Éxodo 8:14 - Bible in Tzotzil de Chenalhó with Deuterocanon

¹⁴ Li egiptoetique la stsobic scotol li chamen xch'uch'etique. Ta jujutsop laj yaq'uic, jech ituib ta jyalel li banamile.

Bible in Tzotzil de Chamula

¹⁴ Jech ti jnaclejetique laj stsobic ti chamem ranaetique. Buyuc no'ox laj sbusanic ta jujubus. Xva'et no'ox stuil ti banomile.

Éxodo 8:14 Iomraidhean Croise

1 Reyes 18:26

Laj yiq'uic li jcot vacaxe; la smeltsanic. Te lic sc'opanic li Baale; la sliquesic ta sob c'alal to o'lol c'ac'al jech laj yalic: “¡Baal, tac'bun li jc'opcutique!”, xutic. Pero mu'yuc boch'o xtac'ov. Te ch-ac'otajic ta spat xocon li scajleb smoton spasojique.

1 Reyes 18:29

C'alal its'ebuj c'ac'ale, te x'avlajetic o; te xbitlajetic o, jech chac c'u cha'al jun chuvaj c'alal to ista yorail ti c'usi ora ono'ox chac'beic smoton li sdiosique. Pero mu'yuc boch'o xtac'ov; mu'yuc boch'o x'aybunuc li sc'opique.

Éxodo 7:21

Li choyetique ichamic, jech ituib ta jyalel li uc'ume. Li egiptoetique mu xa sc'an xuch'ic li vo' ta uc'ume. ¡Puru ch'ich' xa oy ta scotol li Egiptoe!

Éxodo 8:13

Li Muc'ul Diose la spas c'usi la sc'an li Moisese, jech icham li xch'uch'etic ta naetic, ta spat xocon naetic, xchi'uc ta osilaltique.

Éxodo 8:15

Pero c'alal laj yil faraón ti mu'yuc xa svocole, itsatsub yo'nton noxtoc, jech mu'yuc laj yich'be ta muc' sc'op li Moisés xchi'uc Aarón jech chac c'u cha'al yaloj ono'ox li Muc'ul Diose.

Éxodo 8:24

Li Muc'ul Diose jech la spas. Xco'laj xchi'uc ic'al toc ivul li xcochetic ta spasubmantal faraone, xchi'uc ta snaic li xchi'iltac ta abtele, xchi'uc ta scotol yosilal li Egiptoe. Li banamile isoc ta scoj li xcochetique.

Éxodo 9:11

Li boch'otic xu' yu'un chac' ta ilel svu'elique muc xa xu' yu'unic la stsal sbaic xchi'uc li Moisese, yu'un tabilic ta ch'iel ec jech chac c'u cha'al tsacbilic scotol li egiptoetique.

Isaías 19:11

Toj boloxuc, vo'oxuc li banquilaloxuc te ta Zoane, vo'oxuc li bijil jtojobtasvanejoxuc yu'un faraone; li tojobtasel chavaq'uique mu'yuc stu. ¿C'u x'elan xu' jech chavalic ta stojol li faraone: “Vu'uncutic smomnich'nabuncutic li bijil viniquetique; vu'uncutic smomnich'nabuncutic li ajvaliletic ta vo'onee?”, ti xavutique.

Isaías 34:2

Yu'un li Muc'ul Diose ilinem ta stojol li jujun banamile; liquem sc'ac'al yo'nton ta stojol scotol li yajsoldadoique; chapal xa yu'un ti ta xules ta milel scotole.

Ezequiel 39:11

“Me ic'ot li sc'ac'alil le'e, ta xcac'be smuquinal te ta Israel banamil li Goge. Ja' smuquinal chc'ot cu'un li soplejaltic yo' bu sbeic li boch'otic chliquic tal ta sloq'ueb c'ac'al yu'un nabe. Jech ta xmac sbeic o scotol li jxanubaletique, yu'un ja' te ta xich' muquel li Goge xchi'uc scotol li yepal xchi'iltaque. Li soplejaltique Hamón-gog chc'ot sbi.

Joel 2:20

Ta jloq'ues batel ta atojolic li c'ulubetic iliquic tal ta nortee; ta jtac batel ta xocol banamil, ta taqui banamil. Te ta xcac' jic'oicuc ta Nab Muerto li boch'o ta ba'yucbe oyique; te ta xcac' chamuc ta Nab Mediterráneo li boch'o ta ts'acalpat oyique. Te ta xcac' c'a'icuc, te ta xcac' tuibicuc, yu'un toj tsotsic c'usitic la spasic”, xi li Diose.