Éxodo 6:7 - Bible in Tzotzil de Chenalhó with Deuterocanon

⁷ Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Bible in Tzotzil de Chamula

⁷ Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Éxodo 6:7 Iomraidhean Croise

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

1 Reyes 20:28

Li jun j'alc'op yu'un Diose te ic'ot ta stojol li ajvalil ta Israele, jech laj yalbe: —Jech yaloj li Muc'ul Diose: ‘Ta sventa laj yalic siriaetic ti vu'un Diosun ta vitsetique, ti muc vu'cun Diosun yu'un stenlejaltique, ja' yu'un ta xcac' ta ac'ob scotol li epal soldadoetique yu'un jech ac'o ana' ti vu'un Muc'ul Diosune’, xi li Muc'ul Diose —x'utat.

1 Reyes 8:60

Yu'un jech ac'o sna'ic scotol cristianoetic ta banamil ti ja' no'ox stuc Dios li Muc'ul Diose ti mu'yuc yane.

Nehemías 1:10

“Le'e ja' li anich'nabtaque, ja' li ateclumal ti laj apoj loq'uel tal ta amuc'ul atsatsale.

Salmos 100:3

C'otuc ta avo'ntonic ti ja' Dios ta melel li Muc'ul Diose. Ja' la spasutic, muc jechuc no'ox lij'ayin jtuctic; vu'utic steclumalutic, sts'unub xchij c'otemutic.

Salmos 81:6

“Vu'un la jloq'ues li avicats acajanoj ta anecubique; la jxocobtas li ac'obic ti toj tsots yabtele.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 14:18

C'alal me laj xa cac'be yil jtsatsal li faraone, xchi'uc li scaretaic, xchi'uc li sca'ique, scotol egiptoetic chlic sna'ic ti vu'un Muc'ul Diosune —xut.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 15:16

Muc'ul Dios, ac'o xi'icuc; ac'o c'unibuc yo'ntonic. Ta amuc'ul, ta atsatsaluc ac'o macuc yeic jech chac c'u cha'al tonetic, ja' to ti me ijelovic batel li jteclum avu'une, ja' li ateclumal ti laj acolta loq'uel tale.

Éxodo 15:2

Ti chiq'uejine ja' ta sventa li Muc'ul Diose, yu'un ja' jtsatsal xchi'uc jcoltael c'otem. Ja' Dios cu'un, jech ta jq'uejintabe slequilal. Ja' Dios yu'un li jtote, jech tsc'an chcac' ta ich'el ta muc'.

Éxodo 16:12

—Laj xa ca'ay ti liquemic ta bic'talvulajetel li achi'iltaque. Jech xavalbe ya'yic: ‘Ta bat c'ac'al tanae chati'ic ti'bol. Sob oc'ome chave'ic manavaj, ja' ti c'u yepal xnoj ach'utic oe. Jech chana'ic o ti vu'un Muc'ul Diosun avu'unique’, uto —x'utat li Moisese.

Éxodo 16:6

Li Moisés xchi'uc Aarone jech laj yalbeic scotol li israeletique: —Ta mal c'ac'ale xana'ic ti ja' jech ora la sloq'uesoxuc tal ta Egipto li Muc'ul Diose.

Éxodo 2:11

C'alal sva'lej xa'ox li Moisese, oy jun c'ac'al ibat svu'lan li xchi'iltac ta israelale. Te laj yil ti toj tsots li yabtel ac'bilique. Ts'acal laj yil noxtoc jun egipto chac'be majel jun israel vinic.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 7:17

Ja' yu'un li Muc'ul Diose jech laj yal: Li' tanae chavil ti vu'un Diosune. C'alal ta jmaj ta jnamte' li uc'ume, li vo'e ta xc'ataj ta ch'ich'.

Isaías 41:20

Yu'un jech ac'o yilic, ac'o sna'ic sbejel banamil, jech ac'o c'otuc ta yo'ntonic, ac'o ya'ibeic smelol ti vu'un ta jpas ta jtsatsal ta jvu'el scotol, vu'un li Muc'ul Diosune. Ac'o sna'ic ti vu'un laj cac' ayinuc scotol ta jech no'ox, vu'un li Ch'ul Diosun yu'un Israele”, xi li Diose.

Isaías 49:23

Li ajvaliletic yu'unique xco'laj xchi'uc atotic chc'ot; li stsebetic ajvaliletique ja' jts'itesej olol chc'ot avu'unic. Chlic squejan spatan sbaic ta atojol; chlic sts'uts'ic avacan. Jech chlic avotquin o ti vu'un Diosun ta melele, yu'un mu'yuc lo'labil li boch'otic chch'unic ti vu'un ta jcoltaique”, xi li Muc'ul Diose.

Isaías 49:26

Ta xcac' ac'o lic sti' sbec'tal stuquic li boch'o chayuts'intaoxuque; ta xcac' ac'o yuch'ic li xch'ich'alique. Ac'o yacubicuc xchi'uquic jech chac c'u cha'al pasem ya'lel ts'usub. Yu'un jech ac'o yotquinic scotol cristianoetic ti vu'un Muc'ul Diosune, ti vu'un Jcoltavanejun avu'une, ti vu'un Jpojvanejun avu'un, vu'un li stsatsalun Jacobe”, xi li Diose.

Isaías 51:15

“Vu'un Muc'ul Diosun avu'un; Muc'ul Dios ech'em stsatsal, xi li jbie. Vu'un la jyuc' li nabe; laj cac' vo'etuc li yip ti xyuc'lajet no'oxe.

