Éxodo 7:11 - Bible in Tzotzil de Chenalhó with Deuterocanon

¹¹ Li faraone la stac ta iq'uel li bijil viniquetic, xchi'uc li j'ac'chameletic yu'une, ja' li boch'otic xu' yu'un chac' ta ilel svu'elique. Jech ivu' yu'unic la spasic jech ec:

Bible in Tzotzil de Chamula

¹¹ Jech ti faraón eque laj stac ta iq'uel ti bijil viniquetic ti oy c'usi sna'ic yesomtaele, xchi'uc ti buch'u xilic ti toyol cajale. Esomtaj yu'unic ec ta sc'op spucujic.

Éxodo 7:11 Iomraidhean Croise

Génesis 41:8

C'alal isacub osil ta yoc'omale, toj ep chlo'ilaj yo'nton laj ya'ay. Jech laj yal mantal ti ac'o talicuc scotol li bijil viniquetique xchi'uc li jt'unuletic te ta Egiptoe. Li faraone la xchol li c'usi laj yil ta xvayeche, pero me junuc mu'yuc boch'o la sna' c'usi smelol.

Éxodo 7:12

Li jujunique la sjip yalel ta banamil li snamte'ique, jech ic'ataj ta jti'val chon yu'unic. Pero li snamte' Aarone ja' la sti'be snamte' li bijil viniquetic, xchi'uc li j'ac'chameletique.

Éxodo 7:22

Pero li boch'otic xu' yu'un chac' ta ilel svu'elic te ta Egiptoe ja' jech la spasic ec. Jech yo'to itsatsub lec yo'nton li faraone; muc xich'be o ta muc' sc'opic li Moisés xchi'uc Aarone, ja' li c'usi albilic yu'un Muc'ul Diose.

Éxodo 8:18

Li boch'otic xchanojic magiae la spasic ti ac'o taluc ep usetic yu'unic ec ta sventa li c'usi tspasique, pero muc xu' yu'unic. Te ilajic ta ti'el ta ch'iquil usetic li cristianoetique xchi'uc li chonbolometique.

Éxodo 8:3

Ta xvoc' epal xch'uch'etic ta uc'um. Jech ta xloq'uic tal; ta x'ochic ta apasubmantal, ti bu chavaye; ta xmuyic ta avayab, xchi'uc ta x'och ta snaic li achi'iltac ta abtele, xchi'uc ta snaic scotol li ateclumale, xchi'uc ta x'ochic ti bu chata'ajesic pane xchi'uc ti bu chavots'ique.

Éxodo 8:7

Pero li boch'otic xchanojic mágia ti xu' yu'un chaq'uic ta ilel svu'elique ja' jech la spasic ec, jech iloc' tal xch'uch'etic yu'unic ec te ta yosilal li Egiptoe.

Daniel 2:2

Jech la stac ta iq'uel li boch'otic sna'ic sq'uelel senyail ta vinajele, li jt'unuletique, xchi'uc li boch'otic xotquinbeic senyail c'usi chc'ot ta pasele xchi'uc scotol li boch'o bijique, yu'un ac'o yalbeic li c'usi laj yil ta xvayeche. Jech ibatic ta stojol li ajvalile.

Daniel 2:27

Itac'ov li Daniele: —Ajvalil, li c'usi chajac' ti mu'yuc boch'o sna'e, mu'yuc boch'o xu' yu'un chac' ana', me junuc boch'o sna' sq'uel senyail ta vinajel c'usitic chc'ot ta pasel, me junuc jt'unul, me junuc li boch'o sna'be senyail c'usi chc'ot ta pasele, mu'yuc boch'o xu' chayalbicot.

Daniel 4:6

Jech lic jtac ta iq'uel scotol li bijil viniquetic ta Babiloniae, yu'un ac'o yalbicun c'usi smelol li jvayeche.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Daniel 5:7

Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.

San Mateo 24:24

Yu'un ta to xtal li boch'otic ta scuy sbaic ta Cristoe, xchi'uc li boch'o tscuy sbaic ta j'alc'opetique. Ta spasic muc'tic sq'uelubiltac, yu'un jech ta slo'laic o li cristianoetique. Ti xu'uc yu'unique, tsc'an tslo'laic ec li boch'otic t'ujbilic yu'un Diose.

Gálatas 3:1

Galaciaetic, ¡solel mu'yuc abijilic! ¿Boch'o la soquesboxuc avo'ntonic ti mu xa ja'uc chach'unic li c'usi melele? Yu'un lec jamal la jcholbotcutic ava'yic sc'oplal li Jesucristoe; xco'laj xchi'uc laj avil ta asatic joc'ol ta cruz icham ta jcojtic li Cristoe.

Efesios 4:14

Jech muc xa co'oluticuc jech chac c'u cha'al ololetic ti talbat no'ox yo'ntonique, ti c'usiuc no'ox svontolch'unic jech chac c'u cha'al c'usi cuchbil no'ox ta iq'ue. Jech mu xcac' jbatic ta lo'lael yu'un li boch'otic lec sna'ic c'u x'elan chlo'lavanique, ti ch'ayemic ta bee.

2 Tesalonicenses 2:9

Li ven chopol vinic ta xtale ventainbil yu'un scotol svu'el li banquilal pucuje. Jech puru tsotsic c'usi tspas. Ta spas ep sq'uelubiltac stsatsal, pero ja' no'ox sventa chlo'lavan.

2 Timoteo 3:8

Ja' jech chac c'u cha'al li Janes xchi'uc Jambres ti la scontrainic li Moisese, ja' jechic ec li viniquetic le'e. Ja' ta scontrainic li c'usi melele, yu'un boliben xa o sjol yo'ntonic; me jutuc mu'yuc xch'unojic o.

2 Timoteo 3:9

Pero mu xu' yu'unic jal jech ta spasic. Yu'un li sbolilique ta xlic yotquinic scotol cristianoetic, jech chac c'u cha'al ic'ot ta pasel yu'un li chib viniquetic le'e.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

1 Samuel 6:2

Li filistaetique la staquic ta iq'uel li paleetic xchi'uc jt'unuletic yu'unique, jech la sjac'beic: —¿C'usi ta jpascutic ta sventa li xcaxail smantal Muc'ul Diose? Albuncutic c'u x'elan xu' ta jtaccutic sutel —xutic.