞌot ti cꞌuxot ta coꞌoncutique, ti coꞌol yajtunelutic li Diose, chajcꞌoponcutic batel ta carta jchiꞌuc li Timoteoe, joꞌon Pabloun, joꞌon li liꞌ tiqꞌuilun ta chuquel ta sventa li Jesucristoe.

Tzotzil de Huixtán

¹ Filemón, ti c'uxot ti co'ntontutique, ti co'ol chij'abtejucutic yu'un ti Diose, chajc'oponotutic ti carta xchi'uc ti quermanotic Timoteoe ti li' jchi'uque, ho'on ti Pabloune. Ho'on ti li' chuculun ti sventa ti Jesucristoe.

Filemón 1:1 Iomraidhean Croise

Hechos 16:1

Ts'acal ic'otic ta lum Derbe xchi'uc ta lum Listra li Pablo xchi'uc Silase. Te nacal ta Listra jun jch'unolajel la staic, Timoteo sbi. Ja' judío ants li sme'e, ja' jch'unolajel; yan li stote ja' grecia vinic.

1 Corintios 3:9

Yu'un li vu'uncutique ja' no'ox ta jchi'incutic ta abtel li Diose. Vo'oxuc yosil Dios c'otemoxuc, sna Dios c'otemoxuc, ja' to chich' va'anel batel.

2 Corintios 1:1

Vu'un Pabloun, vu'un yajtacbolalun li Jesucristoe yu'un jech la sc'an yo'nton li Diose. Chajc'opanoxuc tal jchi'uc li quermanotic Timoteo, vo'oxuc li jtsob jch'unolajeloxuc te ta lum Corintoe xchi'uc vo'oxuc li yu'untacoxuc Dios ta sjunul Acaya banamile.

Gálatas 3:26

Ja' yu'un li vo'oxuque acotolic xnich'naboxuc xa Dios lac'otic ta sventa ti ja' laj ach'unic li Cristo Jesuse.

Efesios 3:1

Ta sventa ti jech ic'ot ta pasele, jech li' tiq'uilun o ta chuquel ta sventa Cristo Jesús, vu'un li Pabloune. Yu'un ja' sventa alequilalic vo'oxuc li yanlum cristianooxuque.

Efesios 4:1

Ja' yu'un chacalboxuc, vu'un ti li' tiq'uilun ta chuquel ta sventa Cajvaltique, avocolicuc ja' me pasic batel li c'usi sc'oplal tsc'an chapasic ta sventa ti ic'biloxuc xae.

Efesios 6:20

Yu'un ja' tacbilun ta xcholel, ja' yu'un ti li' chuculun ta cadenae. Jech ta jc'an ti ac'o oyuc lec stsatsal co'nton ta xcal jech chac c'u cha'al tsc'an chic'opoje.

Filipenses 1:1

Vu'un Pabloun jchi'uc Timoteo, vu'un yajtuneluncutic li Jesucristoe, ta jc'opanoxuc tal vo'oxuc li yu'untacoxuc Cristo Jesús te ta lum Filipose, xchi'uc li jq'uelvanej yu'un jcholc'opetic avu'unique, xchi'uc li yajcoltaubbail jcholc'opetique.

Filipenses 2:25

La jnop noxtoc ti tsots sc'oplal ta jtacboxuc sutel tal li quermanotic Epafroditoe, ja' li jchi'il ta abtele, ja' li jchi'il ta soldadoil c'oteme. Ja' ti laj ataquic tal yu'un chiscoltaun ta sventa li c'usi chtun cu'une.

Filipenses 4:3

Ta jc'anbot vocol ec quermano, vo'ot li jchi'il jbatique ti co'ol jun co'ntontic chijtun yu'un Cajvaltique, avocoluc coltao me li antsetique, yu'un ja' co'ol la jts'iccutic vocol ta xcholel li Lequil A'yeje. Xchi'uc coltao me li Clementee xchi'uc li yantic jchi'iltac ta abtele. Le'e te xa ts'ibabil sbiic ta vun sventa cuxlejal sbatel osil.

Colosenses 1:1

Vu'un Pabloun, yajtacbolalun li Jesucristoe, yu'un jech la sc'an li Diose. Chajc'opanotcutic tal ta carta jchi'uc quermanotic Timoteo, vo'oxuc ti jch'unolajeloxuc

Colosenses 4:11

Chabanuc xayalboxuc tal noxtoc li Jesús, ja' li Justo yan sbie. Le'e ja' jchi'iltac ti co'ol quich'oj circuncisión jchi'uque. Ja' no'ox stuquic ep chiscoltaicun ta xcholel li ventainel yu'un Diose. Lec chpat co'nton yu'unic.

1 Tesalonicenses 3:2

Jech la jtac tal li quermanotic Timoteoe, ja' li yajtunel Diose, ja' li jchi'il ta xcholel Lequil A'yej ta sventa Cristoe. Yu'un ja' chtal stsatsubtasboxuc avo'ntonic, chtal scoltaoxuc sventa ac'o ach'unic lec li Cajvaltique.

2 Tesalonicenses 1:1

Vu'un Pabloun, jchi'uc Silas, jchi'uc Timoteo, ta jc'opanotcutic tal, vo'oxuc li steclumaloxuc Cristo te ta lum Tesalónica ti oyoxuc ta stojol li Jtotic Diose xchi'uc li Cajvaltic Jesucristoe.

2 Timoteo 1:8

Ja' yu'un mu me xaq'uexov ta xcholel li sc'op Cajvaltique, xchi'uc mu me xaq'uexov ta jcoj noxtoc ti li' tiq'uilun ta chuquel ta sventae. Ja' lec co'ol jts'ictic vocol ta sventa li Lequil A'yeje. Ja' ta svu'el Dios chcuch cu'untic.

Filemón 1:23

Chabanuc xayalbot li Epafrase, ja' ti li' xchi'inojun ta chuquinab ta scoj li Jesucristoe.

Filemón 1:24

Chabanuc xayalbot noxtoc li Marcose, li Aristarcoe, li Demase, xchi'uc li Lucase, ja' li jchi'iltac ta abtele.

Filemón 1:9

pero ta sventa ti lec jc'anoj jbatique ja' yu'un ta jc'anbot vocol. Vu'un li Pabloun ti molun xae, ti li' tiq'uilun ta chuquel ta scoj li Jesucristoe,