Éxodo 6:3 - Bible in Tzotzil de Chenalhó with Deuterocanon

³ laj cac' jba ta otquinel ta stojol Abraham, Isaac, xchi'uc Jacob vu'un ti “Ech'em Stsatsal”, xi jbie. Pero mu'yuc laj cac'be yotquinic ti ta melel ja' Muc'ul Dios jbie.

Bible in Tzotzil de Chamula

³ Ti jbiinoj Dios ti scotol xu' cu'une, laj cac' jba iluc ta stojol ti Abrahame, ti Isaaque, ti Jacobe. Ja' no'ox un, mu'yuc laj jvinajes AJVALIL xi ti jbats'i bi ta stojolique:

Éxodo 6:3 Iomraidhean Croise

Génesis 13:18

Ja' yu'un li Abrame la stitun batel li scarpanae. Bat nacluc ta toyolal tulantic yu'un jun vinic Mamre sbi, te ta nopol lum Hebrón. Te la spas jun scajleb smoton Muc'ul Dios, yu'un chich' ta muc'.

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 22:14

Li Abrahame laj yac'be sbi li banamile: “Li Muc'ul Diose chac' li c'usi jtunel cu'untique”, xi sbi laj yac'be. Ja' yu'un yoquel to jech chich' albel sc'oplal: “Te ta vits chac' c'usi jtunel cu'untic li Muc'ul Diose”, xi ch-albat sc'oplal.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 48:3

Jech laj yalbe li Josee: —Li Dios ti ech'em stsatsale laj yac' sba ta ilel ta jtojol te ta Canaán banamil ta jun lum, Luz sbi. Te laj yac'bun bendición. Jech laj yalbun:

Salmos 68:4

Q'uejinanic yu'un li Diose; q'uejintabeic ta q'ueojetic li sbie. Ich'ic ta muc' li boch'o chcaji ta ba toque, ja' li Muc'ul Diose; cuxetuc no'ox avo'ntonic ta stojol.

Salmos 83:18

Yu'un jech ac'o yotquinic ti vo'ot no'ox atuc Muc'ul Diosote, ti vo'ot no'ox atuc te oyot ta vinajele, ti oy ta ac'ob scotol li banamile.

Éxodo 15:3

Li Muc'ul Diose ja' muc'ta jpaspleito. Ja' Muc'ul Dios sbi.

Éxodo 23:21

Mu me xavoc' abaic ta stojol; a'ibeic me li sc'ope. Mu me xabajbeic smantal, mu'yuc me xaspasboxuc perdón me laj ata amulique, yu'un ja' ta jventa ti ch-abteje.

Éxodo 3:14

Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

Isaías 42:8

Vu'un li Muc'ul Dios jbie, mu xcac' boch'o yan chich' li jlequilal cutsilale; mu xcac' ja' chc'ot ta stojolic quich'el ta muc' li c'usitic loc'tabilic no'oxe.

Isaías 44:6

Li Muc'ul Dios, ja' li Ajvalil yu'un Israele, ja' li Jpojvanej yu'un ti ech'em svu'ele, jech chal: “Vu'un te oyun o ta sliquebal xchi'uc ta slajebal; mu'yuc yan dios jech chac c'u cha'al vu'un.

Jeremías 16:21

Jech itac'ov li Muc'ul Diose: “Ja' yu'un ta jbel sc'oplal ta jchanubtasic, ta xcac'be yilic li jvu'el jtsatsale, jech chlic sna'ic ti ta melel vu'un Muc'ul Dios jbie”, xi.

Jeremías 33:2

“Vu'un li Muc'ul Diosune, vu'un ti la jpas banamile, ti la jchapan lec, ti la jnacan lec ta snaclebe, jech chacalbot:

Ezequiel 20:5

jech xavalbe: ‘Jech chal li Muc'ul Diose, ja' li Cajvaltique: C'alal la jt'uj li Israele, ja' li Jacobe, jtoyoj jc'ob c'alal oy c'usi laj calbe ta jamal li smomnich'nabtaque. Laj cac' jba ta otquinel ta stojolic te ta Egipto; jtoyoj jc'ob jech laj calbeic: Vu'un Muc'ul Diosun avu'unic, xcut.

Ezequiel 37:13

C'alal ta jam li amuquinalique, c'alal ta xcac' loc'anic batele, jech chana'ic o ti vu'un Muc'ul Diosune.

Ezequiel 37:6

Ta xcac'boxuc ach'uxuvilic, ta xcac'boxuc abec'talic, ta xcac'boxuc anuculilic, ta xcac'boxuc ach'ulelic, jech chacuxiic; jech chana'ic o ti vu'un Muc'ul Diosune, xi li Diose’, uto”, xiyutun.

San Juan 8:58

Itac'ov li Jesuse: —Jamal chacalboxuc ava'yic, c'alal mu'yuc to'ox li Abrahame, te ono'ox oyun li vu'une —xi.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Rut 1:20

Li Noemie jech laj yal: —Mu xa xavalbicun Noemí. Mara xavalbicun, yu'un li Dios ti ech'em svu'ele tsots laj yac'bun jvocol.