Éxodo 8:27 - Bible in Tzotzil de Chenalhó with Deuterocanon

²⁷ Ja' lec te chibatcutic ta xocol banamil ti oxib c'ac'al sbelale. Ja' te chbat jchic'becutic smoton li Muc'ul Dios cu'uncutic jech chac c'u cha'al laj yalbuncutique —xi.

Bible in Tzotzil de Chamula

²⁷ Jech o xal tsots sc'oplal ta xibatcutic c'alal to sbajtical banomil ti ja' yich'oj oxib c'ac'al sbelele. Yu'un tey to c'alal chbat cac'becutic smoton ti Dios cu'uncutique co'ol jech c'u cha'al laj yalbuncutique.

Éxodo 8:27 Iomraidhean Croise

Éxodo 10:26

Li jts'unub covolcutique ta xquic'cutic batel. Me jcotuc mu'yuc ta jcomtsancutic, yu'un ja' ta jt'ujcutic jaycotuc sventa chcac'becutic smotonin li Muc'ul Diose. Li' ta orae mu to jna'cutic c'usi chtun cu'uncutic ta sventa chquich'cutic o ta muc' li Muc'ul Diose ja' to me te xa oyuncutique —xut.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 3:18

Li banquilaletique ta xich'ot ta muc'. Jech te chaxchi'inicot batel c'alal chabat ta stojol li ajvalil ta Egiptoe. Jech xc'ot avalbeic: ‘Li Muc'ul Dios cu'uncutic, vu'uncutic li hebreouncutique, talem snupuncutic ta be. Ja' yu'un coltauncutic to batel yu'un chibatcutic ta xocol banamil, yu'un te chbat cac'becutic smoton li Muc'ul Dios cu'uncutique; ja' oxib c'ac'al li sbelale’, utic c'otel.

Éxodo 34:11

“Ch'unic me li c'usi chacalboxuc ava'yic li' ta orae. Vu'un ta jnuts loq'uel ta atojolic li amorretic, li canaanetic, li hetetic, li ferezetic, li hevetic, xchi'uc li jebusetique.

Éxodo 5:1

Ja' yu'un li Moisés xchi'uc Aarone bat sc'opanic li faraone. Jech c'ot yalbeic: —Jech ta xal li Muc'ul Diose, ja' li Dios yu'un Israele: ‘Coltabun batel li jteclumale yu'un chbat spasic jun q'uin te ta xocol banamil sventa chiyich'icun ta muc'’, xi —xutic c'otel.

Éxodo 5:3

Li stuquique jech laj yalbeic: —Li Dios cu'uncutic, vu'uncutic li israeluncutique, talem snupuncutic ta be. Jech te chibatcutic ta xocol banamil, ja' oxib c'ac'al sbelal, yu'un te chbat jmilbecutic smoton li Muc'ul Dios cu'uncutique. Yu'un jech mu xismiluncutic ta tsatsal chamel, o me ta espada —xutic.

Levítico 10:1

Li Nadab xchi'uc Abiú, ja' li xnich'nabtac Aarone, la stsaquic jujun yav yac'alic. Laj yac'beic sc'ac'al xchi'uc pom; la stsanic yan c'oc' ta stojol Muc'ul Dios ti c'alal mu'yuc albilic jech tspasique.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.