Éxodo 6:23 - Bible in Tzotzil de Chenalhó with Deuterocanon

²³ Li Aarone laj yic' sbaic xchi'uc Elisabet, ja' li stseb Aminadabe xchi'uc ja' xchi'il ta voq'uel li Naasone. Li Elisabete ivoc' yalabtac, ja' Nadab, Abiú, Eleazar, xchi'uc Itamar.

Bible in Tzotzil de Chamula

²³ Ti Aarone laj yic' ti Elizaba ti ja' xchi'il ta voq'uel ti Nahsone. Ti Elizabae, ja' yantsil nich'on ti Aminadabe. Ja' jech sbitac ti yol laj svoq'uese, ja' ti Nadabe, ti Abihue, ti Eleazare, xchi'uc ti Itamare.

Éxodo 6:23 Iomraidhean Croise

1 Crónicas 2:10

Li Rame inich'naj, Aminadab sbi. Li Aminadabe inich'naj, Naasón sbi. Ja' banquilal ic'ot yu'un li smomnich'nab Judae.

1 Crónicas 6:3

Li xnich'nab Amrame ja' Aarón, Moisés, xchi'uc María. Li xnich'nab Aarone ja' Nadab, Abiú, Eleazar, xchi'uc Itamar.

Éxodo 24:1

Li Muc'ul Diose jech laj yalbe li Moisese: —Muyanic tal li' ta jtojol achi'uc li Aarone, li Nadabe, li Abiue, xchi'uc li lajuneb xchanvinic (70) banquilaletic yu'un achi'iltaque, pero nom no'ox xava'an abaic; te xaquejan abaic ta jtojol.

Éxodo 24:9

Li Moisese imuyic batel ta vits xchi'uc li Aarón, li Nadab, li Abiú, xchi'uc li lajuneb xchanvinic (70) banquilaletic yu'un israeletique.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Levítico 10:12

Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 10:6

Li Moisese jech laj yalbe li Aarón xchi'uc xnich'nabe, ja' li Eleazar xchi'uc Itamare: —Mu me jeche'uc spispun li ajolique, xchi'uc mu me xali' ac'u'ic ta scoj me'nal, yu'un jech mu xachamic, xchi'uc jech mu x'ilin Muc'ul Dios ta stojol li jchi'iltactic ta israelale. Scotol li cuts' calaltic ti jun jts'unubal jchi'uctique ja' ac'o yat yo'ntonic ta sventa ti persa chtal yac' jtoj jmultic li Muc'ul Diose.

Números 1:7

“Ta sventa li jchop liquemic ta Judae ja' Naasón, xnich'on Aminadab.

Números 2:3

“Ta stuq'uil sloq'ueb c'ac'ale, ja' te ac'o spas scarpanaic li soldadoetic ti chanovic batel ta yolon bandera yu'un Judae. Li soldadoetic ti liquemic ta jchop yu'un Judae ja' me banquilal yu'unic li Naasón, xnich'on Aminadabe.

Números 20:25

Li vo'ote Moisés, ic'o batel ta jolvits Hor li Aarone xchi'uc li xnich'on Eleazare.

Números 20:28

Li Moisese te la sloc'be sc'u' li Aarón sventa paleale, ja' laj yac'be slap li Eleazare. Te no'ox ta jolvits icham li Aarone.

San Mateo 1:4

Inich'naj li Arame, Aminadab sbi. Inich'naj li Aminadabe, Nasón sbi. Inich'naj li Nasone, Salmón sbi.

San Lucas 1:5

C'alal ja'o ochem ta ajvalilal ta Judea banamil li Herodese, oy jun pale Zacarías sbi. Ja' xchi'iltac ta paleal li jvoc' yu'un Abiase. Li yajnil Zacariase Isabel sbi; ja' smoltot ta vo'one li Aarone.

Josué 24:33

C'alal icham ec li Eleazar, ja' li xnich'on Aarone, te la smuquic ta sts'ubts'ubil yosil xnich'on, ja' li Fineese. Ja' te ta vitsetic yu'un li Efraine.