Éxodo 7:4 - Bible in Tzotzil de Chenalhó with Deuterocanon

⁴ Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Bible in Tzotzil de Chamula

⁴ Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Éxodo 7:4 Iomraidhean Croise

Éxodo 10:1

Li Muc'ul Diose jech laj yalbe li Moisese: —Batan yan velta ta stojol li faraone yu'un jtsatsubtasojbe xa yo'ntonic xchi'uc li xchi'iltac ta abtele, yu'un jech ac'o yilic li muc'tic sq'uelubil jtsatsal ta jpase.

Éxodo 11:9

Ts'acal jech i'albat yu'un li Muc'ul Diose: —Li faraone muc xayich'oxuc ta muc', yu'un jech xu' chcac'be to yilic ep sq'uelubil jtsatsal te ta Egipto —xi.

Éxodo 12:51

Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 18:8

Li Moisese la xcholbe ya'ay smuni' scotol c'usi la spas Muc'ul Dios ta stojol li faraone xchi'uc ta stojol scotol li egiptoetic c'alal la scolta li israeletique. Xchi'uc laj yalbe scotol c'u x'elan svocolic tal ta be xchi'uc ti c'u x'elan icoltaatic yu'un Muc'ul Diose.

Éxodo 3:19

Pero jna'oj lec ti mu ono'ox xayac'oxuc loq'uel tal li ajvalil ta Egipto ti me mu xich' tsots sujele.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Éxodo 6:26

Li Aarón xchi'uc Moisese ja' ti jech i'albatique: “Bat loq'uesic tal ta Egipto li achi'iltac ta israelale. Lec jmoj cholol xabatic jech chac c'u cha'al jtsob soldadoetic”, ti x'utatique.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 7:13

C'alal jech ic'ot ta pasele, itsatsub o yo'nton li faraone. Jech mu'yuc laj yich' o ta muc' c'usi yaloj li Muc'ul Diose.

Éxodo 7:16

Jech xc'ot avalbe: ‘Li Muc'ul Diose, ja' li Dios yu'un hebreoetique, la stacun tal yu'un jech tal calbot ava'ay: Loq'ueso batel li jteclum cu'une, yu'un chbat yich'icun ta muc' ta xocol banamil, xayutot. Pero mu xac'an xach'un o.

Éxodo 8:15

Pero c'alal laj yil faraón ti mu'yuc xa svocole, itsatsub yo'nton noxtoc, jech mu'yuc laj yich'be ta muc' sc'op li Moisés xchi'uc Aarón jech chac c'u cha'al yaloj ono'ox li Muc'ul Diose.

Éxodo 8:19

Li boch'otic xu' yu'un chac' ta ilel svu'elique, jech laj yalbeic li faraone: —Le'e ja' Dios jech la spas —xiic. Pero li faraone itsatsub yo'nton noxtoc, jech mu'yuc laj yich' o ta muc' jech chac c'u cha'al yaloj ono'ox Muc'ul Diose.

Éxodo 9:12

Pero li Muc'ul Diose la stsatsubtasbe yo'nton li faraone yu'un mu me xich'be ta muc' sc'opic li Moisés xchi'uc Aarón jech chac c'u cha'al albil ono'ox yu'un Dios li Moisese.

Éxodo 9:3

ta me xcac' tal jtsatsal svu'el ta stojol li ats'unub avovolique. Ta xcac' tal tsatsal chamel ta atojolic, jech ta xcham li aca'ique, li aburoique, li acamelloique, li sme' avacaxique, xchi'uc li achijique.

Proverbios 19:29

Chapanbil xa lec stojolic li jlabanvanejetique; chapal xa lec snuculal spatic li bol cristianoetique.

Isaías 26:9

Ta scotol jol co'nton chajna'ilanot ta jujun ac'ubal; juteb co'nton ta atojol chajsa'ot ta jujun sacubbal. C'alal chachapan sbejel li banamile, ja' to te chchanic c'usi tuc' ta pasel li cristianoetique.

Lamentaciones 3:3

Solel scotol ora, scotol c'ac'al te cajal o ta jba yalal sc'ob li Diose.

Ezequiel 14:21

“Ja' yu'un jech chcal vu'un li Muc'ul Diosun ti Yajvalun scotole: ¿C'u to x'elan c'alal me ta jtac tal ta Jerusalén li chanchop vocol ti toj xi'balic sbae; ja' li milel ta espadae, li vi'nale, li jti'val chonbolometique, xchi'uc li tsatsal chamel sventa ta xcules o scotol li jnaclumetique xchi'uc li chonbolometique?

Ezequiel 25:11

Jech noxtoc ta xcac'be stoj smul li Moabe yu'un jech ac'o sna'ic ti vu'un Muc'ul Diosune”, xi.

Ezequiel 30:14

Ta jyavnaijes o li Patros banamil te ta Egiptoe; ta xcac'be sc'ac'al noxtoc li Zoane; ta xcac'be stoj smul li Tebase.

Ezequiel 30:19

Ta xcac'be stoj smul li Egiptoe, yu'un jech tsna'ic o ti vu'un Muc'ul Diosune”, xi li Diose.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 16:7

Laj ca'ay oy boch'o chc'opoj noxtoc te ta scajleb smoton li Diose, jech laj yal: “Cajval Dios, vo'ot ti ech'em avu'ele, tuc' chachapanvan, melel scotol li c'usitic chavale”, xi.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Jueces 2:15

Buyuc no'ox iloq'uic batel ta paspleito, li Muc'ul Diose scontrainoj o, jech puru chopol c'usi ic'ot ta pasel ta stojolic jech chac c'u cha'al yaloj ono'ox ta jamal li Diose, jech la sta ep svocolic.