Éxodo 6:4 - Bible in Tzotzil de Chenalhó with Deuterocanon

⁴ Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Bible in Tzotzil de Chamula

⁴ Ac'o mi jech taje, ja' no'ox un, laj jpas jun jtrate ta stojolic. Laj cal ta xcac'beic ti Canaán banomil bu co'ol s'elan jyanlum xanavic c'uc sjalile.

Éxodo 6:4 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 15:13

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 17:13

Jech c'u cha'al ta xich' li boch'otic te voq'uemic ta anae, ja' jech ac'o yich'ic ec li boch'otic manbilic ta taq'uin avu'une. Jech te chcom o senyail ta abec'talic jayib c'ac'al cuxuloxuc li c'usi chapanbil cu'une.

Génesis 17:4

—Ja' jech li c'usi chapal chcom cu'un ta atojole: Vo'ot stotot ep ta chop cristianoetic chac'ot.

Génesis 23:4

Jech c'ot yalbe: —Ac'o me yanlum vinicun ti li' nacalun ta atojolique, chonbicun jutebuc osil sventa te chbat jmuc li cajnile —xut.

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 26:4

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 28:4

Ac'o yac'bot achi'uc amomnich'nabtac li bendición ti yalojbe ono'ox li Abrahame, yu'un jech vo'oxuc yajvaloxuc chacomic li banamil li' yo' bu nacalutic ta ora jech chac c'u cha'al yanlum cristianoe. Yu'un jech ono'ox albil yu'un Dios li Abraham ti chcu'unintic li banamil li'i”, xut.

Génesis 6:18

Pero li vo'ote ta xcom ta atojol li c'usi chapanbil cu'un ta sventa coltaele. Cha'ochic ta barco achi'uc avajnil, anich'nab, xchi'uc avalibtac.

2 Samuel 23:5

Ja' yu'un li jmomnich'nabtaque j'ech'el te oyic o ta stojol Dios, yu'un oy c'usi lec yalojbun ti mu xlaj sc'oplal sbatel osile. Li c'usi yaloje lec chapal o, xchi'uc jbel sc'oplal. Ja' chac' tsalvancun ta pleito; ja' chac' ti ac'o c'otuc ta pasel li c'usi oy ta co'ntone.

Salmos 105:11

Jech laj yalbe: “Vo'ot chacac'bot li Canaán banamile; ja' avu'un o chcom”, xut.

Salmos 105:12

Mu'yuc epic, unin jtsob yanlumetic ic'otic.

Éxodo 13:4

Li c'usi ora laloq'uic tal li'i ja' ta u Abib.

Éxodo 13:5

Ja' tsc'an ja' jech u chapasic jujun q'uin c'alal me laj xa'ox yic'oxuc ochel te ta banamil li Muc'ul Diose, ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Ja' li yosilal canaanetic, hetetic, amorretic, hevetic, xchi'uc jebusetic, ti albil ono'ox jmoltotic ta vo'one cha'ac'batique.

Éxodo 6:8

Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

Números 10:29

Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.