Éxodo 6:1 - Bible in Tzotzil de Chenalhó with Deuterocanon

¹ Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Bible in Tzotzil de Chamula

¹ Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Éxodo 6:1 Iomraidhean Croise

2 Reyes 7:19

Pero li yajcoltaubbail ajvalile jech ono'ox la stac'be li j'alc'ope: “Ac'o me ta sjambe sventanail vinajel li Muc'ul Diose, mu xc'ot ta pasel li c'usi chavale”, xut ono'ox. Li Eliseoe jech laj yalbe: “Ta to xavil ta xchibal asat atuc, pero mu'yuc xa chave' li vo'ote”, xut.

2 Reyes 7:2

Li yajcoltaubbail stuc ajvalile jech la stac'be li j'alc'ope: —Ac'o me tsjambe sventanail vinajel li Muc'ul Diose, mu xc'ot ta pasel li c'usi chavale —xi. Itac'ov li Eliseoe: —Te chavil ta xchibal asat atuc, pero mu'yuc chave' li vo'ote —xut.

2 Crónicas 20:17

Mu persauc chapasic pleito li vo'oxuque; te no'ox va'ano abaic, ch'anchanic. Q'uelavilic c'u x'elan chajcoltaoxuc, vu'un li Muc'ul Diosune. Yajvaltac Judá xchi'uc Jerusalén, mu me xaxi'ic; mu me xchibaj avo'ntonic. Loc'anic batel oc'om, bat ac'beic; te chajchi'inoxuc’, xijyututic li Muc'ul Diose”, xi li Jahaziele.

Salmos 12:5

Li Muc'ul Diose jech chal: “Ta sventa ti toj uts'intabil li me'onetique, ta sventa ti toj c'ux svocol li boch'o mu'yuc stu ch-ilatique, ja' yu'un ta xibat, chbat cac'be li coltael tsc'anique”, xi.

Salmos 12:6

Li c'usi yaloj Muc'ul Diose, bats'i sac ta jyalel, jech chac c'u cha'al saquil taq'uin ti lecubtasbil ta hornoe, ti ts'acal lec vucub velta chic'bil ta horno li yic'ubale.

Salmos 136:12

Ta svu'el, ta stsatsal la sloq'ues tal, yu'un sbatel osil mu xlaj o li c'uxubinel yu'une.

Salmos 89:13

Li ste'el ac'obe toj ech'em svu'el; li abats'ic'obe toj tsots, xchi'uc ja' jtsalvanej.

Éxodo 11:1

Li Muc'ul Diose jech laj yalbe li Moisese: —Ta to xcac' tal yan vocol ta stojol li faraone xchi'uc ta scotol li egiptoetique. C'alal me ic'ot ta pasel le'e, te xa ta scoltaoxuc o batel li faraone. Ja' xa stuc ta stacoxuc loq'uel.

Éxodo 12:31

Li faraone te no'ox ta yac'ubalil la stac ta iq'uel li Moisés xchi'uc Aarone, jech laj yalbe: —Batanic, voc'o abaic loq'uel ta stojol li jchi'iltac vo'oxuc li israeloxuque. Bat ich'ic ta muc' li Muc'ul Dios jech chac c'u cha'al laj avalique.

Éxodo 12:33

Li egiptoetique la sujic israeletic ti ac'o loq'uicuc batel ta anil ta yosilalique, yu'un la snopic ti ta xcham scotolique.

Éxodo 12:39

Ta sventa ti iloq'uesvanic ta anil li egiptoetique jech mu'yuc xa c'usi laj yutic la smeltsan sve'elic ta anil li israeletique. Ja' lic spasic ta pan li vots'bil arina yich'ojic tal ta Egipto ti mu'yuc yich'oj svolesubil xch'ute, yu'un mu'yuc to'ox pajuben.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:16

Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 14:13

Itac'ov li Moisese: —Mu xaxi'ic. Junuc avo'ntonic. Tana li'i chavilic c'u x'elan chascoltaoxuc li Muc'ul Diose. Li egiptoetic ti chavilic le' xa xtalique, mu'yuc xa bu chavilic o yan velta.

Éxodo 15:6

Muc'ul Dios, ta stsatsal svu'el abats'ic'ob laj alilin li avajcontrataque.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Isaías 63:12

xchi'uc ti ta svu'el stsatsal la xchi'in ta yalel muyele, ti la svoc' li muc'ta nab ta stojol steclumal, yu'un jech ac'o yich' albel slequilal sbatel osile.

Números 11:23

Pero li Muc'ul Diose jech laj yal: —¿Me yu'un chanop ti jutuc no'ox jvu'ele? Tana tsc'an chaq'uel me chc'ot ta pasel li c'usi laj cale, o me mo'oj —xi li Muc'ul Diose.

Números 23:23

Li Jacobe mu stac' uts'intael. Li j'ac'chameletique mu'yuc c'usi xu' yu'un tspasbeic li Israele. Li' ta orae ja' tsc'an jech chich' albel li Israele: ‘Toj ep spasoj sq'uelubil stsatsal ta atojolic li Diose’, sc'an xi sc'oplal.

Hechos 13:17

Li Dios cu'untic, vu'utic li israelutique, ja' la st'uj li jmoltot jyame'tic ta vo'onee. C'alal te oyic ta Egipto banamile, laj yac' c'oticuc ta jun muc'ta lum. Ts'acal to iloq'uesatic tal ta stsatsal Dios, yu'un muc ja'uc ono'ox slumalic.

Deuteronomio 32:39

Vu'un no'ox jtuc Muc'ul Diosun, mu'yuc yan diosetic jech chac c'u cha'al vu'un. Vu'un ta xcac' acuxlejalic; vu'un ta jpoj sutel noxtoc. Vu'un ta xcac' yayijanic; vu'un ta jpoxta noxtoc. Mu'yuc boch'o xu' yu'un tspoj sba loq'uel ta jc'ob.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.