Éxodo 8:8 - Bible in Tzotzil de Chenalhó with Deuterocanon

⁸ Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Bible in Tzotzil de Chamula

⁸ Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Éxodo 8:8 Iomraidhean Croise

1 Reyes 13:6

Ja' yu'un li ajvalile jech laj yalbe li j'alc'ope: —Ach'ul vocoluc, c'opano li Muc'ul Dios avu'une yu'un ac'o lecubuc yan velta li jc'obe —xut. Li j'alc'ope la sc'opan li Muc'ul Diose jech ilecub yan velta sc'ob li ajvalile, jech icom jech chac c'u cha'al ono'oxe.

Salmos 66:3

Jech xavalbeic li Diose: “Toj ech'em yutsil li avabtele. Ta sventa amuc'ul atsatsal ta xyalic ta lum ta atojol li avajcontrataque.

Éxodo 10:16

Li faraone ta ora la stac ta iq'uel li Moisés xchi'uc Aarone, jech laj yalbe: —Laj xa jta jmul ta stojol li Muc'ul Dios avu'unique xchi'uc ta atojolic ec li vo'oxuque.

Éxodo 10:17

Ta jc'anboxuc vocol ti ac'o apasbicun xa perdón junuc velta li jmule. C'anbicun vocol li Muc'ul Dios avu'unique ti ac'o sloq'ues batel li tsatsal tojol mulil li' chismiluncutique —xut.

Éxodo 10:18

C'alal iloc' batel ta stojol faraón li Moisese, la sc'anbe vocol li Muc'ul Diose.

Éxodo 14:5

C'alal laj ya'ay faraón xchi'uc xchi'iltac ta abtel ti iloq'uic xa batel li israeletique, lic yanijuc yo'ntonic ta stojol li israeletique. Jech laj yalbe sbaic: “¿C'u yu'un laj cac'tic loc'uc batel li israeletique yu'un laj xa scomtsanic li cabteltique?”, xut sbaic.

Éxodo 32:11

Li Moisese te lic sc'anbe vocol li Diose, jech laj yalbe: —Muc'ul Dios, ¿c'u yu'un cha'ilin ta stojol li jteclum avu'un ti laj aloq'ues tal ta Egipto ta amuc'ul atsatsale?

Éxodo 5:2

Pero li faraone jech itac'ov: —¿Boch'o li ‘Muc'ul Diose’? ¿C'u yu'un ta jch'unbe ti tsc'an ta jloq'ues batel li israeletique? Mu xcotquin li Muc'ul Diose, xchi'uc mu'yuc ta jloq'ues batel li israeletique —xi.

Éxodo 8:15

Pero c'alal laj yil faraón ti mu'yuc xa svocole, itsatsub yo'nton noxtoc, jech mu'yuc laj yich'be ta muc' sc'op li Moisés xchi'uc Aarón jech chac c'u cha'al yaloj ono'ox li Muc'ul Diose.

Éxodo 8:29

Itac'ov li Moisese: —Me liloc' batel li'i, ta jc'anbe vocol Muc'ul Dios ti ac'o loc'uc batel oc'om li' ta atojol li xcochetique, xchi'uc ta stojol li achi'iltac ta abtele, xchi'uc ta scotol li achi'iltaque. Ja' no'ox venta me mu ja'uc no'ox chalo'launcutic, me mu ts'acaluc chapajesuncutic ti ac'o bat cac'becutic smoton li Muc'ul Diose —xut.

Éxodo 8:32

Pero li faraone itsatsub yo'nton yan velta noxtoc, jech muc scolta batel li israeletique.

Éxodo 8:9

Li Moisese jech la stac'be li faraone: —Albun ca'ay baq'uin chac'an ta jc'anbe vocol Muc'ul Dios ta atojol xchi'uc li achi'iltac ta abtele xchi'uc scotol li achi'iltaque. Xu' ta jc'anbe ti ac'o loc'uc batel li xch'uch'etic li' ta atojolique xchi'uc ta apasubmantale. Ja' xa no'ox te ac'o comuc scotol ta uc'umetic —xut.

Éxodo 9:27

Li faraone lic stac ta iq'uel li Moisés xchi'uc Aarone, jech laj yalbe: —Laj xa jna' ti oy jmule. Vu'un ta jmul xchi'uc li jchi'iltaque; mu ja'uc oy smul li Muc'ul Diose.

Éxodo 9:28

Toj ven tsots xa jvocolcutic ta scoj li chauc xchi'uc bote. C'opanbun Muc'ul Dios ta jtojolcutic yu'un ac'o pajuc li bot xchi'uc chauque. Ta xa jcolta batel li achi'iltaque; mu'yuc xa chajpajesoxuc yan velta —xut.

Éxodo 9:33

Li Moisese iloc' batel ta stojol li faraone. C'alal loq'uem xa'ox batel ta lume, la stoy muyel sc'ob; la sc'anbe vocol li Muc'ul Diose. Jech ta ora no'ox ich'abi li bote xchi'uc li vo'e, mu'yuc xa xbac' noxtoc li chauque.

Números 21:7

Ts'acal te italic ta stojol li Moisese, jech laj yalbeic: —Laj xa jta jmulcutic ta sventa ti lichopolc'opojcutic ta stojol li Muc'ul Diose xchi'uc ta atojol ec li vo'ote. C'anbo vocol Muc'ul Dios ti ac'o jatovuc batel ta jtojolcutic li jti'val chonetique —xutic. Ja' yu'un li Moisese lic sc'anbe vocol Muc'ul Dios ti ac'o xch'aybe ta yo'nton smul li xchi'iltaque.

Hechos 8:24

Itac'ov li Simone: —C'opanbicun Dios ta jtojol ec li vo'oxuque, yu'un jech mu me xc'ot ta pasel ta jtojol jech chac c'u cha'al laj avalbune —xi.

1 Samuel 12:19

Scotol israeletic jech lic yalbeic li Samuele: —C'anbo vocol Muc'ul Dios ta jventacutic yu'un mu me xichamcutic. Yu'un la jta tsots jmulcutic ta sventa ti la jc'ancutic jun ajvalil cu'uncutique —xiic.