Éxodo 7:19 - Bible in Tzotzil de Chenalhó with Deuterocanon

¹⁹ Li Muc'ul Diose jech laj yalbe noxtoc li Moisese: —Albo Aarón ti ac'o stsac li snamte'e. Ac'o stoy sc'ob ta sba uc'umetic, ta bevo'etic, xchi'uc bu ts'anajtic bic'tal nabetic, xchi'uc ta buyuc no'ox ts'anajtic vo' te ta Egipto banamil, xchi'uc ta scotol li yav ya'alique, yu'un jech ac'o c'atajuc ta ch'ich' scotol. Jech puru ch'ich' xa te ts'anajtic tstaic ta yavil ya'alic ti pasbil ta te', o me ta tone —x'utat li Moisese.

Bible in Tzotzil de Chamula

¹⁹ Ja' jech xtoc ti Diose xi laj yalbe ti Moisese: —Albo ya'i ti Aarone ti ac'o stsac ti svaxtone. Ac'o stoy batel sc'ob ta sba ti uc'umetique, ti bic'tal uc'ume, ti nabetique, ti ta joq'uetic yu'unic ti egipcioetique. Yu'un ta xjoybij ta ch'ich' scotol ti c'usiuc no'ox oy ya'lele. Ti buyuc no'ox ts'anajtic ti vo'e, mi ta ton, mi ta te', ta xjoybij ta ch'ich'.

Éxodo 7:19 Iomraidhean Croise

Génesis 1:10

Ti bu taquin icome “banamil” la sbiin. Li vo' bu la stsoban sbae “nab” la sbiin. Li Diose toj lec laj yil scotol.

2 Reyes 4:29

Li Eliseoe jech laj yalbe li Giezie: —Chapano aba. Batan ta sna li antse; ich'o batel li jnamte'e. Me oy boch'o laj anup ta bee, mu xac'opan comel. Me oy boch'o ch-ech' sc'opanote, mu xatac'be. Xc'ot ametsanbe ta sat querem li jnamte'e —xut.

Éxodo 10:12

Li Muc'ul Diose jech laj yalbe li Moisese: —Toyo ac'ob ta sba li Egipto banamile yu'un ac'o taluc epal c'ulubetic. Ac'o slajesic scotol li te'etic li' ta banamile xchi'uc scotol li c'usitic icomelaj ta bote —xut.

Éxodo 10:21

Li Muc'ul Diose jech laj yalbe li Moisese: —Toyo muyel ac'ob ta vinajel yu'un ac'o ic'ubuc osil ta scotol li Egiptoe, jech solel mu xa c'usi xvinaj chcom o ta j'ech'el —xut.

Éxodo 14:16

Li vo'ote toyo li anamte'e, becho ac'ob ta sba li nabe, voc'o ta cha'voc'. Ja' te ac'o jelovicuc batel achi'iltac ta o'lol nab ti bu taquin chcome.

Éxodo 14:21

Li Moisese la stoy sc'ob ta sba li nabe, jech li Muc'ul Diose laj yac' taluc tsots ic' ta sloq'ueb c'ac'al. Sbejel ac'ubal ven tsots li iq'ue. Jech la svoc' sba ta o'lol li nabe. Taquin icom li banamil ta yut nabe.

Éxodo 14:26

Li Muc'ul Diose jech laj yalbe li Moisese: —Toyo ac'ob ta sba li nabe; ac'o snu'p sba yan velta, yu'un ac'o muquicuc ta vo' li egiptoetique, xchi'uc li scaretaic, xchi'uc li sca'ique —xi.

Éxodo 4:9

Pero me mu xch'unic, me mu xich'ic o ta muc' c'alal chapas li chib sq'uelubile, bat lupo tal vo' ta uc'um. Malo ta banamil. C'alal chamal ta banamil li vo' ti chalup tal ta uc'ume, ta xc'ataj ta ch'ich' —xi.

Éxodo 8:16

Li Muc'ul Diose jech laj yalbe li Moisese: —Albo Aarón ti ac'o smaj ta snamte' li spucucal banamile, yu'un ac'o c'atajuc ta ch'iquil usetic ta scotol li Egiptoe —xut.

Éxodo 9:33

Li Moisese iloc' batel ta stojol li faraone. C'alal loq'uem xa'ox batel ta lume, la stoy muyel sc'ob; la sc'anbe vocol li Muc'ul Diose. Jech ta ora no'ox ich'abi li bote xchi'uc li vo'e, mu'yuc xa xbac' noxtoc li chauque.

Isaías 19:10

Li jpaspoq'uetique ta xchibaj yo'ntonic; li jsa'abteletique chcapij sjolic o.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Habacuc 3:8

Muc'ul Dios, ¿me la'ilin ta stojol li uc'umetique? ¿Me ilic sc'ac'al avo'nton yu'un li nabetic yo' ti lacaji ta ca'etic xchi'uc ta caretaetic avu'un sventa pasc'ope?