Éxodo 7:17 - Bible in Tzotzil de Chenalhó with Deuterocanon

¹⁷ Ja' yu'un li Muc'ul Diose jech laj yal: Li' tanae chavil ti vu'un Diosune. C'alal ta jmaj ta jnamte' li uc'ume, li vo'e ta xc'ataj ta ch'ich'.

Bible in Tzotzil de Chamula

¹⁷ Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Éxodo 7:17 Iomraidhean Croise

1 Reyes 20:28

Li jun j'alc'op yu'un Diose te ic'ot ta stojol li ajvalil ta Israele, jech laj yalbe: —Jech yaloj li Muc'ul Diose: ‘Ta sventa laj yalic siriaetic ti vu'un Diosun ta vitsetique, ti muc vu'cun Diosun yu'un stenlejaltique, ja' yu'un ta xcac' ta ac'ob scotol li epal soldadoetique yu'un jech ac'o ana' ti vu'un Muc'ul Diosune’, xi li Muc'ul Diose —x'utat.

2 Reyes 19:19

Ja' yu'un Muc'ul Dios, vo'ot li Diosot cu'uncutique, avocoluc coltauncutic ta atsatsal, yu'un jech ac'o sna'ic scotol ajvaliletic ta banamil ti vo'ot no'ox atuc Muc'ul Diosote”, xi la sc'opan Dios.

Salmos 105:29

Jech la sc'atajesbeic ta ch'ich' noxtoc li ya'alique; la smil scotol li choyetique.

Salmos 78:44

ti la sc'atajes ta ch'ich' li uc'umetique, ti muc xa xuch'ic o li egiptoetique,

Salmos 83:18

Yu'un jech ac'o yotquinic ti vo'ot no'ox atuc Muc'ul Diosote, ti vo'ot no'ox atuc te oyot ta vinajele, ti oy ta ac'ob scotol li banamile.

Salmos 9:16

Yu'un ivinaj c'u x'elan sc'oplalic ti c'alal laj yich'ic chapanel yu'un Muc'ul Diose; ta yabtel no'ox stuquic chucul chcomic o li boch'otic chopolique.

Éxodo 1:22

Li faraone jech laj yalbe mantal scotol li egiptoetique: “Bat jipic ta uc'um scotol li bic'tal queremetic yu'un israeletique; yan li bic'tal tsebetique te cuxul comtsanic”, xut.

Éxodo 10:2

Jech li vo'oxuque xu' chavalbe ya'yic anich'nabic xchi'uc amomnich'nabic c'u x'elan laj cac'be svocolic li egiptoetique xchi'uc c'u x'elan li muc'tic sq'uelubil jtsatsal la jpas ta stojolique. Yu'un jech ac'o sna'ic ti ta melel vu'un Muc'ul Diosune —xut.

Éxodo 4:9

Pero me mu xch'unic, me mu xich'ic o ta muc' c'alal chapas li chib sq'uelubile, bat lupo tal vo' ta uc'um. Malo ta banamil. C'alal chamal ta banamil li vo' ti chalup tal ta uc'ume, ta xc'ataj ta ch'ich' —xi.

Éxodo 5:2

Pero li faraone jech itac'ov: —¿Boch'o li ‘Muc'ul Diose’? ¿C'u yu'un ta jch'unbe ti tsc'an ta jloq'ues batel li israeletique? Mu xcotquin li Muc'ul Diose, xchi'uc mu'yuc ta jloq'ues batel li israeletique —xi.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Éxodo 7:20

Li Moisés xchi'uc Aarone la spasic jech chac c'u cha'al i'albatic yu'un li Muc'ul Diose. Te ta sat faraón xchi'uc xchi'iltac ta abtel la stsac snamte' li Aarone. La smaj o li uc'um Niloe, jech ic'ataj ta ch'ich' scotol li vo'etique.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Ezequiel 25:17

Lec tsots chcac'be sutel spacol, xchi'uc ta sc'ac'al co'nton ta jpacbeic sutel. C'alal ta jpacbeic sutel li c'usi la spasique, jech tsna'ic o ti vu'un Muc'ul Diosune”, xi li Diose.

