Éxodo 6:6 - Bible in Tzotzil de Chenalhó with Deuterocanon

⁶ Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Bible in Tzotzil de Chamula

⁶ Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 6:6 Iomraidhean Croise

1 Reyes 8:42

ti puquem ac'oplal, vinajem ti ech'em amuc'ul atsatsale, me chtal sc'anbicot vocol li' ta ch'ulna avu'une,

2 Reyes 17:36

Jtuc no'ox me xavich'icun ta muc', xaquejan abaic ta jtojol, xamilbicun jmoton, yu'un vu'un Muc'ul Diosun avu'unic ti la jloq'uesoxuc tal ta Egipto ta jmuc'ul jtsatsale.

1 Crónicas 17:21

Ja' no'ox stuc jech jun muc'ta lum li' ta banamil li jteclum avu'une, ja' li israeletique. Vo'ot laj apoj, jech ja' ateclumal ic'otic o. Laj apuc batel ac'oplal ta sventa ti toj muc'tic, ti toj tsotsic c'usi laj apase. Li ateclumal ti laj apoj loq'uel tal ta Egipto banamile laj anutsbe loq'uel ta stojolic li yajvaltac muc'tic lumetique.

Nehemías 1:10

“Le'e ja' li anich'nabtaque, ja' li ateclumal ti laj apoj loq'uel tal ta amuc'ul atsatsale.

Salmos 77:16

Dios cu'un, c'alal laj yilot li nabe, ixi'; inic ta xi'el c'alal to ta xchac li natil nabe.

Salmos 81:11

“Pero li jteclumale muc xiya'ibicun li jc'ope; li israeletique muc xiyich'icun ta muc'.

Salmos 81:6

“Vu'un la jloq'ues li avicats acajanoj ta anecubique; la jxocobtas li ac'obic ti toj tsots yabtele.

Salmos 81:7

Laj ac'anbun vocol ti c'alal toj ep avocole, jech vu'un la jcoltaot. La jtac'bot tal ac'op ta chauquetic te ta toquetic; la jq'uelbot c'u x'elan avo'nton ta jtojol te ta vo'etic ta Meriba.

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 12:51

Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:16

Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 15:13

Ta slequil avo'nton chatojobtas batel li ateclumal laj apoj loq'uel tale. Ta avu'el atsatsal chavic' batel ta ch'ulna avu'un.

Éxodo 16:6

Li Moisés xchi'uc Aarone jech laj yalbeic scotol li israeletique: —Ta mal c'ac'ale xana'ic ti ja' jech ora la sloq'uesoxuc tal ta Egipto li Muc'ul Diose.

Éxodo 18:1

Li Jetroe, ja' li pale ta Madián banamile, ja' li smuni' Moisese, laj ya'ay scotol c'usi la spas Muc'ul Dios ta sventa li Moisese, xchi'uc c'u x'elan la scolta li israeletique, xchi'uc ti ja' la sloq'ues tal ta Egipto banamile.

Éxodo 2:11

C'alal sva'lej xa'ox li Moisese, oy jun c'ac'al ibat svu'lan li xchi'iltac ta israelale. Te laj yil ti toj tsots li yabtel ac'bilique. Ts'acal laj yil noxtoc jun egipto chac'be majel jun israel vinic.

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Éxodo 32:11

Li Moisese te lic sc'anbe vocol li Diose, jech laj yalbe: —Muc'ul Dios, ¿c'u yu'un cha'ilin ta stojol li jteclum avu'un ti laj aloq'ues tal ta Egipto ta amuc'ul atsatsale?

Éxodo 6:2

Li Diose la sc'opan yan velta li Moisese, jech laj yalbe: —Vu'un li MUC'UL DIOSUNE,

Éxodo 6:29

jech i'albat: —Vu'un Muc'ul Diosun. Scotol li c'usi chacalbote, bat albo ya'ay faraón, ja' li ajvalil te ta Egiptoe —x'utat.

Éxodo 6:8

Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Isaías 9:12

Chliquic tal ta sloq'ueb c'ac'al, ja' li siriaetique; chliquic tal ta smaleb c'ac'al, ja' li filistaetique. Jxoxel no'ox ta eil chac'beic li Israele. Pero mu ono'ox xpaj o sc'ac'al yo'nton li Muc'ul Diose; te to staoj yav sye'oj o sc'ob.

Isaías 9:17

Ja' yu'un li Muc'ul Diose muc xc'uxubin li queremetic yu'unique; mu'yuc abul sba laj yil li me'on ololetic xchi'uc li me'on antsetique. Yu'un scotolic toj chopolic, bolibenic ta jyalel; scotolic puru chopol c'usi chloc' ta yeic. Pero li Muc'ul Diose muc ono'ox x'ech' o li sc'ac'al yo'ntone; te to staoj yav sye'oj o sc'ob.

