Éxodo 8:19 - Bible in Tzotzil de Chenalhó with Deuterocanon

¹⁹ Li boch'otic xu' yu'un chac' ta ilel svu'elique, jech laj yalbeic li faraone: —Le'e ja' Dios jech la spas —xiic. Pero li faraone itsatsub yo'nton noxtoc, jech mu'yuc laj yich' o ta muc' jech chac c'u cha'al yaloj ono'ox Muc'ul Diose.

Bible in Tzotzil de Chamula

¹⁹ Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Éxodo 8:19 Iomraidhean Croise

Génesis 41:24

Li trigo ti mats'emique, ja' bat sve'ic li vuclic lec c'upilic sbae. Laj xa jcholbe ya'yic scotol li bijil viniquetique, pero me junuc mu'yuc boch'o xu' yu'un chiyalbun c'usi smelol —xi.

Salmos 8:3

C'alal ta jq'uel li vinajel ti ja' yabtel avoc ac'obe, xchi'uc li u, li c'analetic apasoje,

Éxodo 10:23

Oxib c'ac'al mu'yuc boch'o xu' tsq'uel jutuc xchi'il ta naclej, me jutuc mu xu' c'usi tspasic o. Yan ti bu nacalic li israeletique lec sac osil.

Éxodo 10:7

Li xchi'iltac ta abtel faraone jech laj yalic: —¿Ajvalil, baq'uin to chlaj jvocoltic yu'un li vinic le'e? Ja' lec coltao batel li cristianoetique; ac'o bat yich'ic ta muc' li Muc'ul Dios yu'unique. ¿Me yu'un muc chavil ti ep xa isoc li Egiptoe? —xutic.

Éxodo 11:7

Yan te yo' bu nacal li israeletique, mu'yuc svocolic; me jcotuc ts'i' mu'yuc xvojvun tsti' cristiano, o me chonbolom. Jech chana'ic ti mu'yuc coltabilic yu'un Muc'ul Dios li egiptoetic, jech chac c'u cha'al coltabilic li israeletique.

Éxodo 7:13

C'alal jech ic'ot ta pasele, itsatsub o yo'nton li faraone. Jech mu'yuc laj yich' o ta muc' c'usi yaloj li Muc'ul Diose.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Éxodo 9:26

Yan ti bu nacal li israeletic ta Gosén banamile, me jutuc mu'yuc xyal jbejuc bot.

Éxodo 9:4

Yan li sts'unub yovol israeletique mu'yuc jech ta jpasbe jech chac c'u cha'al ta jpasbe ats'unub avovolic vo'oxuc li egiptooxuque. Li sts'unub yovol israeletique mu'yuc ta xcham jcotuc’, uto c'otel —x'utat yu'un Muc'ul Dios li Moisese.

Daniel 2:19

Li Daniele ta yac'ubalil no'ox i'ac'bat yil li c'usi mu sna'ique, jech lic yalbe slequilal li Dios ta vinajele,

San Mateo 12:28

Li vu'une ta sventa espíritu yu'un Dios ta jloq'ues li pucujetique, jech ta xvinaj o ti li' xa tspas mantal ta atojolic li Diose.

San Lucas 11:20

Li vu'une ta stsatsal Dios ta jloq'ues li pucujetique, jech ta xvinaj o ti li' xa oy li ventainel yu'un Dios ta atojolique.

San Juan 11:47

Ja' yu'un li banquilal paleetique xchi'uc li fariseoetique la stsobic tal scotol li j'abteletic ta ch'ulnae. Jech laj yalbeic: —¿C'usi me ta jpastic? Yu'un li vinique ep sq'uelubil ta xac' ta ilel ti xu' yu'une.

Hechos 4:16

Jech laj yalbe sbaic: —¿C'usi ta jpasbetic li viniquetique? Yu'un laj xa spasic sq'uelubil stsatsal Dios, yu'un icol yu'unic li vinique. Laj xa ya'yic scotol li jnaclumetic ta Jerusalene. Mu xu' ta xcaltic ti mu jechuque.

1 Samuel 6:3

Itac'ovic: —Me chasutesic batel li xcaxail smantal Dios yu'un israeletique, mu me xocoluc xataquic batel. Aq'uic batel matanal sventa stojol amulic, jech chacolic, xchi'uc jech chlic ana'ic c'u yu'un ti mu x'ech' li avocolique —xiic.

1 Samuel 6:9

Q'uelic lec bu chbat. Me te chbat ta Bet-semes ta yosilal stuque, ja' svinajeb ti ja' Dios laj yac' taluc li vocol li'i. Yan me muc tuc'uc chbate, ja' svinajeb ti ma'uc Dios laj yac' taluc li vocole, yu'un no'ox jech ital stuc li vocole —xiic.