Éxodo 8:25 - Bible in Tzotzil de Chenalhó with Deuterocanon

²⁵ Li faraone lic stac ta iq'uel li Moisés xchi'uc Aarone, jech laj yalbe: —Milbeic smoton li Dios avu'unique, pero li' no'ox xapasic ta Egipto banamile —xut.

Bible in Tzotzil de Chamula

²⁵ Ja' yu'un un, ti faraone laj sta ta iq'uel ti Moisese xchi'uc ti Aarone, ti xi laj yale: —Batanic, ba ac'beic smoton ti Dios avu'unique. Ja' no'ox un, mu xaloq'uic batel ti li' ta jteclume.

Éxodo 8:25 Iomraidhean Croise

Éxodo 10:16

Li faraone ta ora la stac ta iq'uel li Moisés xchi'uc Aarone, jech laj yalbe: —Laj xa jta jmul ta stojol li Muc'ul Dios avu'unique xchi'uc ta atojolic ec li vo'oxuque.

Éxodo 10:24

Li faraone la stac ta iq'uel li Moisese, jech laj yalbe: —Bat ich'ic ta muc' li Muc'ul Diose. Iq'uic batel li anich'nabique. Yan li achijic xchi'uc avacaxique comtsanic li'i —xut.

Éxodo 10:8

Li faraone la stac ta iq'uel yan velta li Moisés xchi'uc Aarone. Jech laj yalbe: —Bat ich'ic ta muc' li Muc'ul Dios avu'unique. Pero albicun ba'yuc li boch'otic chbatique —xut.

Éxodo 12:31

Li faraone te no'ox ta yac'ubalil la stac ta iq'uel li Moisés xchi'uc Aarone, jech laj yalbe: —Batanic, voc'o abaic loq'uel ta stojol li jchi'iltac vo'oxuc li israeloxuque. Bat ich'ic ta muc' li Muc'ul Dios jech chac c'u cha'al laj avalique.

Éxodo 8:8

Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Éxodo 9:27

Li faraone lic stac ta iq'uel li Moisés xchi'uc Aarone, jech laj yalbe: —Laj xa jna' ti oy jmule. Vu'un ta jmul xchi'uc li jchi'iltaque; mu ja'uc oy smul li Muc'ul Diose.

Éxodo 9:28

Toj ven tsots xa jvocolcutic ta scoj li chauc xchi'uc bote. C'opanbun Muc'ul Dios ta jtojolcutic yu'un ac'o pajuc li bot xchi'uc chauque. Ta xa jcolta batel li achi'iltaque; mu'yuc xa chajpajesoxuc yan velta —xut.

Isaías 28:22

Ja' yu'un mu me ja'uc no'ox xalabanic, yu'un jech mu yolbajuc stsin sba li acadenailique, yu'un ca'yoj ti tsc'an tslajes scotol avosilalic li Muc'ul Dios ti ech'em svu'ele.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.