Ezequiel 29:9

J'ech'el chac'ataj o ta xocol banamil; xach'ijan chacom o, jech chana' o ti vu'un Muc'ul Diosune. Laj aval ti vo'ot avu'un li uc'um Niloe xchi'uc ti vo'ot laj apase,

Ezequiel 30:19

Ta xcac'be stoj smul li Egiptoe, yu'un jech tsna'ic o ti vu'un Muc'ul Diosune”, xi li Diose.

Ezequiel 30:8

C'alal chcac'be sc'ac'al li Egiptoe, xchi'uc c'alal chlaj scotol li lumetic tspojique, jech tsna'ic o ti vu'un Muc'ul Diosune.

Ezequiel 32:15

C'alal chlic jyavnaijes li Egiptoe, xocol chcom o cu'un jech chac c'u cha'al xocol banamil. Ta jmilbe scotol li yajvale, jech tsna'ic o ti vu'un Muc'ul Diosune’, uto.

Ezequiel 32:6

Li banamil bu oyote ta xcat'es ta ach'ich'al, chc'ot c'alal to ta vitsetic. Ta xnojan li bevo'etique.

Ezequiel 38:23

Jech chcac'be yilic c'u x'elan jmuc'ul, c'u x'elan jlequil jtuq'uil li epal cristianoetic ta yantic banamile. Jech tsna'ic o ti vu'un Muc'ul Diosune”, xi li Diose.

Ezequiel 39:28

C'alal me laj xa'ox jloq'uesic tal ta yantic banamil ti bu chucbil ibatic cu'une, me laj xa'ox quiq'uic tal ta yosilalique, me mu xa junuc la jcomtsanic ta yantic banamile, jech chlic sna'ic o ti vu'un Muc'ul Diosun yu'unique.

Daniel 4:17

Ja' jech stojol mulil chalic li jq'uelvanej j'almantaletique. Ja' jech iloc' ta yeic li ch'ul j'almantaletique, yu'un jech ac'o sna'ic scotol cristianoetic ti ja' sventainojbe yabtel scotol ajvaliletic li Boch'o te oy ta vinajele. Ja' chac'be yabtel li boch'o tsc'an chac'bee; xu' yu'un chac'be tsots yabtel li boch'o biq'uit ch-ilat yu'un cristianoetique’, xi li boch'o iyal tal ta vinajele.

Daniel 4:32

Chavich' jipel loq'uel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic. Vucub jabil te chacom o, ja' to me laj avil ti ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee”, xi.

Daniel 4:37

“Ja' yu'un vu'un li Nabucodonosorune, ta xcalbe slequilal, ta xquich' ta muc', ta xcac' ta ich'el ta muc' li Ajvalil ta vinajele, yu'un li yabtele puru melelic; tuc' scotol li c'usitic tspase, xchi'uc xu' yu'un ta sbic'tajes li boch'otic tstoy sbaique”, xi li ajvalile.

Daniel 5:21

Laj yich' nutsel loq'uel ta stojol li cristianoetique; ja' laj yich'be sjol yo'nton chonbolometic. Ja' xchi'il ta naclej ic'ot li te'tical buroetique; ts'i'laletic lic slo' jech chac c'u cha'al vacaxetic, te i'ach' o ta job osil. Ja' to ti c'alal laj yotquin ti ja' sventainojbe yabtel ajvaliletic li Dios te oy ta vinajele, xchi'uc ti ja' stuc chac'be yabtel li boch'o tsc'an yo'nton chac'bee.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.

Apocalipsis 11:6

Li chibique ac'bil svu'elic sventa tsmaquic li vinajele, yu'un jech mu xac' vo' ti c'alal ja'o chcholic c'usi albilic yu'un Diose. Xchi'uc oy svu'elic sventa tsc'atajesic ta ch'ich' li vo'etique, xchi'uc xu' yu'unic ta xac' tsaqueicuc ta tsatsal chamel li cristianoetic ta banamile, ja' ti jayib velta tsc'an tspasic jeche.

Apocalipsis 8:8

C'alal la sjupan yoq'ues li xchibal j'almantale, laj quil ijipat ochel ta nab xco'laj xchi'uc jun muc'ta vits, xpulpun sc'ac'al. Jutuc xa mu o'loluc ic'ataj ta ch'ich' li nabe.