Éxodo 8:15 - Bible in Tzotzil de Chenalhó with Deuterocanon

¹⁵ Pero c'alal laj yil faraón ti mu'yuc xa svocole, itsatsub yo'nton noxtoc, jech mu'yuc laj yich'be ta muc' sc'op li Moisés xchi'uc Aarón jech chac c'u cha'al yaloj ono'ox li Muc'ul Diose.

Bible in Tzotzil de Chamula

¹⁵ Ac'o mi jech laj yich' pasel taj une, c'alal laj yil ti faraón ti mu'yuc ti svocole, pucujib xtoc. Mu'yuc laj yich' ta muc' ti Moisese xchi'uc ti Aarone. C'ot ta pasel jech c'u cha'al albilic ono'ox yu'un ti Diose.

Éxodo 8:15 Iomraidhean Croise

Éxodo 14:5

C'alal laj ya'ay faraón xchi'uc xchi'iltac ta abtel ti iloq'uic xa batel li israeletique, lic yanijuc yo'ntonic ta stojol li israeletique. Jech laj yalbe sbaic: “¿C'u yu'un laj cac'tic loc'uc batel li israeletique yu'un laj xa scomtsanic li cabteltique?”, xut sbaic.

Éxodo 4:21

Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Éxodo 8:14

Li egiptoetique la stsobic scotol li chamen xch'uch'etique. Ta jujutsop laj yaq'uic, jech ituib ta jyalel li banamile.

Éxodo 8:16

Li Muc'ul Diose jech laj yalbe li Moisese: —Albo Aarón ti ac'o smaj ta snamte' li spucucal banamile, yu'un ac'o c'atajuc ta ch'iquil usetic ta scotol li Egiptoe —xut.

Éxodo 8:28

Li faraone jech laj yal: —Xu' chacac'oxuc batel te ta xocol banamil ta sventa chbat amilbeic smoton li Muc'ul Diose, ja' li Dios avu'unique. Ja' no'ox venta me mu toj nomuc chabatique. Pero c'anbicun me vocol ta jtojol ec li vu'une —xi.

Éxodo 8:29

Itac'ov li Moisese: —Me liloc' batel li'i, ta jc'anbe vocol Muc'ul Dios ti ac'o loc'uc batel oc'om li' ta atojol li xcochetique, xchi'uc ta stojol li achi'iltac ta abtele, xchi'uc ta scotol li achi'iltaque. Ja' no'ox venta me mu ja'uc no'ox chalo'launcutic, me mu ts'acaluc chapajesuncutic ti ac'o bat cac'becutic smoton li Muc'ul Diose —xut.

Éxodo 8:32

Pero li faraone itsatsub yo'nton yan velta noxtoc, jech muc scolta batel li israeletique.

Éxodo 8:8

Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Proverbios 26:11

Li bol cristiano ti te no'ox chcha'pasilan o sbol talele ja' jech chac c'u cha'al jcot ts'i' ti chcha'lo' yan velta xee.

Proverbios 29:1

Li boch'o ta stoy sba c'alal chich' taq'uiele, ta soc o; mu xa stac' poxtael o.

Eclesiastés 8:11

Yu'un me mu'yuc chich' aq'uel ta ora stojol mulil ta sventa li c'usi chopol chich' pasele, scotol cristianoetic lec no'ox cha'yic spasel li c'usi chopole.

Isaías 26:10

Ac'o me toj ep yutsil avo'nton ta stojol li boch'otic chopolique, pero mu sc'an spasic o li c'usi tuq'ue. Puru chopol c'usi tspasic te ta yosilal li ateclumale; mu'yuc sc'oplal ta yo'ntonic li amuc'ul atsatsale.

Oseas 6:4

Jech chal li Muc'ul Diose: “¿C'usi xu' ta jpasbot Efraín? ¿C'usi xu' ta jpasbot Judá? Li c'anel avac'ojbicune ta sacch'ay batel jech chac c'u cha'al lumal toc ta jujun sob; ta x'ul batel jech chac c'u cha'al job osil ta jujun sob.

Hebreos 3:15

Ja' yu'un jech chal li Ch'ul Espiritue: “Me chava'yic chasc'opanoxuc Dios li' ta orae, mu me xatsatsubtas avo'ntonic jech chac c'u cha'al la spasic ta vo'one ti la scontrainic Diose”, xi.

Hebreos 3:8

mu me xatsatsubtas avo'ntonic, jech chac c'u cha'al la spasic te ta xocol banamil ta vo'one ti c'alal la sq'uelbeic yo'nton Diose.

Apocalipsis 16:9

C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.

1 Samuel 6:12

Li me' vacaxetique ibatic ta sbelal Bet-semes. Tuc' ibatic ta tuq'uil be; te xme'etic batel ta xanubal, me jutuc mu'yuc bu x'ochic ta bats'ic'ob, o me ta ts'etc'ob. Li banquilaletic yu'un filistaetique te nabalic batel ta spat c'alal to ta sts'aquic xchi'uc Bet-semes.

1 Samuel 6:3

Itac'ovic: —Me chasutesic batel li xcaxail smantal Dios yu'un israeletique, mu me xocoluc xataquic batel. Aq'uic batel matanal sventa stojol amulic, jech chacolic, xchi'uc jech chlic ana'ic c'u yu'un ti mu x'ech' li avocolique —xiic.

1 Samuel 6:6

¿C'u yu'un chapas ta tsots avo'ntonic jech chac c'u cha'al li egiptoetic xchi'uc li faraón ti ja' to la scoltaic batel li israeletic c'alal tsots ipasbatic yu'un li Dios yu'un israeletique?

1 Samuel 6:9

Q'uelic lec bu chbat. Me te chbat ta Bet-semes ta yosilal stuque, ja' svinajeb ti ja' Dios laj yac' taluc li vocol li'i. Yan me muc tuc'uc chbate, ja' svinajeb ti ma'uc Dios laj yac' taluc li vocole, yu'un no'ox jech ital stuc li vocole —xiic.