Éxodo 9:16 - Bible in Tzotzil de Chenalhó with Deuterocanon

¹⁶ Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Bible in Tzotzil de Chamula

¹⁶ Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Éxodo 9:16 Iomraidhean Croise

2 Samuel 7:23

Li israeletic, ja' li jteclum avu'une, ja' no'ox stuc jech jun muc'ta lum li' ta banamil. Vo'ot laj acolta, jech ja' ateclumal ic'otic o. Vo'ot laj avac' pucuc batel sc'oplalic, yu'un ep laj avac' ta ilel amuc'ul atsatsal ta stojolic. Ta sventa ti lec ac'anoj li jteclum avu'une, jech laj acolta loq'uel tal ta Egipto, xchi'uc ta stojol yantic lumetic, xchi'uc ta stojol diosetic yu'unic li yantic lumetique.

2 Reyes 19:35

Te no'ox ta yac'ubalil ital yaj'almantal Muc'ul Dios; la smil vo'ob slajunvinic ta mil (185,000) asiriaetic te yo' bu spasoj scarpanaique. C'alal isacub ta yoc'omale, ep xa animaetic.

1 Crónicas 16:24

Q'uejintabeic slequilal, xchi'uc smuc'ul stsatsal ta scotol lumetic, xchi'uc ta scotol banamiletic.

Nehemías 9:10

Laj avac' ta ilel muc'tic sq'uelubil atsatsal ta stojol li Faraone xchi'uc li xchi'iltac ta abtele xchi'uc scotol li egiptoetique, yu'un laj avil ti toj abul sbaic ta uts'intael yu'unic li israeletique. Ja' jech laj avac' muq'uibuc batel ac'oplal jech chac c'u cha'al li' ta orae.

Salmos 106:8

Pero laj acolta, laj avac' ta ilel li avu'ele, yu'un jech ac'o ich'atan ta muc'.

Salmos 64:9

Jech scotol cristianoetic chlic yich'ic ta muc' li Diose; chlic yalic ti toj lec yabtele; chlic c'otuc ta yo'ntonic ti toj lec c'usitic spasoje.

Salmos 76:10

Li sc'ac'al yo'nton avajcontrae ja' chc'ataj ta avich'el ta muc'; li juteb no'ox sc'ac'al yo'ntonique ja' chc'ataj ta acorona.

Éxodo 14:17

Li vu'une ta jtsatsubtasbe yo'nton li egiptoetique yu'un ac'o snutsoxuc batel. Jech xu' chcac'be yil jvu'el jtsatsal li faraone, xchi'uc li yajsoldadotaque, xchi'uc li scaretaique, xchi'uc li sca'ique.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Éxodo 9:15

Li vu'une xu' cu'un chacac'bot avil jvu'el, xu' cu'un chacac'bot atoj amul xchi'uc scotol achi'iltac ti jechuc ta jc'ane, jech ta x'ul o ats'unubal li' ta banamil ti jechuque.

Éxodo 9:17

Ac'o me jech chavil, pero staoj yav o avo'nton apajesoj li jteclum cu'une, mu xavac' loq'uicuc o batel.

Proverbios 16:4

Scotol li c'usitic spasoj Muc'ul Diose oy slajeb, jech ec li boch'otic chopolique ja' slajebic ti chbat stoj smulique.

Jeremías 32:20

Laj apas ep muc'tic sq'uelubiltac avu'el atsatsal te ta Egipto. Ja' jech chapas o li' ta ora ta stojol li israeletique xchi'uc ta stojol scotol li cristianoetique, jech laj avac' pucuc ac'oplal jech chac c'u cha'al vinajem li' ta orae.

Ezequiel 39:21

“Ta xcac' ta ilel jmuc'ul ta stojol li yantic banamile. Scotol jujun muc'tic lum chilic ti c'u x'elan chapanel chcaq'ue xchi'uc c'usi chc'ot ta pasel ti c'alal ta xcac' jc'ob ta stojolique.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

Malaquías 1:14

Li boch'o chlo'lavane, ti chal ta jamal ti ja' chiyac'bun jmotonin li xchij te ta scoralil ti toj leque, pero ts'acal ja' chiyac'bun ti bu mu'yuc leque, ac'o c'otuc o ta stojol li c'usi chopole. Yu'un vu'un li Muc'ul Ajvalilune, xi'bilun ta scotol banamil”, xi li Muc'ul Diose.

Números 14:21

Pero oy ono'ox c'usi ta jpasbeic ta sventa ti vu'un cuxulun ta melele, xchi'uc ta sventa ti ech'em jxojobale.

Romanos 9:17

Yu'un jech ts'ibabil ta sc'op Dios ti jech i'albat li Faraone: “La jtic'ot ta ajvalilal sventa ac'o avil c'u x'elan li jvu'ele, yu'un jech ac'o vinajuc batel jbi ta sbejel banamil”, x'utat.

Romanos 9:22

Ja' no'ox jech ec li Diose tsc'an ox chac' ta ilel ta ora ti chac'be stojol li mulile; tsc'an ox chac' ta na'el c'u x'elan li svu'ele. Pero te to la sts'icbe smulic li boch'otic chapal sc'oplal chich'ic ilintaele, ti chapal sc'oplalic sventa tojob mulile,

Josué 4:24

Jech scotol cristianoetic ta banamil tsna'ic ti toj ech'em stsatsal li Muc'ul Diose, yu'un jech ac'o avich'ic o ta muc' scotol c'ac'al li Muc'ul Dios cu'untique”, xi li Josuee.

1 Pedro 2:19

Yu'un ja' lec chil Dios li boch'o jeche' no'ox ta xich' vocol, ti sna'oj tuc' c'usi tspas ta stojol Diose.

1 Pedro 2:8

“Ja' sventa ac'o sbosi yacanic o; ja' sventa ac'o yalicuc o ta lum”, xi. Ja' te tsbosi yacanic o ya'yel ta sventa ti mu xch'unic li sc'op Diose, yu'un jech ono'ox ts'ibabil sc'oplalic.

Judas 1:4

Yu'un oy jayibuc viniquetic ta mucul ta stic' sbaic te ta atojolic ti ja' no'ox chlo'lavanique. Li viniquetic le'e, ja' ti oy ono'ox sc'oplalic ta sc'op Dios ta vo'one ti chbat stoj smulique. Ven chopolic, tsyanijesbeic smelol li slequil yutsil yo'nton Dios cu'untic sventa xu' tspasic o li c'usi chopol tsc'an yo'ntonique. Mu xich'ic ta muc' li Jesucristo ti ja' no'ox stuc Cajvaltique, ti ja' Yajval scotole.

1 Samuel 4:8

Toj abul jbatic. ¿Boch'o xu' chiscoltautic loq'uel ta sc'ob li Dios ti ech'em stsatsale? Yu'un ja' li Dios ti la smil ta tsatsal chamel li egiptoetic te ta xocol banamile.