Isaías 9:21

Li Manasese tscontrain li Efraine; li Efraine chac'be ec li Manasese. Jech noxtoc xcha'chopalic chbat scontrainic li Judae, pero mu ono'ox xpaj o sc'ac'al yo'nton li Muc'ul Diose; te staoj yav sye'oj o sc'ob.

Jeremías 21:5

Vu'un jtuc ta jtsacoxuc ta pleito ta jvu'el, jtsatsal, ta tsots sc'ac'al co'nton.

Jeremías 27:5

Vu'un la jpas li banamile xchi'uc li cristianoetique xchi'uc li chonbolometic oy ta sba banamile. Ta jvu'el ta jtsatsal, ta coc jc'ob imeltsaj cu'un, jech xu' cu'un ta xcac'be ta sc'ob li boch'o tsc'an co'nton chcac'bee.

Jeremías 32:21

Ta amuc'ul ta atsatsal, ta svu'el avoc' ac'ob, ta muc'tic xi'el laj aloq'ues tal ta Egipto li ateclumale, ja' li israeletique.

Ezequiel 20:33

Jamal chacalboxuc, vu'un li Muc'ul Diosun ti cuxulun oe, ta xlic jventainoxuc lec ta jvu'el, ta jtsatsal, xchi'uc ta sc'ac'al co'nton.

Hechos 13:17

Li Dios cu'untic, vu'utic li israelutique, ja' la st'uj li jmoltot jyame'tic ta vo'onee. C'alal te oyic ta Egipto banamile, laj yac' c'oticuc ta jun muc'ta lum. Ts'acal to iloq'uesatic tal ta stsatsal Dios, yu'un muc ja'uc ono'ox slumalic.

Deuteronomio 11:2

Vuleso me ta avo'ntonic c'u x'elan li tojobtasel chac' Muc'ul Dios cu'untique. Li avalab anich'nabique mu'yuc yilojic li stuquique jech mu sna'ic. Yan li vo'oxuque xana'ic lec c'u x'elan li svu'el stsatsale,

Deuteronomio 15:15

Mu me xch'ay ta avo'ntonic ti ja' to'ox jech mozoinbiloxuc te ta Egipto eq'ue, xchi'uc ti ja' la scoltaoxuc loq'uel tal li Muc'ul Dios cu'untique. Ja' yu'un jech mantal ta xcalboxuc ava'yic.

Deuteronomio 26:8

Jech laj aloq'uesuncutic tal ta Egipto ta avu'el ta atsatsal, xchi'uc ta sventa ti toj tsots c'usitic laj avac' c'otuc ta pasele xchi'uc ti toj xi'balic sbae.

Deuteronomio 4:23

Pero bijanic me. Mu me xch'ay ta avo'ntonic li c'usi la xchapan Muc'ul Dios ta atojolique. Mu me c'usi xapasbeic sloc'obal jech chac c'u cha'al laj yalboxuc Muc'ul Dios cu'untic ti mu xu' chapasique.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Deuteronomio 5:15

Na'ic me ti jech to'ox mozoinbiloxuc te ta Egipto ec li vo'oxuque. Pero vu'un li Muc'ul Diosun avu'unique la jloq'uesoxuc tal ta jvu'el ta jtsatsal. Ja' yu'un li' chacalboxuc ti ac'o me avich'ic ta muc' li sc'ac'alil chacux avo'ntonique.

Deuteronomio 6:12

C'alal me ic'ot ta pasel jech chac c'u cha'al laj calboxuque, mu me xch'ay ta avo'ntonic li Muc'ul Dios ti ja' la sloq'uesoxuc tal ta Egipto ti bu to'ox oyoxuc ta mozoile.

Deuteronomio 7:19

Na'ic me c'u x'elan li muc'tic sq'uelubiltac stsatsal laj yac' ta ilele. Vo'oxuc testigooxuc, yu'un laj avil ta asatic ti ta svu'el ta stsatsal la sloq'uesoxuc tal ta Egiptoe. Ja' no'ox jech xu' ta spas ta atojolic noxtoc te ta lumetic ti chaxi'ic yu'une.

Deuteronomio 7:8

Li Muc'ul Diose ja' la sloq'uesoxuc tal ta Egipto ti bu to'ox tiq'uiloxuc ta mozoile. Ta svu'el ta stsatsal la spojoxuc loq'uel tal ta sc'ob li faraone yu'un toj c'uxoxuc ta yo'nton, xchi'uc ja' laj yac' c'otuc ta pasel li c'usi xchapanoj ono'ox xchi'uc jmoltotactic ta vo'onee.

Deuteronomio 9:29

Yu'un li stuquique ja' lum avu'un. Ja' ateclumal yu'un vo'ot laj aloq'ues tal ta Egipto ta avu'el ta atsatsal’, xichi ta stojol li Muc'ul Diose.