Isaías 60:16

Vo'ot chave'be lequil ve'liletic yu'unic li yantic banamile; vo'ot chavich'be sc'ulejalic li ajvaliletic yu'unique, jech chavotquin ti vu'un Muc'ul Diosune, ti vu'un Jcoltavanejun avu'une, xchi'uc ti vu'un Jpojvanejun avu'une, vu'un li Stsatsalun Jacobe.

Isaías 63:8

Jech laj yal: “Le'e ja' jteclumal; ja' jnich'nab ti muc alticuc chislo'laicune”, xi. Ja' yu'un ja' Jcoltavanej ic'ot yu'unic.

Jeremías 30:22

Vu'un Diosun yu'unic chic'ot; ja' jnich'nab chc'otic ec”, xi li Muc'ul Diose.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Ezequiel 20:19

Vu'un Muc'ul Diosun avu'unic, ja' me xapasic c'usi chal li mantaletic cu'une; ja' me ch'unic li tojobtaseletic cu'une; ja' me pasilanic o batel.

Oseas 1:10

Pero ta to sta sc'ac'alil, li israeletique ja' jech yepal chbatic jech chac c'u cha'al yi' ta ti'nab ti mu stac' atel, ti mu stac' bisele. Li xq'uexol ti jech to'ox laj yich'ic albele: “Li vo'oxuque muc xa jteclumalucoxuc”, ti x'utatique, jech chlic albaticuc: “Vo'oxuc xnich'naboxuc cuxul Dios”, x'utatic.

Levítico 11:44

yu'un vu'un Muc'ul Diosun avu'unic, jech tsc'an chavac' abaic ta tuq'uibtasel, xchi'uc tsc'an tuc' avo'ntonic yu'un li vu'une tuc' co'nton. Jech tsc'an ti mu xasoques abaic ta sventa li chonetic ti xjochet, ti xquilet ta banamil chanovique.

Levítico 11:45

Yu'un vu'un Muc'ul Diosun ti la jloq'uesoxuc tal ta Egiptoe, jech vu'un Diosun avu'unic chc'ot o. Ja' yu'un li vo'oxuque tsc'an ti tuc' avo'ntonique yu'un li vu'une tuc' co'nton”, xi li Muc'ul Diose.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

Números 15:41

Vu'un Muc'ul Diosun, vu'un Diosun avu'unic ti la jloq'uesoxuc ta Egipto banamile, yu'un jech vu'un Diosun chic'ot avu'unic. Vu'un Muc'ul Diosun”, xi li Muc'ul Diose.

San Mateo 22:32

‘Vu'un Diosun yu'un Abraham, Diosun yu'un Isaac, Diosun yu'un Jacob’, xi li Diose. Li Diose mu ja'uc Dios yu'un li boch'otic chamenic oe; ja' Dios yu'un li boch'otic cuxulique —xi li Jesuse.

Romanos 8:31

¿C'usi yan xu' chcaltic ta sventa scotol le'e? Me jech oy yo'nton ta jtojoltic stuc li Diose, ¿boch'o xu' chiscontrainutic?

Deuteronomio 14:2

Yu'un li vo'oxuque steclumaloxuc o li Muc'ul Dios cu'untique. Voc'biloxuc yu'un. Ja' la st'ujoxuc loq'uel ta scotol li lumetic li' ta banamile yu'un ac'o yu'uninoxuc o.

Deuteronomio 26:18

Ja' no'ox jech ec li Muc'ul Diose laj xa yal ta jamal li' ta atojolic, vo'oxuc li israeloxuque, ti vo'oxuc mero steclumaloxuc oe, ti lec chayiloxuc o jech chac c'u cha'al yaloj ono'ox ta vo'onee, jech tsc'an ac'o ach'unbeic scotol li smantaltaque.

Deuteronomio 29:12

Yu'un jech ac'o avalic ta jamal ta stojol Muc'ul Dios me chapasic li c'usi chchapan ta atojolic li' ta orae.

Deuteronomio 29:13

Tana li'i j'ech'el chapal chcom o ti vo'oxuc yu'unoxuque, xchi'uc ti ja' Dios cu'untic ec jech chac c'u cha'al yalojbe ono'ox li jmoltotic ta vo'onee, ja' li Abrahame, li Isaaque, xchi'uc li Jacobe.

Deuteronomio 29:5

Li cha'vinic (40) jabil laxanovique, vu'un la jbeiltasoxuc tal c'alal to ta xocol banamil, muc xlaj ac'u'ic xchi'uc axonobic.

Deuteronomio 4:20

Li Muc'ul Diose ja' la sloq'uesoxuc tal ti c'alal te to'ox tiq'uiloxuc ta yut li horno sventa yunijesbil stsatsal taq'uine, ja' li Egiptoe. Ja' li' laj yac'oxuc yo' bu oyoxuc li' ta orae, yu'un jech yu'unoxuc lac'otic o.

Deuteronomio 7:6

Yu'un li vo'oxuque ja' jun lum ti voc'biloxuc sventa ac'o avich'ic ta muc' stuc li Muc'ul Diose. Li Muc'ul Diose st'ujojoxuc loq'uel ta stojol li yantic lumetic li' ta banamile yu'un jech ac'o c'otanic ta mero steclumal.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

1 Pedro 2:10

Ta vo'onee muc to'ox steclumalucoxuc li Diose, pero li' ta orae steclumaloxuc xa. Ta vo'onee mu'yuc to'ox c'uxubinbiloxuc yu'un li Diose, pero li' ta orae laj xa xc'uxubinoxuc.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.