Éxodo 6:12 - Bible in Tzotzil de Chenalhó with Deuterocanon

¹² Li Moisese jech la stac'be li Muc'ul Diose: —Mu xiyich'bicun ta muc' c'usi laj calbeic li jchi'iltaque. ¿C'u x'elan xu' chiyich'bun ta muc' jc'op faraón ti vocol chloc' ta que c'usi chcale? —xut.

Bible in Tzotzil de Chamula

¹² Ja' no'ox un, ti Moisese xi laj yalbe ti Diose: —Mu xa ja'uc xiyich'ic ta muc' ti israeletique, ¿c'uxi ono'ox ta xcut ta xiyich' ta muc' ti faraone c'alal mu xitojob xic'opoje?

Éxodo 6:12 Iomraidhean Croise

Éxodo 3:11

Pero li Moisese jech laj yalbe li Diose: —¿C'usi xu' cu'un ti vu'un chibat ta stojol faraón yu'un chbat jloq'ues tal ta Egipto li jchi'iltac ta israelale? —xi.

Éxodo 3:13

Pero li Moisese jech laj yal: —Li c'usi vocol chca'ye ja' ti c'alal jech chc'ot calbe li jchi'iltaque: ‘Li Dios yu'un jmoltotic ta vo'onee, ja' la stacun tal li' ta atojolique’, me xcute, me jech chisjac'bicune: ‘¿C'usi sbi?’, me xiyuticune. ¿C'uxi ta jtac'be? —xi.

Éxodo 4:1

Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Éxodo 4:10

—Ay, Cajval, mu xu' cu'un lec xilo'ilaj; mu xisabaj ta lo'il. Mu ja'uc to volje chabje ti jech chic'opoje. Jech ono'ox jtalel o, vu'un li avajtunelune. Jtalel o ti xquiclajet no'ox coc' c'alal chic'opoje —xi li Moisese.

Éxodo 6:13

Ja' yu'un li Muc'ul Diose laj yalbe Moisés xchi'uc Aarón ti ac'o bat yalbeic israeletic, xchi'uc ac'o bat yalbeic faraón ti yich'ojic xa tsots mantal ti ac'o yac' loq'uel ta Egipto scotol israeletique.

Éxodo 6:30

Li Moisese jech la stac'be: —Muc'ul Dios, toj vocol chloc' xic'opoj, ja' yu'un ¿C'uxi xu' chiyich'un ta muc' li faraone? —xut.

Éxodo 6:9

Ja' yu'un li Moisese bat yalbe ya'yic yan velta li xchi'iltaque, pero muc xa xich'ic ta muc', yu'un chibajem yo'ntonic ta scoj ti toj tsots mozoinbilique.

Isaías 6:5

Jech la jnop: “¡Ay, toj abul jba; ta xa xicham! Yu'un laj xa quil ta jsat li Muc'ul Ajvalile, ja' li Muc'ul Dios ti ech'em svu'ele, vu'un ti ep sbolil quee xchi'uc ti li' nacalun ta stojol li cristianoetic ti puru chopol c'usi chloc' ta yeique”, xichi.

Jeremías 1:6

Jech la jtac'be: “Ay, Cajval, Muc'ul Dios, mu to jna' xilo'ilaj, yu'un queremun to”, xcut.

Jeremías 6:10

Li vu'une jech la jtac': “¿Me oy boch'o tsc'an cha'ay c'alal me ta jc'opane, me chcalbe jech chac le'e? Q'uelavil, pasemic o ta coc, mu xa'yic o c'opanel; ja' no'ox tsna'leic li ac'ope, mu sc'an xa'yic o.

Jeremías 9:26

ja' li Egiptoe, li Judae, li Edome, li Amone, xchi'uc li Moabe, xchi'uc scotol li boch'otic te nacalic ta xocol banamil ti chjux stsotsil sjolique. Yu'un scotolic ta jujun banamil mu'yuc yich'ojic circuncisión. Jech ec li israeletique mu'yuc yich'ojic circuncisión ta yo'ntonic ec”, xi.

Levítico 26:41

ti jech lic jcontrainoxuc eq'ue, ti laj quic'oxuc batel ta yosilal li avajcontraique, ja' svinajeb ti chasutes avo'ntonique, ti chavotquin li amulique.

Hechos 7:51

“Li vo'oxuque toj tsots avo'ntonic. Ja' jech avo'ntonic xchi'uc ja' jech achiquinic jech chac c'u cha'al li boch'otic mu'yuc yich'ojic circuncisione. Scotol ora contra chavilic li Ch'ul Espiritue. Ja' chapasic jech chac c'u cha'al la spasic li amoltot ayame'ic ta vo'onee.

Deuteronomio 30:6

Chascomtsanboxuc o ta avo'ntonic achi'uc anich'nabic xchi'uc amomnich'nabic li c'usi xchapanoj ono'oxe. Te chcom o jech chac c'u cha'al jun marca, yu'un jech xu' chlic ac'anic o ta scotol ajol avo'ntonic. Jech xu' chacuxiic.