Éxodo 9:18 - Bible in Tzotzil de Chenalhó with Deuterocanon

¹⁸ Lec oy ti me jech avo'ntone. Oc'om ta jcocan yalel tal epal bot ti mu'yuc ono'ox baq'uin jech xyal tal c'alal lic yich' va'anel li Egiptoe xchi'uc c'alal to tanae.

Bible in Tzotzil de Chamula

¹⁸ ¡Lec ti jech avo'ntone! Jech ora oc'om jech c'u cha'al li'e, ta xcac' taluc tsots bot ti sba to velta jech ta xc'ot ta pasel li' ta Egiptoe.

Éxodo 9:18 Iomraidhean Croise

1 Reyes 19:2

Li Jezabele la stac batel jun j'almantal ta stojol li Eliase, jech laj yalbe batel: “¡Oc'om jech ora chac li'i, me mu'yuc chamenot cu'un jech chac c'u cha'al laj amil li j'alc'opetique, tsots ac'o yac'bun jtoj li diosetique!”, xut batel.

1 Reyes 20:6

Oc'om jech ora chac c'u cha'al li'i, ta jtac tal j'abteletic cu'un; chtal xchajic scotol li apasubmantale xchi'uc li sna avaj'abteltaque. Ta xich'ic batel scotol li c'usitic lec c'upilic sba oy avu'une’, xi laj yal tal”, xutic c'otel.

2 Reyes 7:1

Li Eliseoe jech la stac'be: —A'yo ava'ay c'usi chal li Muc'ul Diose: ‘Oc'om jech ora chac c'u cha'al li'i xu' xa chamanic vucub litro aceite ta jsep no'ox saquil taq'uin te ta ti'lum Samaria, xchi'uc xu' chamanic oxib cuartiya cebada ta jsep no'ox saquil taq'uin’, xi li Muc'ul Diose —xut.

2 Reyes 7:18

Ja' jech ic'ot o jech chac c'u cha'al laj yalbe ajvalil li yaj'alc'op Diose: “Te ta ti'lum Samariae, ta jsep no'ox saquil taq'uin xu' chamanic o vucub litro aceite, xchi'uc ta jsep no'ox saquil taq'uin xu' chamanic o oxib cuartiya cebada”, xi ono'ox.

Job 37:13

Scotol le'e xu' tstunes sventa chac'be stoj o smul cristianoetic li Diose, xchi'uc sventa chac'be o yil slequil yo'nton.

Job 38:22

“¿Me aviloj bu oy snail li tayoe? ¿Me aviloj bu oy snail li bot

Job 38:23

ti jnac'oj sventa chcac'be o svocol li cristianoetique, xchi'uc sventa ta jtac batel c'alal liquem muc'ta c'op yu'unique?

Salmos 83:15

Nutso o batel ta chauquil ic'al vo' avu'un; sibtaso batel ta sutub ic' avu'un.

Éxodo 10:14

Te ic'ot scotol ta Egipto banamil. Bats'i ep li c'ulubetique. Mu'yuc ono'ox jech xc'ot ta pasel ta vo'one, me ja'uc ta to xc'ot ta pasel jech ta ts'acal.

Éxodo 10:6

Ta xnoj ta c'ulub li apasubmantale, xchi'uc li snaic achi'iltac ta abtele, xchi'uc snaic scotol li egiptoetique. Mu'yuc ono'ox baq'uin jech xilic c'alal ich'iic tal li amoltot ayame'ique xchi'uc li atot ame'ique, xchi'uc mu'yuc ono'ox bu jech xavilic c'alal to tana ec li vo'oxuque’, xi li Muc'ul Diose —xut. C'alal laj yo'nton ta lo'il li Moisese, iloc' batel ta stojol li faraone; isut batel.

Éxodo 11:6

Ta scotol Egipto banamil ta to x'oc' x'avanic ta scoj li tsots at-o'ntonale. Mu'yuc ono'ox bu jech yilojic, xchi'uc mu'yuc bu jech chtal yan velta’, xi li Muc'ul Diose.

Éxodo 9:17

Ac'o me jech chavil, pero staoj yav o avo'nton apajesoj li jteclum cu'une, mu xavac' loq'uicuc o batel.

Apocalipsis 16:21

Xchi'uc ital muc'tic bot ta stojol li cristianoetique, ech'em ta cha'vinic (40) kilo yalal jujubej. Li cristianoetique ep ichopolc'opojic ta stojol Dios ta sventa ti ital li muc'tic bote. Yu'un toj ech'em tsots li stojol smul i'ac'batique.