Éxodo 6:26 - Bible in Tzotzil de Chenalhó with Deuterocanon

²⁶ Li Aarón xchi'uc Moisese ja' ti jech i'albatique: “Bat loq'uesic tal ta Egipto li achi'iltac ta israelale. Lec jmoj cholol xabatic jech chac c'u cha'al jtsob soldadoetic”, ti x'utatique.

Bible in Tzotzil de Chamula

²⁶ Ti Aarone xchi'uc ti Moisés taje, ja'ic ti buch'utic albatic yu'un Dios ti ac'o sloq'uesic batel ti israeletic ta Egipto banomil jech c'u cha'al junuc soldado ta svol loq'uele.

Éxodo 6:26 Iomraidhean Croise

Génesis 2:1

Jech imeltsaj o li vinajel banamile xchi'uc scotol li c'usitic te oye.

1 Crónicas 6:3

Li xnich'nab Amrame ja' Aarón, Moisés, xchi'uc María. Li xnich'nab Aarone ja' Nadab, Abiú, Eleazar, xchi'uc Itamar.

Salmos 77:20

Ta sventa Moisés xchi'uc Aarón laj achabi tal li jteclum avu'un ti ja' jechic jech chac c'u cha'al chijetique.

Salmos 99:6

Li Moisés xchi'uc Aarone ja' no'ox i'abtejic ta paleal yu'un Dios; li Samuele ja' no'ox ic'opoj ta stojol Dios. C'alal la sc'anbeic vocol li Muc'ul Diose, itac'bat li sc'opique.

Éxodo 12:17

Li q'uin sventa pan ti mu'yuc yich'oj svolesubil xch'ute tsots sc'oplal tsc'an chana'ilanic o, yu'un ja' sc'ac'alil la jloq'uesoxuc ta Egipto. Jech jmantal chcom o c'alal ta avalab anich'nabic ti ac'o apasilanic li q'uine.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 12:51

Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 13:18

Ja' yu'un xi to bat yac'be spasic tal velta ta sbelal xocol banamil ti xc'ot ta Tsajal Nabe. Li israeletique lec chapal xchi'uc yabtejebic c'alal iloq'uic tal ta Egipto.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 32:1

C'alal laj yil israeletic ti ijalij ta vits li Moisese, la stsob sbaic tal ta stojol li Aarone, jech laj yalbeic: —Pasbun jdioscutic yu'un ja' ba'yucbe chbat cu'uncutic. Yu'un li Moisés ti la sloq'uesuncutic tal ta Egiptoe, mu jna'tic c'usi la spas ti yoquel to mu'yuc ta sut tale —xutic.

Éxodo 32:11

Li Moisese te lic sc'anbe vocol li Diose, jech laj yalbe: —Muc'ul Dios, ¿c'u yu'un cha'ilin ta stojol li jteclum avu'un ti laj aloq'ues tal ta Egipto ta amuc'ul atsatsale?

Éxodo 32:7

Li Muc'ul Diose jech laj yalbe li Moisese: —Yalan batel ta ora, yu'un li achi'iltac ta israelal ti laj aloq'ues tal ta Egiptoe ich'ayic xa ta be.

Éxodo 6:13

Ja' yu'un li Muc'ul Diose laj yalbe Moisés xchi'uc Aarón ti ac'o bat yalbeic israeletic, xchi'uc ac'o bat yalbeic faraón ti yich'ojic xa tsots mantal ti ac'o yac' loq'uel ta Egipto scotol israeletique.

Éxodo 6:20

Li Amrame laj yic' sbaic xchi'uc sjunme', ja' Jocabed sbi. Ivoc' yalab, ja' li Aarón xchi'uc Moisese. Li Amrame icuxi vuclajuneb svucvinic (137) jabil.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Miqueas 6:4

Vu'un laj quic'ot loq'uel tal ta Egipto; vu'un la jpojot loq'uel ti bu abul aba ta mozoinele; vu'un la jtac batel ta atojolic li Moisés, li Aarón, xchi'uc li Mariae.

Números 33:1

Ja' jech ixanovic tal ta juju-ich' li israeletic c'alal iloq'uic tal ta Egiptoe. Lec jmoj xcholetic tal; ja' ventainbilic tal yu'un li Moisés xchi'uc Aarone.

Josué 24:5

Vu'un la jtac batel li Moisés xchi'uc Aarone, xchi'uc laj cac'be tsots svocolic li egiptoetique, jech iloq'uic o tal cu'un te ta Egipto.

1 Samuel 12:6

Li Samuele jech laj yalbe scotol li israeletique: —Li Muc'ul Diose ja' la sloq'ues tal ta Egipto banamil li jmoltot jyame'tic ta vo'one ta sventa li Moisés xchi'uc Aarone.

1 Samuel 12:8

C'alal ibatic ta Egipto li Jacob xchi'uc smomnich'nabtaque, te laj yich'ic mozoinel yu'un li egiptoetique. Jech li jmoltot jyame'tic ta vo'onee lic sc'anbeic vocol li Muc'ul Diose. Ja' yu'un li Muc'ul Diose ja' la stac batel li Moisés xchi'uc Aarone; ja' bat sloq'uesic tal ta mozoil ta Egipto banamil li jmoltot jyame'tic ta vo'onee, jech li' ivul naquiicuc ta banamile.