Éxodo 6:13 - Bible in Tzotzil de Chenalhó with Deuterocanon

¹³ Ja' yu'un li Muc'ul Diose laj yalbe Moisés xchi'uc Aarón ti ac'o bat yalbeic israeletic, xchi'uc ac'o bat yalbeic faraón ti yich'ojic xa tsots mantal ti ac'o yac' loq'uel ta Egipto scotol israeletique.

Bible in Tzotzil de Chamula

¹³ Jech o xal ti Diose laj yalbe mantal ti Moisese, ti Aarone, ti ac'o yalbeic ya'i ti israeletique xchi'uc ti faraone, ti yich'ojic tsots mantal ti ac'o yac' loc'uc batel ta Egipto ti israeletique.

Éxodo 6:13 Iomraidhean Croise

Salmos 91:11

Ta stacbot tal li yaj'almantaltaque; ja' chaxchabiot ti buyuc no'ox chaxanove.

Éxodo 6:12

Li Moisese jech la stac'be li Muc'ul Diose: —Mu xiyich'bicun ta muc' c'usi laj calbeic li jchi'iltaque. ¿C'u x'elan xu' chiyich'bun ta muc' jc'op faraón ti vocol chloc' ta que c'usi chcale? —xut.

Éxodo 6:14

Li'i ja' li banquilaletic ta jujuchop na ta sventa stotique. Li banquilal xnich'on Israele ja' li Rubene. Li xnich'nabtaque ja' li'i: Hanoc, Falú, Hezrón, xchi'uc Carmi. Le'e ja' jchop xnich'nabtac li Rubene.

Éxodo 6:26

Li Aarón xchi'uc Moisese ja' ti jech i'albatique: “Bat loq'uesic tal ta Egipto li achi'iltac ta israelale. Lec jmoj cholol xabatic jech chac c'u cha'al jtsob soldadoetic”, ti x'utatique.

Números 27:19

Ts'acal ic'o batel ta stojol li pale Eleazare xchi'uc ta stojol scotol li achi'iltaque; te ta satic xavac'be sventain comel li abtele.

Números 27:23

Laj yac' sc'ob ta sjol, jech laj yac'be yabtel jech chac c'u cha'al laj yal mantal Muc'ul Dios ta sventa li Moisese.

San Mateo 4:6

Jech laj yalbe: —Me vo'ot Xnich'onot Diose, jipo aba yalel li'i. Yu'un jech ts'ibabil ta sc'op Dios: ‘Ja' ta stacbot tal yaj'almantaltac, ja' chaxchabiot. Ja' chastsaquicot batel ta sc'obic, yu'un jech mu xabosi avacan ta ton’, xi ts'ibabil —xut.

Deuteronomio 31:14

Li Muc'ul Diose jech laj yalbe li Moisese: “Q'uelavil, li vo'ote po'ot xa tsta yorail chacham. Ja' yu'un ic'o batel achi'in li Josué te ta ch'ulna pasbil ta nucule yu'un te ta xcac'be yabtel”, xut. Li Moisés xchi'uc Josuee ibatic ta ch'ulna pasbil ta nucul.

1 Timoteo 1:18

Timoteo, vo'ot ti xco'laj xchi'uc jnich'onote, ja' jech li bijubtasel chacac'bote. Ja' co'ol jech chac c'u cha'al i'ac'bat sna'ic yu'un Dios ti laj yalic ta aventae, jech ac'o me persa scontrainel li c'usi chopole.

1 Timoteo 5:21

Ta xcalbot mantal ta stojol Dios, xchi'uc ta stojol Cajvaltic Jesucristo, xchi'uc ta stojol li yaj'almantaltac st'ujoje. Ja' me jech xapas batel jech chac c'u cha'al laj calbot li'i. Co'ol me xapas; mu me t'ujbiluc no'ox boch'o jech xapasbe.

1 Timoteo 6:13

Li' ta orae ta jpasot ta mantal ta stojol Dios, ja' li boch'o chac' cuxiuc scotol c'usitic oye, xchi'uc ta stojol li Jesucristoe, ja' li boch'o jamal laj yal sba ta stojol Poncio Pilatoe.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.

2 Timoteo 2:4

Li boch'o ochem ta soldadoile mu xu' chbat stic' sba ta yan abtel. Ja' no'ox tsc'an ac'o spas c'usi tsc'an li boch'o i'ic'at yu'une, yu'un jech lec ch-ilat.

2 Timoteo 4:1

Ta xcalbot mantal ta stojol Dios xchi'uc ta stojol li Jesucristoe, ja' li boch'o ta to xtal ta Ajvalilal sventa chtal xchapan li boch'otic cuxajtique xchi'uc li boch'otic chamenique.