Éxodo 8:11 - Bible in Tzotzil de Chenalhó with Deuterocanon

¹¹ Li xch'uch'etique ta xloc' batel ta apasubmantal; ja' xa no'ox te ta xcomic ta uc'um. Jech mu'yuc xa ta xuts'intaoxuc xchi'uc li achi'iltac ta abtele xchi'uc scotol li yantic achi'iltaque —xut.

Bible in Tzotzil de Chamula

¹¹ Ti ranaetique chlaj loc'uc batel ti oy ta anae. Ja' no'ox ta xcom ti oy ta uc'ume. Mi ja'uc xa ta xayilbajinot. Mi ja'uc xa ta xilbajin ti avaj'abtelique, ti avinquileltaque.

Éxodo 8:11 Iomraidhean Croise

Éxodo 4:21

Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 7:13

C'alal jech ic'ot ta pasele, itsatsub o yo'nton li faraone. Jech mu'yuc laj yich' o ta muc' c'usi yaloj li Muc'ul Diose.

Éxodo 7:14

Li Muc'ul Diose ts'acal jech laj yalbe li Moisese: —Li faraone tsatsuben yo'nton, jech mu xac' loc'uc batel li achi'iltac ta israelale.

Éxodo 8:12

Li Moisés xchi'uc Aarone iloq'uic batel ta stojol li faraone. Jech li Moisese lic sc'anbe Muc'ul Dios ti ac'o loc'uc batel li xch'uch'etic ti stacoj tal ta stojol li faraone.

Éxodo 8:13

Li Muc'ul Diose la spas c'usi la sc'an li Moisese, jech icham li xch'uch'etic ta naetic, ta spat xocon naetic, xchi'uc ta osilaltique.

Éxodo 8:3

Ta xvoc' epal xch'uch'etic ta uc'um. Jech ta xloq'uic tal; ta x'ochic ta apasubmantal, ti bu chavaye; ta xmuyic ta avayab, xchi'uc ta x'och ta snaic li achi'iltac ta abtele, xchi'uc ta snaic scotol li ateclumale, xchi'uc ta x'ochic ti bu chata'ajesic pane xchi'uc ti bu chavots'ique.

Éxodo 8:9

Li Moisese jech la stac'be li faraone: —Albun ca'ay baq'uin chac'an ta jc'anbe vocol Muc'ul Dios ta atojol xchi'uc li achi'iltac ta abtele xchi'uc scotol li achi'iltaque. Xu' ta jc'anbe ti ac'o loc'uc batel li xch'uch'etic li' ta atojolique xchi'uc ta apasubmantale. Ja' xa no'ox te ac'o comuc scotol ta uc'umetic —xut.