Éxodo 8:22 - Bible in Tzotzil de Chenalhó with Deuterocanon

²² C'alal me ic'ot ta pasel le'e, ta jvoc' comel li yosilal Gosene, yu'un ja' te nacalic li jteclum cu'une. Me jcotuc xcoch mu'yuc chvinaj te, jech chana' o ti vu'un Muc'ul Diosun; li' oyun ta avosilalique.

Bible in Tzotzil de Chamula

²² Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Éxodo 8:22 Iomraidhean Croise

Génesis 46:34

albeic ti ja' avabtelic o sts'unel chij xchi'uc atot ame'ic ta abic'talique. Me jech chavalbeique, xu' chayac'boxuc avich'ic li osil te ta Gosene. Yu'un li egiptoetique oy mantal yu'unic ti mu xu' co'ol chnaqui xchi'uquic li jchabichijetique —xut sbanquiltac li Josee.

Salmos 110:2

Li Muc'ul Diose te ta Sión chayac'bot avaston sventa chavich' lec muc' avabtel, ja' yu'un paso me mantal ta stojol li avajcontrataque.

Salmos 74:12

Vo'one ono'ox vo'ot ajvalilot cu'un; ep velta laj acoltauncutic li' ta sba li banamile, Dios cu'un.

Éxodo 10:23

Oxib c'ac'al mu'yuc boch'o xu' tsq'uel jutuc xchi'il ta naclej, me jutuc mu xu' c'usi tspasic o. Yan ti bu nacalic li israeletique lec sac osil.

Éxodo 12:13

‘Li xch'ich'al chije ja' chtun ta sventa senyail yu'un jech chquil ti bu jbejucal anaique. C'alal ch-ech' jmilbe sba xnich'nabic li egiptoetique, me laj quil li ch'ich'e, ta xijelov no'ox batel. Jech mu'yuc boch'o chcham avu'unic vo'oxuc li israeloxuque.

Éxodo 19:5

Ja' yu'un me chach'unic scotol li c'usi caloje, xchi'uc me chavich'ic ta muc' li c'usi chapanbil cu'une, vo'oxuc no'ox atuquic lec chaquiloxuc ta scotol li yantic lumetique yu'un ja' cu'un scotol li banamile.

Éxodo 20:11

Yu'un ta vaquib no'ox c'ac'al la jpas li vinajel banamile, li nabe, xchi'uc scotol li c'usitic oye. Yan ta svucubal c'ac'ale la jcux co'nton. Ja' yu'un li jun c'ac'ale ts'u'iltasbil cu'un; ja' ch'ul c'ac'al comen ta aventaic.

Éxodo 7:17

Ja' yu'un li Muc'ul Diose jech laj yal: Li' tanae chavil ti vu'un Diosune. C'alal ta jmaj ta jnamte' li uc'ume, li vo'e ta xc'ataj ta ch'ich'.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Éxodo 8:10

—Oc'om no'ox —xi li faraone. Itac'ov li Moisese: —Jech ac'o c'otuc ta pasel, yu'un jech chana' o ti mu'yuc boch'o yan jech chac c'u cha'al li Muc'ul Diose ja' li Dios cu'uncutique.

Éxodo 8:21

Me mu xavac' loq'uicuc batele, ta me jtac tal epal xcochetic ta atojol, xchi'uc ta ana, xchi'uc ta stojol li achi'iltac ta abtele, xchi'uc ta scotol li achi'iltaque. Scotol li snaic achi'iltac li' ta egiptoe ta xnoj ta xcochetic xchi'uc ta xnoj scotol li banamile.

Éxodo 8:23

Li jteclum cu'une ta jvoc' comel. Ja' no'ox chich'ic vocol li achi'iltaque. Oc'om no'ox xu' chc'ot ta pasel jech’, uto —x'utat li Moisés.

Éxodo 9:26

Yan ti bu nacal li israeletic ta Gosén banamile, me jutuc mu'yuc xyal jbejuc bot.

Éxodo 9:29

Itac'ov li Moisese: —Ja' no'ox me liloc' batel li' ta lume, ta jtoy jc'ob ta stojol Muc'ul Dios ti c'alal ta jc'opane, jech ta xch'abi li chauc xchi'uc li bote, yu'un jech ac'o ana' ti ja' yu'un Muc'ul Dios li banamile.

Éxodo 9:4

Yan li sts'unub yovol israeletique mu'yuc jech ta jpasbe jech chac c'u cha'al ta jpasbe ats'unub avovolic vo'oxuc li egiptooxuque. Li sts'unub yovol israeletique mu'yuc ta xcham jcotuc’, uto c'otel —x'utat yu'un Muc'ul Dios li Moisese.

Éxodo 9:6

Ta yoc'omal la spas jech li Muc'ul Diose. Jech icham scotol sts'unub yovol li egiptoetique. Yan li sts'unub yovol israeletique me jcotuc mu'yuc icham.

Ezequiel 30:19

Ta xcac'be stoj smul li Egiptoe, yu'un jech tsna'ic o ti vu'un Muc'ul Diosune”, xi li Diose.

Malaquías 3:18

Jech chlic avotquinic ti mu co'oluc chquil li boch'otic lec, xchi'uc li boch'otic chopolique; xchi'uc ti mu co'oluc chquil li boch'otic yich'ojicun ta muc' xchi'uc li boch'otic mu'yuc yich'ojicun ta muq'ue”, xi.