Éxodo 9:9 - Bible in Tzotzil de Chenalhó with Deuterocanon

⁹ Li tane ta xc'ataj ta pucuc, jech ta spuc sba batel ta scotol li Egipto banamile. Scotol li cristianoetic xchi'uc li chonbolometic yu'unique ta xch'i ep ch'ieletic ta sbec'talic; ta xlic c'a'uc li sbec'talique —x'utatic.

Bible in Tzotzil de Chamula

⁹ Jech ti tane ta xjoybij ta epal pucuc ti ta xtanij batel ta sjunlej ti jteclume. Ta xlic tsacaticuc ta c'a'emal chin scotol ti jnaclejetique xchi'uc scotol ti chon bolometic ta Egiptoe.

Éxodo 9:9 Iomraidhean Croise

Job 2:7

Li banquilal pucuje iloc' batel ta stojol li Muc'ul Diose, bat yac'be svocol li Jobe. Laj yac' tsacatuc ta jun chopol ch'inin. Ilic ta yacan, iloc' c'alal ta sjol.

Éxodo 9:10

Li Moisés xchi'uc Aarone laj yich'ic batel li tanil c'oq'ue; ibatic ta stojol li faraone. Li Moisese te ic'ot svij muyel ta toyol li tane. Jech li cristianoetic xchi'uc li chonbolometic yu'unique ich'i ch'ieletic ta scotol sbec'talic.

Éxodo 9:8

Li Muc'ul Diose jech laj yalbe li Moisés xchi'uc Aarone: —Jopic batel jopuc tanil c'oc' ta jun horno. Vo'ot, Moisés, te xc'ot avij muyel ta toyol ta stojol li faraone.

Deuteronomio 28:27

“Li Muc'ul Diose ta xac' avich' avocolic ta epal c'a'el chameletic jech chac c'u cha'al ic'ot ta pasel ta stojol li egiptoetique. Xchi'uc chastaoxuc ep ch'ieletic, ch'inin, tan-se'p xchi'uc spintoal ti mu stac' poxtael oe.

Deuteronomio 28:35

Li Muc'ul Diose chac' stsacoxuc c'a'al chinetic ta sjoljol avacanic, xchi'uc ta sc'uniltac avacanic, xchi'uc ta scotol abec'talic, pero mu xu' avu'unic xpoxtael.

Apocalipsis 16:2

Jech iloc' batel li sba j'almantale, bat smal ta banamil li sbel stazae. Jech ilic ep c'a'al chin ta sbec'talic scotol li boch'otic yich'ojbeic smarcail li jti'vanej bolome, xchi'uc ti yich'ojbeic ta muc' li sloc'obale. Li chine toj chopol, xchi'uc toj c'ux.